Luku 3:16 - Sénoufo Nyarafolo

¹⁶ A Zan wi 'siɛnnugoro kɛn dè pe mìɛni mɛ́ nɛ́ pe yɛ: «Mi wè, luʔɔ batɛmi mi nɛ kpínʔini yeli nɛ̄; wàa sí yē nɛ báan baa, wi fànʔa ki 'tóri mi wuʔu nɛ̄ gè nɛ̀ fáala. Mi sì cɛ́nì nyuɔ nɛ̀ yɛliʔ bè wi tɔriyɔ màʔagɛlɛ sáʔala gèleʔ. Wire wè wi bága pa yeli batɛmi kpíʔile wè nɛ́ Kulocɛliɛ Pìle ní, nɛ́ kàsun ní.

Luku 3:16 Iomraidhean Croise

Matiye 3:11

«Mi wè, mi nɛ yeli batɛmi kpínʔini wè nɛ́ luʔɔ ní, bà yeli 'yéri ki nɛ̄ bè yiʔɛ yeli funyɔ nī yè. Ŋàa sí wi bága pɛn mi kàduʔumɛ gè, wi fànʔa ki 'tóri mi wuʔu nɛ̄ gè nɛ̀ fáala, mi sì nyuɔ nɛ̀ yɛliʔ bè cɛ gbɛ̀ wi tɔriyɔ fòri yè wi nɛ̄ʔ. «Wire wè, wi bága pa yeli batɛmi kpíʔile wè nɛ́ Kulocɛliɛ Pìle ní, nɛ́ kàsun ní.

Matiye 3:12

Wi delige kiī wi mɛ́ cògo; wi bága wi kásuɔ píɛ wè, bé sí wi yaliire koli dè bè le síkanʔa nī gè. Sìge gè, bé sí kire sórigo kàsun nī, gàa ki wè nɛ fíri nɛ nyaʔa gèʔ.»

Zezi Kirisi Kataanna Siɛnrɛ dè Zan juumɔ nɛ̄ bè 1:26

A Zan wi 'siɛnnugoro kɛn dè pe mɛ́ nɛ́ pe yɛ: «Mi wè, luʔɔ nī mi nɛ siɛnnɛ batiize bèle; wàa sí yē bile yeli sunʔɔmɔ nī bè, yeli sì wi cɛ́nʔ.

Zezi Kirisi Kataanna Siɛnrɛ dè Zan juumɔ nɛ̄ bè 1:27

Wiī nɛ báan baa mi kàduʔumɛ; mi ŋáà wè, miì nyuɔ nɛ̀ yɛliʔ bè cɛ wi tɔriyɔ màʔagɛlɛ sáʔala gèleʔ.»

Zezi Kirisi Kataanna Siɛnrɛ dè Zan juumɔ nɛ̄ bè 1:33

Mi tíimɛ wè, mi sì cé wi cɛ́nʔ, ki 'nyaa ŋàa wi cé mi tun nɛ́ jo mi pari siɛnnɛ batiize bèle luʔɔ nī gè, wire wi cé ki juu m'mɛ́ nɛ́ mi yɛ: ‹A muɔ kɛ́nì Kulocɛliɛ Pìle nyaa lè a ni 'tìgi nɛ̀ sɛ́nì tɛ́ni siɛn ŋíì nɛ̄ wè, ma ki cɛ́n kire siɛn wire wi bé siɛnnɛ batiize bèle nɛ́ Kulocɛliɛ Pìle ní lè.›

Zezi Kirisi Kataanna Siɛnrɛ dè Zan juumɔ nɛ̄ bè 7:38

A siɛn ŋíì 'tɛ́ngɛ mi nɛ̄ wè, luʔɔ gáà ki nyɛ́ni sìi kanʔa wè, ki béri fúu de yigi siɛn wi laamɛ nī bè bɛ̀ lawiile tíɛlɛ. Tire Kulocɛliɛ siɛnsɛbɛrɛ 'ti juu.»

Kakpiʔiligele 1:5

Ki 'nyaa Zan wi 'puu nɛ wi batɛmi kpínʔini wè nɛ́ luʔɔ ní; yeli sí bèle, náʔanɛ cɛnyɛ yáà cɛ̀ri ní, yeli batɛmi wi bé kpíʔile nɛ́ Kulocɛliɛ Pìle ní.»

Kakpiʔiligele 10:44

Bà Piɛri wi 'puu nɛ siɛnrɛ dáà nyu dè nɛ tíin mmɛ gè, a Kulocɛliɛ Pìle ni 'tìgi siɛnnɛ pe mìɛni nɛ̄, bàli pe 'puu nɛ wi siɛnrɛ lúru dè.

Kakpiʔiligele 2:33

Bà sí Kulocɛliɛ wi 'kpuʔɔrɔ taʔa wi nɛ̄ nɛ́ wi tɛ́ngɛ wi kàliige mɛ́ gè, a Tuufɔli wi ń'nɛ̀ wi Pìle kɛn lè wi mɛ́, bɛ̀ wi cé nyuɔ fɛ̀ni ni wori nɛ̄ dè. Kire Pìle lire sí wi 'tìrige nàa lè, kire yeli nɛ nyaʔa níɛ ki lúru nɛ pínɛ gàa gè.

Korɛntiyé 1 12:13

Ki 'nyaa weli we mìɛni bèle Kulocɛliɛ Pìle ni 'weli batɛmi kpíʔile wè nɛ̀ we pínɛ a we 'kò cetinnɛ nigbe: Zuufulo yo, Girɛki wuulo yo, sùkulolo yo, bìli bīɛlɛ pìyemɛ yo. Nɛ̀ pínɛ Kulocɛliɛ Pìle lire nigbe nī we mìɛni we 'taa nɛ̀ gbuɔ.