Luku 3:13 - Sénoufo Nyarafolo

¹³ A wi 'pe yɛ: «Gìi pe 'jo yeli de suu siɛnnɛ mɛ́ bèle, ye fǎga ki yaʔa ki tóri kire nɛ̄ʔ.»

Luku 3:13 Iomraidhean Croise

Ŋúnuyɔ 18:23

Wi kàyuʔujuuro ti mìɛni 'puu mi yiʔɛ mɛ́ gè, mi sì kɛ́nì cíi wi fànʔa kaala láà nɛ̄ʔ.

Matiye 7:12

«Kire nɛ̄, gìi ki mìɛni yeli nɛ caa siɛnnɛ peri kpínʔini yeli mɛ́ bèle, yeli míɛni bèle yeri ki kpínʔini pe mɛ́ de pínɛ; bɛ̀ Misa Fànʔa Siɛnrɛ ti 'jo ki de kpínʔini, tire dī nuro nɛ́ Kulocɛliɛ siɛnjuulo pe siɛnrɛ ní dè.»

Luku 19:8

A Zase wi sí yɛ̀ nɛ̀ yéri nɛ́ juu nɛ́ Kàfɔli ní wè nɛ́ jo: «Nyaa, Kàfɔli, m'bé mi lɔri ti tílaga kɛn gè fuunmɔfɔlilɔ mɛ́, nɛ̀ pínɛ a ki yē mi 'wàa yùu yakaa nī wè, m'bé ki felige tiɛyɛ sicɛri kɛn ki siɛn mɛ́ wè.»

Luku 3:12

Lanbosuɔlɔ míɛni cé sɛ́nì batɛmi kpíʔile wè, a peli míɛni wi yúgo nɛ́ jo: «Gíi weli 'yɛli bè kpíʔile ?»

Luku 3:14

A kapiɛngbuɔnnɔ pálì míɛni sɛ́nì wi yúgo nɛ́ jo: «Á weli bèle, gáa weli 'yɛli bè kpíʔile ?» A wi 'pe yɛ: «Ye fǎga yakaa cáan bè suɔ siɛn mɛ́ʔ, nɛ̀ pínɛ ye fǎga kaala finɛ bè taʔa siɛn nɛ̄ʔ. Ye- yeli sàri wire yaʔa wi- yeli yɛli.»

Korɛntiyé 1 6:10

nɛ́ kàyuulo ní bèle, nɛ́ nyabiɛnnɛfɔlilɔ ní bèle, nɛ́ sungbuɔlɔ ní bèle, nɛ́ siɛnjuucuʔɔrɔfɔlilɔ ní bèle, nɛ́ bìli pe sî yɛgɛ nùʔɔrɔ nɛ̀ suɔ siɛn mɛ́ wè, piyè je ga Kulocɛliɛ Kùlofɔligɔ kɔrigɔ lìi gèʔ.

Efɛziyé 4:28

Siɛn ŋíì wi nyɛ́ni yúu wè, siɛn wi- kàyuugo yaʔa gè. Gìi ki 'pɔ́ri gè, siɛn wi- yiʔɛ le wiri baara wire tíimɛ wè nɛ́ wi kiyɛ ní yè, gìi ki bé tí wi yakaa taa wi- gbɛ̀ wàa kɛn ŋàa nɛ̄ ki màakuu yē wè.

Eburulo 12:1

Ki 'nyaa, siɛnnɛ sáa weli màʔa nɛ̀ suʔu nɛ́ pe tɛ́ngɛlɛ tìɛ lè weli nɛ̄. Ki sí n'gɛ, kele gílì kiyē nɛ weli cògí nɛ yérigi tánʔana nɛ̄ lè, we- láʔa ke nɛ̄, we sí wìye yige kapiʔile nī gèle gàli ke nyɛ́ni weli 'puu nɛ cáanri fáari fáari wè, we sí de kàsɛnigɛ fé gè nɛ́ lèbaanna ní, gàa ki 'gbòbori nɛ̀ yaʔa weli mɛ́ gè.