Luku 3:3 - Sénoufo Nyarafolo

³ A Zan wi 'pɛn Zurudɛn cáʔa tɛ́nimɛ nī bè nɛ̀ pɛ́ni batɛmi wuʔu nyu gè siɛnnɛ mɛ́ bèle, batɛmi ŋáà wi bé ki tìɛ dí siɛn nyɛ́nì wi fungo yiʔɛ gè, dí Kulocɛliɛ wí sí pe kapiʔile kàsulugo suɔ gè.

Luku 3:3 Iomraidhean Croise

Matiye 3:11

«Mi wè, mi nɛ yeli batɛmi kpínʔini wè nɛ́ luʔɔ ní, bà yeli 'yéri ki nɛ̄ bè yiʔɛ yeli funyɔ nī yè. Ŋàa sí wi bága pɛn mi kàduʔumɛ gè, wi fànʔa ki 'tóri mi wuʔu nɛ̄ gè nɛ̀ fáala, mi sì nyuɔ nɛ̀ yɛliʔ bè cɛ gbɛ̀ wi tɔriyɔ fòri yè wi nɛ̄ʔ. «Wire wè, wi bága pa yeli batɛmi kpíʔile wè nɛ́ Kulocɛliɛ Pìle ní, nɛ́ kàsun ní.

Luku 1:16

Wi bága Isirayɛli pìile nìʔɛbɛlɛ kɔ́ri bè pɛn pe Kàfɔli mɛ́ wè, pe Kulocɛliɛ wè.

Luku 1:77

bé sí suɔlɔ ni taagoligo wori juu dè wi kùlo wuulo mɛ́ bèle pe- ki cɛ́n, pe kapiʔile kàsulugo suɔlɔ ni wori dè.

Luku 4:1

Bɛ̀ Kulocɛliɛ Pìle ni 'Zezi nyì wè mmɛ gè, a wi 'yiri baa Zurudɛn cáʔa tiʔɛ nī gè, a Kulocɛliɛ Pìle ni 'wi kɔ́ri nɛ̀ kɛ́ waama kùlo mɛ́ lè.

Zezi Kirisi Kataanna Siɛnrɛ dè Zan juumɔ nɛ̄ bè 1:28

Tire dáà dè Betanii vògo mɛ́ ki 'kpíʔile, baa Zurudɛn cáʔa kúrugu gè; kire tiʔɛ nī Zan wi 'puu nɛ siɛnnɛ batiize bèle.

Zezi Kirisi Kataanna Siɛnrɛ dè Zan juumɔ nɛ̄ bè 3:26

A Zan wi pìtɛnmɛnɛ pe 'kɛ́ Zan kúrugu wè nɛ̀ sɛ́nì wi yɛ: «Tɛnmɛfɔli, nàguɔ ŋáà wi 'puu nɛ́ muɔ ní baa Zurudɛn cáʔa kanyuɔ nɛ̄ gè, á muɔ cé wi wori juu dè, nyaa wiī baa nɛ siɛnnɛ batiize bèle; siɛnnɛ pe mìɛni nɛ waa wi kúrugu !»

Kakpiʔiligele 13:24

Sɛ́ni wi cé pɛn wè, Zan wi cé kíni nɛ̀ ki juu nɛ̀ kúɔ Isirayɛli kùlo wuulo pe mìɛni mɛ́ bèle nɛ́ pe yɛ pe- pe funyɔ yiʔɛ yè, pé sí batɛmi kpíʔile wè.

Kakpiʔiligele 19:4

A Pɔli wi sí jo: «Zan wi 'puu nɛ siɛnnɛ batiize bèle nɛ́ jo pe- pe funyɔ yiʔɛ yè, pe sí tɛ́ngɛ siɛn ŋáà wi cî ga pɛn wire kàduʔumɛ gè. Zezi wire wi 'puu nɛ pun.»

Kakpiʔiligele 22:16

Píra ŋáà nī wè, gáa sí muɔ nɛ siri ? Yɛ̀ ma muɔ batɛmi kpíʔile wè, ma mìɛ jíge ma cìile, dí muɔ kapiʔile ke sí láʔa a muɔ 'wi míʔɛ kire yákuɔ yeri gè.› »