Luku 3:1 - Sénoufo Nyarafolo

¹ Lɛ̀lɛ níì nī kùlofɔgbuɔwɔ Tibɛri wi cé yiʔɛlɛ kiɛ nɛ́ kogunɔ taa fànʔa nɛ̄ gè, Pɔnsi Pilati wi 'puu Zude tɛ́nimɛ fànʔafɔli wè, Erodi ní Galile tɛ́nimɛ kùlofɔli wè, Erodi wi siinyɛni ŋíì pe 'puu nɛ yeri Filipi wè, wire 'puu Iture tɛ́nimɛ nɛ́ Tirakoniti tɛ́nimɛ kùlofɔli wè, Lisaniyasi sí ní Abilɛni tɛ́nimɛ kùlofɔli wè.

Luku 3:1 Iomraidhean Croise

Sélimɛ 49:10

Fànʔa kàgbiile niǐ ga tíi yiri Zuda narigɛ nī gèʔ, nɛ̀ pínɛ fànʔa sápile niǐ ga tíi yiri wi kiyɛ nī yèʔ, fúɔ bè taa ni kàfɔli wi ba pɛn, wire ŋáà mɛ́ siɛnfeliye yi béri lúru wè.

Matiye 14:1

Ki cɛnyɛ nī yè a Erodi wè, Galile kùlofɔli wè, a wi 'Zezi wori lúʔu dè bɛ̀ wi míʔɛ ki cé yiri gè.

Matiye 14:3

Ki 'nyaa Erodi wi cé tí a pe 'Zan cò wè nɛ̀ wi puɔ nɛ́ wi tɔ́n kasuu nī, Erodiyadi kɛnmɛ nɛ̄, wi cɔni Filipi cuɔ ŋáà wi cé suɔ wi mɛ́ wè.

Matiye 14:6

Cɛngɛ gíì Erodi wi yɛziile ni cé màʔa nɛ̀ nɔ̀ lè, á piyē ki pùrɔrɔ pùrɔ́ dè, a Erodiyadi wi póri wi 'kɛ́ nɛ̀ sɛ́nì yúɔ siɛnnɛ yiʔɛ mɛ́ gè, a ki 'Erodi dɛ́ni wè.

Matiye 22:17

Ma sí ki juu weli mɛ́ wêli, gíi muɔ nɛ sɔ̀ngí kaala náà nɛ̄ lè: ki 'yɛli lé weri lanbo sàrí wè Wurɔmiyé kùlofɔgbuɔwɔ Sezari mɛ́ wè, dí mɛni ?»

Matiye 27:2

A pe 'wi puɔ nɛ́ wi kɔ́ri nɛ̀ sɛ́nì kɛn Pilati mɛ́, ki tiʔɛ tɛ́nimɛ fànʔafɔli wè.

Mariki 6:17

Ki 'nyaa Erodi wire tíimɛ wi cé siɛnnɛ tórigo a 'pe 'Zan cò wè nɛ̀ wi puɔ nɛ́ wi tɔ́n kasuu nī, Erodiyadi kɛnmɛ nɛ̄, wi cɔni Filipi cuɔ ŋáà wi cé suɔ wi mɛ́ wè. Bà Zan cé sí puu nɛ nyu Erodi nɛ̄ wè nɛ́ jo dí kiì yɛliʔ wi- wi cɔni wi cuɔ suɔ wè wi mɛ́ wè, a Erodi sí kapiɛngbuɔnnɔ tórigo a pe sɛ́nì Zan cò wè nɛ̀ nyùʔɔdiriye le wi nɛ̄ nɛ́ sɛ́nì wi tɔ́n kasuu nī.

Mariki 6:21

Cɛngɛ káà, a lɛ̀jɛnnɛ láà kɛ́nì nìi kɛn Erodiyadi mɛ́ wè. Ki 'nyaa, cɛngɛ gíì Erodi yiɛziile ni cé màʔa nɛ̀ nɔ̀ lè, a wi 'pùrɔrɔ tɛ́ngɛ ki cɛngɛ nī gè, nɛ̀ wi taʔara baakuɔnyɛninɛ yeri bèle, nɛ́ kapiɛngbuɔnnɔ kàfɔlilɔ ní bèle nɛ̀ fàri Galile siɛnkpolilo nɛ̄ bèle, nɛ́ jo pe- sa lìi wire kpáa mɛ́.

Luku 13:31

Kire lɛ̀lɛ nī lè, a Fariziɛnnɛ pálì 'pɛn nɛ̀ pɛ́nì Zezi yɛ wè: «Yiri náʔa gè ma kɛ́ kayɔbigɔ káà nɛ̄, á kire 'laa Erodi wiī nɛ ki caa bè muɔ kpúu.»

Luku 2:1

Ki sí nyaa ki cɛnyɛ nī yè kùlofɔgbuɔwɔ Wogusi wi cé fànʔa siɛnrɛ táà juu nɛ́ jo pe- tɔ́rilɔ kpíʔile kùlo ni mìɛni nī lè.

Luku 23:24

A Pilati wi 'siɛnrɛ ceri dè, nɛ́ jo gìi pe caa kire ki bé kpíʔile.

Luku 3:19

Nɛ̀ sí ki yaʔa bà Zan wi 'puu nɛ Erodi cɔ̀rí wè, kùlofɔli wè, Erodiyadi wori nɛ̄ dè, wi cɔni cuɔ ŋáà wi cé suɔ wi mɛ́ wè, nɛ̀ fàri Erodi wi kacuʔɔrɔ ti mìɛni nɛ̄ dè,

Luku 9:7

Kele gílì mìɛni ke 'puu nɛ kpínʔini nɛ tòrí gèle, bà kùlofɔli Erodi wi kɛ́nì ki wori lúʔu dè, a ki 'wi sɔ̀ngirɔ nyaʔami dè. Ki 'nyaa pàli 'puu nɛ ki nyu níɛ wáa dí Zan wi nyɛ́nì koli nɛ̀ nyɛ́ nɛ̀ yiri kúbilo nī bèle.

Kakpiʔiligele 23:26

«Mi nɛ muɔ síɛri Feliisi, kpuʔɔrɔ 'yɛli muɔ nɛ̄, muɔ wī kùlofɔli wè. Mi wè, Kulodiwusi Lisiyasi wè, mi mi nyɛ́ni muɔ síɛri.

Kakpiʔiligele 24:27

Yiʔɛlɛ siin kɛ́nì tóri gèle, a fànʔafɔli wáà 'tɛ́ni fànʔa nɛ̄ gè nɛ̀ Feliisi wi larigɛ líɛ gè, pe 'puu nɛ wi ye Pɔrisiyusi Fɛsitusi. Wire 'puu nɛ ki caa bè míʔɛ taa Zuufulo mɛ́ bèle, a wi sí Pɔli yaʔa wè baa tɔ́nwɔ kasuu nī wè.

Kakpiʔiligele 26:30

A kùlofɔli wè, nɛ́ fànʔafɔli ní wè, nɛ̀ fàri Bereniisi nɛ̄ wè nɛ́ bìli pe 'puu baa tɛ́ninɛ nɛ́ pe ní bèle, a pe 'yɛ̀ nɛ̀ yéri.

Kakpiʔiligele 4:27

«Ki 'nyaa Erodi wè nɛ́ Pɔnsi Pilati ní wè, pe 'pìye pínɛ kàʔa gáà nī gè, peli nɛ́ kùlogolo kálì siɛnnɛ pe yiɛgininɛ ní bèle, nɛ̀ fàri Isirayɛli siɛnnɛ nɛ̄ bèle, a pe 'nyuɔ le muɔ tiɛlɛfun baakuɔwɔ nɛ̄ wè, Zezi wè, wire ŋáà muɔ 'nyíɛnɛ nɛ̀ kɔ̀n wè.