Luku 3:8 - Sénoufo Nyarafolo

⁸ Ye- sí de yasɛnrɛ sɛngi dàa ti béri ki tìí yeli nyɛ́nì yiʔɛ yeli funyɔ nī yè. Yé fǎga sí séli de ki sɔ̀ngí yeli funyɔ nī yèʔ bé jo: ‹Weli tuuliʔɛ gīBirayima wèʔ›. A kire 'laa m'bé ki juu yeli mɛ́ ye- ki cɛ́n, Kulocɛliɛ wi fànʔa yē bè gbɛ̀ sìndɛniyɛ nyáà yiʔɛ yè yi- kò pìile bè kɛn Birayima mɛ́ wè.

Luku 3:8 Iomraidhean Croise

Matiye 21:43

«Kire nɛ̄, m'bé ki juu yeli mɛ́, Kulocɛliɛ Kùlofɔligɔ ki bága suɔ yeli mɛ́ bè kɛn kùlo láà wuulo mɛ́, peli béri ki yasɛnrɛ sɛngi dè.

Matiye 3:8

Ye sí de yasɛnrɛ sɛngi dàa ti béri ki tìí yeli nyɛ́ni yiʔɛ yeli funyɔ nī yè.

Matiye 3:9

«Ye fǎga sí de ki sɔ̀ngí baa yeli funyɔ nī yèʔ bèri wáa dí ‹Birayima› wī weli tuuliʔɛ gèʔ. Á kire 'laa m'bé ki juu yeli mɛ́ ye- ki cɛ́n, Kulocɛliɛ wi fànʔa yē bè gbɛ̀ sìndɛniyɛ nyáà yiʔɛ yè yi- kò pìile bè kɛn Birayima mɛ́ wè.

Luku 13:25

«A saʔa kàfɔli wi kɛ́nì yɛ̀ nɛ̀ kɔ̀ri tɔ́n gè yeli bé kò baa kpànʔanɛ gè, yeli bé béri yéri baa de kɔ̀ri kóli gè bé jo: ‹Kàfɔli, -kɔ̀ri múgu gè weli mɛ́ !› «Wi bé yeli yɛ: ‹Mi sì yeli cɛ́nʔ. Sé yeli kɔ́n ?›

Luku 13:26

«Kire lɛ̀lɛ nī lè yeli bé yɛ̀ de ki nyu bé jo: ‹Weli we 'puu nɛ wuu nɛ líi níɛ gbun nɛ́ muɔ ní wè, nɛ̀ pínɛ muɔ 'siɛnnɛ tɛnmɛ bèle nɛ̀ tóri weli kàʔa kogboliyo nī yè.›

Luku 14:9

ŋàa wi 'yeli yeri bèle, wi bé pa muɔ yɛ: ‹Yɛ̀ má muɔ tɛ́nidiʔɛ kɛn gè ŋàa mɛ́ wè.› Kire lɛ̀lɛ nī lè fìɛrɛ bé tɔ́n muɔ nɛ̄, dí muɔ sí yɛ̀ bè sa tɛ́ni baa kàduʔu mɛ́ gè.

Luku 19:40

A Zezi wi 'siɛnnugoro kɛn dè pe mɛ́ nɛ́ pe yɛ: «M'bé ki juu yeli mɛ́, a bàli pe 'pìiri bèle, sìndari béri yékpuʔulo wáari.»

Luku 19:9

A Zezi wi 'wi yɛ: «Pàngɛ gè, suɔlɔ ni 'pɛn náʔa saʔa gáà mɛ́ gè, nɛ̀ taʔa gíi nɛ̄, Birayima tùlugo wuu wáà wī ŋàa wè nɛ̀ pínɛ.

Luku 5:21

A Fànʔa Siɛnrɛ sɛbɛcɛ́nminɛ bèle, nɛ́ Fariziɛnnɛ ní bèle, a peli 'fali nɛ kúnʔɔri baa pe funyɔ nī yè níɛ wáa: «Nàguɔ ŋáà wi cɛ́ni wìi sɔ̀ngí mɛni wī, níɛ nyu nɛ Kulocɛliɛ míʔɛ córi gè ? Ŋáasiɛn wi bé gbɛ̀ kapiʔile láʔa siɛn nɛ̄ nɛ̀ yiri Kulocɛliɛ nigbe nī  ?»

Zezi Kirisi Kataanna Siɛnrɛ dè Zan juumɔ nɛ̄ bè 8:33

A pe sí siɛnnugoro kɛn wi mɛ́ nɛ́ wi yɛ: «Birayima siimɛ wuulo bīɛlɛ weli bèle; siɛn sì fìɛ weli cáan sùkulomɔ nī nɛ̀ nyaaʔ. Ki sí mɛni á muɔ 'jo dí weli bé kò wìyemɛ ?»

Zezi Kirisi Kataanna Siɛnrɛ dè Zan juumɔ nɛ̄ bè 8:39

A pe 'siɛnnugoro kɛn wi mɛ́ nɛ́ wi yɛ: «Birayima wī weli tuu wè.» A Zezi wi 'pe yɛ: «A ki yē Birayima pìile bīɛlɛ yeli bèle, yeli cî de Birayima kakpiʔiligele kpínʔini.

Kakpiʔiligele 26:20

A mi sí ki séli gbínʔɛnɛ Damasi kàʔa nī, nɛ̀ sɛ́nì fali Zerizalɛmi kàʔa mɛ́, nɛ́ Zude tɛ́nimɛ tiɛrɛ ti mìɛni ní dè, nɛ̀ sɛ́nì fali kùlogolo kálì mɛ́. Mi 'puu nɛ ki nyu siɛnnɛ mɛ́ bèle dí pe- pe funyɔ yiʔɛ yè pé láʔa pe kapiʔile nɛ̄ gèle, pe- taʔa Kulocɛliɛ nɛ̄, péri kakpiʔiligele kúu, kakpiʔiligele gílì ke bé ki tìɛ dí pe nyɛ́nì làa yiʔɛ pe funyɔ nī yè.

Wurɔmiyé 4:16

Kire kɛnmɛ nɛ̄, a siɛn 'tɛ́ngɛ Kulocɛliɛ nɛ̄ wè wi bé nyafɛnigɛ ki sìɛrɛ taa dè, ti- puu Kulocɛliɛ kpuʔɔrɔ dè, dí nyafɛnigɛ ki- sí puu baa ki nyɔgɔlɔ nī gèle Birayima siimɛ tùlugo wuulo pe mìɛni mɛ́ bèle. Ki fǎga yéri yákuɔ bìli mɛ́ Fànʔa Siɛnrɛ ti 'kɛn dèʔ, ki 'nyaa bìli pe 'tɛ́ngɛ majo bɛ̀ Birayima cé tɛ́ngɛ wè, Birayima wè we mìɛni tuuliʔɛ gè, peli wuʔu gī nɛ̀ pínɛ.

Wurɔmiyé 9:7

Nɛ̀ pínɛ bìli pe mìɛni bīɛlɛ Birayima siimɛ wuulo bèle, pe mìɛni wè Birayima pìile wīʔ; ki 'nyaa fúɔ macɛn bìli bīɛlɛ Siaga wuulo bèle, peli pe béri yeri «muɔ siimɛ wuulo bèle.»

Filipiyé 1:11

Bɛ̀ yeli bé nyì sínmɛ kakpiʔiligele nɛ̄ gèle Zezi Kirisi wire fànʔa nɛ̄ gè, bèri kpuʔɔrɔ tari Kulocɛliɛ nɛ̄ wè, wi míʔɛ ki sí de gbùʔɔrɔ́.