Luku 3:7 - Sénoufo Nyarafolo

⁷ A Zan wi sí 'yɛ̀ nɛ ki nyu siɛnniʔɛmɛ mɛ́ bè, bà pe 'puu nɛ báan wi kúrugu nɛ batɛmi kpínʔini wè, nɛ́ pe yɛ: «Yeli bèle wɔmɔri siimɛ wuulo bèle, ŋáasiɛn wi kɛ́nì ye yɛ yeri fé Kulocɛliɛ funyɛrigɛ nɛ̄ gè gàa ki báan baa gè ?

Luku 3:7 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Matiye 12:34

Yeli bèle wɔ̀mɔrilɔ tɔ̀ni bīɛlɛ yeli bèle ! Mɛni yeli bé gbɛ̀ siɛncɛ̀nrɛ juu yeli nyuɔyɔ nī yè, nɛ̀ sí ki taa yeli funyɔ yi 'pii. Ki 'nyaa a kaala níì gbɛ́nɛ̀ siɛn fungo nyì gè, lire nyuɔ ki nàa nyu fáala.

Matiye 23:33

«Wɔ̀burɔ dī yeli bèle, wɔmɔri siimɛ bī yeli bèle ! Yeli nɛ sɔ̀ngí lé yeli bé suɔ kusiʔi tiɛpiʔi kàyuʔu mɛ́ gè wī lé ?

Matiye 3:6

nɛ̀ pɛ́ni ki nyu nɛ́ jo peli nyɛ́nì yéri peli kapiʔile nɛ̄ gèle; Zan wi nɛ̂ sí cé pe batiize Zurudɛn cáʔa nī gè.

Zezi Kirisi Kataanna Siɛnrɛ dè Zan juumɔ nɛ̄ bè 8:44

Gbòdolilo kàfɔli wī yeli tuu wè, nɛ̀ pínɛ wire kanɛdanʔana kpíʔile láa gī yeli nɛ̄. Wire wī siɛnkpuuwo wè, bà ki 'líɛ baa sélimɛ nɛ̄ bè. Nɛ̀ pínɛ wi wè nɛ yèrí kányiʔɛ nɛ̄ʔ, nɛ̀ taʔa gíi nɛ̄, kányiʔɛ wè wi mɛ́ púloʔ. A wi gbɛ́ni nyu níɛ finɛnɛ wè, wi nìɛ ki kpínʔini bɛ̀ wi kaliɛmɛ nɛ̄ bè; kire sí nyɛ́nì taa bɛ̀ ki 'nyaa wiī káfinɛvinɛwɛ wè, nɛ́ ní káfinɛrɛ tuu wè.

Kakpiʔiligele 13:10

nɛ́ wi yɛ: «Nàguɔ muɔ, kpìlikpili nɛ́ sìpiire ti 'muɔ nyì. Gbòdolilo kàfɔli pùɔ wī muɔ wè, sínmɛ feliye yi mìɛni leguuwo wī muɔ wè. Gáa lɛ̀lɛ nī muɔ bága láʔa bɛ̀ muɔ nɛ ki caa bè Kàfɔli wi kozinge koli gè ?

Tesalonikiyé 1 1:10

Yeli nɛ wi Jaa siri wè, ŋàa wi je ga kɔ́n baa nyìʔɛnɛ nī lè. Kulocɛliɛ wi 'Zezi nyɛ́ wè nɛ̀ yige kúbilo sunʔɔmɔ nī bè, wire ŋáà wi 'weli suɔ Kulocɛliɛ funyɛrigɛ mɛ́ gè, gàa ki báan gè.

Eburulo 6:18

Bɛ̀ sí ki yē, katiɛyɛ siin yē baa nyàa yī yiǐ gbɛ̀ yiʔɛ yèʔ: wi nyafɛnigɛ gè nɛ́ wi kàlilɛ ní lè. Kiǐ gbɛ̀ kpíʔile Kulocɛliɛ wi- finɛʔ; kire yē nɛ lèbaanna nyɔ́gi weli nī. Kire nɛ̄ weli bálì bīɛlɛ we 'líʔire jó wi mɛ́ wè, weli bé gbɛ̀ jáa bèri ŋàʔaná bè weli sɔ̀ngirɔ taʔadiʔɛ cò gè nɛ́ tɛ́ngɛlɛ ní lè, sɔ̀ngirɔ taʔadiʔɛ gáà Kulocɛliɛ wi 'tɛ́ngɛ weli yiʔɛ mɛ́ gè.

Zan 1 3:8

Ŋìi sí wiī nɛ kapiile kpínʔini lè, wire yē Setɛni wuu. Nɛ́ ki cɛ́n gbòdolilo kàfɔli wiī kapiigbiʔiliwe nɛ̀ líɛ baa ki sélimɛ nɛ̄ bè. Kulocɛliɛ Jaa wi 'pɛn bè ba Setɛni wi kakpiʔiligele cúʔɔ gèle.