11 A wi 'siɛnnugoro kɛn dè pe mɛ́ nɛ́ pe yɛ: «A buruyo siin yē muɔ mɛ́ wè, ma kàa kɛn ŋìi mɛ́ yakaa wè yē wèʔ. A yaliire míɛni yē ŋìi mɛ́, siɛn wi- ki kpíʔile bɛ̀ wi pínɛ.»
«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›
Bà Zezi wi 'siɛnrɛ dáà lúʔu dè mmɛ gè, a wi 'nàguɔ yɛ wè: «Kaala nigbe sí ní nɛ̀ kò muɔ nɛ̄. Muɔ kɔliyɛrɛ ti mìɛni pári dè, ma wali kɛn wè fɔ̀ngɔfɔlilɔ mɛ́, bɛ̀ muɔ bé lɔri taa nyìʔɛnɛ nī lè. Píra ŋáà nī wè mári báan ma pa taʔa mi nɛ̄.»
A Zase wi sí yɛ̀ nɛ̀ yéri nɛ́ juu nɛ́ Kàfɔli ní wè nɛ́ jo: «Nyaa, Kàfɔli, m'bé mi lɔri ti tílaga kɛn gè fuunmɔfɔlilɔ mɛ́, nɛ̀ pínɛ a ki yē mi 'wàa yùu yakaa nī wè, m'bé ki felige tiɛyɛ sicɛri kɛn ki siɛn mɛ́ wè.»
A pàli sí ki sɔ̀ngi nɛ̀ jo dùʔɔ bɛ̀ ki 'nyaa Zudasi wire mɛ́ wali yalege ki 'puu gè, Zezi wi cé wi yɛ wi sa yɛrɛ suɔ dìi nɛ̄ pe màakuu cî ga puu fundaanra cɛngɛ gè, á kire 'laa wi sa ki wéli gàa pe bé kɛn fuunmɔfɔlilɔ mɛ́ bèle.
Ki nàguɔ ŋáà wi 'puu nɛ Kulocɛliɛ koligo gbùʔɔrɔ́ gè; Kulocɛliɛ fíɛrɛ 'puu wi nī wire nɛ́ wi saʔa wuulo pe mìɛni ní bèle. Wi kɔli ki 'puu sáʔagɛ wi siɛnnɛ kanʔa bèle nìʔɛgɛ kàʔa nī gè, nɛ̀ pínɛ wi 'puu nɛ Kulocɛliɛ náari wè lɛ̀gɛlɛ ke mìɛni nī.
A Kɔrinɛyi wi 'yiʔɛ le gè wi nī nɛ̀ wi wéli, fíɛrɛ ní dè wi nī, nɛ́ wi yɛ: «Ma 'jo gáa, mi kàfɔli ?» A nyìʔɛnɛ tundunwɔ wi 'wi yɛ: «Kulocɛliɛ wi 'sɔ̀ngi nɛ̀ taa nɛ́ muɔ náariyɛ ní yè, nɛ́ muɔ kpuʔɔrɔ ní dè dàa muɔ sî nɛ kanʔa fuunmɔfɔlilɔ mɛ́ bèle.
Ma ki juu ma gbɛ̀ngɛ duniya ŋáà walifɔlilɔ mɛ́ bèle ma pe yɛ pe fǎga buu nàgbuʔɔrɔfɔlilɔʔ, pe fǎga sí pe sɔ̀ngirɔ taʔa dè pe wali nɛ̄ wèʔ, ŋàa wiǐ je mɔgɔ wèʔ. Ki 'yɛli pe- pe sɔ̀ngirɔ taʔa dè Kulocɛliɛ nɛ̄, wire ŋáà wi yaniʔɛrɛ ti mìɛni kanʔa weli mɛ́ dè kire ga buu weli- ti fundaanra taa dè.
Nɛ siinyɛninɛ, ki 'gáa kúɔ, a siɛn 'jo tɛ́ngɛlɛ yē wire mɛ́ wè, nɛ̀ sí ki taa wi kakpiʔiligele ke wè ki tìí wèʔ ? Kire tɛ́ngɛlɛ náà ni bé gbɛ̀ wi suɔ lé ?
A duniya lɔri tiī siɛn wáà mɛ́ wè, á wi 'wi siinyɛni nyaa wè fuunmɔ nī bè, a wi sí cíi, nɛ́ wi fungo tɔ́n gè, wiì nyinimɛ taa wi nɛ̄ wèʔ, mɛni Kulocɛliɛ dɛ́nigɛ ki bé puu kòrigo bè síɛ wi fungo nī gè ?
A siɛn wáà 'ki juu nɛ́ jo, «Kulocɛliɛ nyɛ́nì mi dɛ́ni wè», nɛ̀ ki yaʔa wi siinyɛni wi 'wi biɛn wè, káfinɛvinɛwɛ wī. Nɛ́ ki cɛ́n, wi siinyɛni ŋáà wi nyaʔa wè, a wire sì wi dɛ́ni wèʔ, Kulocɛliɛ ŋáà wi wè nɛ nyaʔa wèʔ, wire sǐ gbɛ̀ wi dɛ́niʔ.