Luku 23:5 - Sénoufo Nyarafolo

⁵ A pe 'fàan nɛ siɛnnuro nyu dè nɛ́ jo: «Wiī nɛ siɛnnɛ súguru bèle Zude tɛ́nimɛ pi mìɛni nī bè nɛ́ wi tɛnmɛnɛ ní lè. Wi 'ki séli Galile tɛ́nimɛ nī nɛ̀ pɛ́nì yiri náʔa gè.»

Luku 23:5 Iomraidhean Croise

Ŋúnuyɔ 22:16

Mi yékpoganʔa ki 'waʔa bɛ̀ sísaligɛ tíɛlɛ, mi nyinɛ ni 'tári mi ndɛbɛ nɛ̄ bè. Muɔ 'mi sínge nyɛdari nɛ̄ dè.

Ŋúnuyɔ 57:4

Bè wi yaʔa baa nyìʔɛnɛ nī lè, wi bé suɔlɔ kɛn lè m'mɛ́, bé siɛn láʔa wè mi nɛ̄ ŋàa wiī nɛ mi cìrá wè. Ye‑ ŋɔ́ cɛ̀. Wi bága wi bànguɔ dɛ́nigɛ nɛ́ wi kányiʔɛ tórigo gè mi mɛ́.

Ŋúnuyɔ 69:4

Mi 'fùrɔ bɛ̀ mi nɛ kòkuulo wáari lè; yékpoganʔa ki 'waʔa mi nɛ̄. Mi nyapigele ke 'wéli nɛ̀ fùrɔ bɛ̀ mi nɛ Kulocɛliɛ siri wè.

Matiye 11:1

Bà Zezi wi 'kire siɛnrɛ dáà juu dè nɛ̀ gbɛ̀ngɛ wi pìtɛnmɛnɛ kiɛ nɛ́ siin mɛ́ bèle nɛ̀ kúɔ wè, a wi 'yiri baa kire tiʔɛ nī gè nɛ̀ kɛ́ nɛ̀ sɛ́ni siɛnnɛ tɛnmɛ bèle níɛ Kataanna Siɛnrɛ jáari dè pe kàaya nī yè.

Matiye 2:1

Ki 'nyaa Betilɛmi kàʔa nī Zezi wi cé sii, Zude tɛ́nimɛ nī; kùlofɔli Erodi cɛnyɛ nī ki 'puu. A ki 'nyaa kacɛ́nminɛ pálì 'yɛ̀ cɛngɛnyɛnifolimɛ kùlo mɛ́ lè, nɛ̀ pɛn Zerizalɛmi kàʔa mɛ́ gè, peli cé ŋɔgɔlɔ ke yérigɛnmɛ cɛ́n bè nyìʔɛnɛ nī lè.

Matiye 27:24

Bà Pilati 'ki nyaa wire yirimɛ wè baa wèʔ, nɛ̀ yiri kàgbaaligɛ ki cî ga yɛ̀ gè, a wi 'luʔɔ líɛ nɛ̀ kiyɛ jíge yè siɛnnɛ pe yiʔɛ mɛ́ gè, nɛ́ jo: «Mi liɛlɛ wè baa nàguɔ ŋáà wi kpúu wori nī dèʔ, yeli nyùgo wori dī.»

Matiye 4:23

A Zezi wi 'líɛ nɛ tòrí Galile tɛ́nimɛ pi mìɛni nī bè nɛ siɛnnɛ tɛnmɛ bèle pe tɛnmɛzaaya nī yè, níɛ Kùlofɔligɔ ki Kataanna Siɛnrɛ jáari dè, nɛ yaama feliye yi mìɛni pori nɛ́ siɛnkpɔlilɔ pe mìɛni ní bèle kùlo nī lè.

Mariki 1:14

Bà pe yé kɛ́nì Zan cò nɛ̀ tɔ́n kasuu nī wè, a Zezi wi 'kɛ́ Galile tɛ́nimɛ mɛ́ bè, nɛ̀ sɛ́ni Kulocɛliɛ Kataanna Siɛnrɛ jáari dè.

Luku 11:53

Bà Zezi kɛ́nì yiri baa kire tiʔɛ nī gè, a Fànʔa Siɛnrɛ sɛbɛcɛ́nminɛ bèle nɛ́ Fariziɛnnɛ ní bèle, a pe 'yɛ̀ nɛ wi cinʔɛ nɛ yúgo kele nìʔɛgɛlɛ nɛ̄,

Luku 23:23

A pe 'nyuɔyɔ gbɛ̀n yè, nɛ́ jo fúɔ macɛn Zezi wi 'yɛli bè kóri tiiparigɛ nɛ̄ gè wī. A pe yékpowaara ti 'wári Pilati nɛ̄ wè nɛ̀ 'fànʔa taa wi nɛ̄.

Luku 23:6

Bà Pilati wi 'tire lúʔu dè, a wi 'pe yúgo a ki yē Galile tɛ́nimɛ kùlo wuu wī nàguɔ ŋáà wè.

Zezi Kirisi Kataanna Siɛnrɛ dè Zan juumɔ nɛ̄ bè 1:43

Ki kpìɛnduu gè Zezi 'puu nɛ caa bè kɛ́ Galile tɛ́nimɛ mɛ́, a wi sɛ́nì Filipi nyaa, a wi 'wi yɛ: «Taʔa mi nɛ̄.»

Zezi Kirisi Kataanna Siɛnrɛ dè Zan juumɔ nɛ̄ bè 19:15

Kire lɛ̀lɛ nī lè a pe 'yɛ̀ nɛ yékpuʔulo wáari gèle níɛ wáa: «-Wi kpúu ! -Wi kpúu ! -Wi kóri tiiparigɛ nɛ̄ !» A Pilati wi 'pe yɛ: «Mi- yeli kùlofɔli kóri wè tiiparigɛ nɛ̄ lé ?» A kacuɔnrilɔ kàfɔlilɔ pe 'jo: «Kùlofɔli wáà wè baa weli mɛ́ʔ nɛ̀ yiri kùlofɔgbuɔwɔ Sezari wire nīʔ.»

Zezi Kirisi Kataanna Siɛnrɛ dè Zan juumɔ nɛ̄ bè 2:11

Kaala náà lire Zezi wi 'kpíʔile fìɛ péliwe wè Kana kàʔa nī gè Galile tɛ́nimɛ nī bè, a ki kakpuɔlɔ ni 'wi kpuɔmɔ tìɛ bè, a wi pìtɛnmɛnɛ pe 'tɛ́ngɛ wi nɛ̄.

Zezi Kirisi Kataanna Siɛnrɛ dè Zan juumɔ nɛ̄ bè 7:41

A pàli 'jo: «Kulocɛliɛ Siɛnnyiɛnɛgɔnwɔ wire wī ŋàa wè.» A bìli 'jo: «Ki bé gbɛ̀ kpíʔile lé, ki- nyaa Galile tɛ́nimɛ nī Kulocɛliɛ Siɛnnyiɛnɛgɔnwɔ wi 'kɔ́n wè lé ?

Zezi Kirisi Kataanna Siɛnrɛ dè Zan juumɔ nɛ̄ bè 7:52

A pe 'siɛnrɛ súu dè nɛ̀ kɛn wi mɛ́ nɛ́ wi yɛ: «Dùʔɔ muɔ míɛni yē Galile wuu wáà wī pugo ? -Ki caa cɛ̀ngɛ, muɔ bé ki 'nyaa Kulocɛliɛ siɛnjuuwo sì fìɛ yiri baa Galile tɛ́nimɛ nī bèʔ.»

Kakpiʔiligele 10:37

Yeli 'ki cɛ́n kele gílì ke 'tóri Zude tɛ́nimɛ pi mìɛni nī bè bà ki cé séli Galile tɛ́nimɛ nī bè, Zan batɛmi jáarigɛ tóriguɔmɔ kàduʔumɛ gè.

Kakpiʔiligele 23:10

Bà kapiɛngbuɔnnɔ kàfɔli kpuɔwɔ wi kɛ́nì kàgbaaligɛ nyaa gè kàa 'fàri ki nɛ̄ gè, a fíɛrɛ 'wi cò, pe fǎga ga de Pɔli píle wè pìye mɛ́ʔ, bè wi píle bè suluguʔ. A wi sí kapiɛngbuɔn tògo káà tórigo pe- sa wi suɔ pe mɛ́ pe wi tórigo kapiɛngbuɔnnɔ pe kpáakpuʔɔ mɛ́ gè.

Kakpiʔiligele 5:33

A siɛnrɛ dáà ti 'kàyuʔujuulo gboli wuulo yáa bèle kpúʔɔ kátii, a pe 'yɛ̀ nɛ ki caa bè Piɛriyé kpúu bèle bè yige baa.

Kakpiʔiligele 7:54

Bà kàyuʔujuulo gboli wuulo pe 'siɛnrɛ dáà lúʔu dè, a ki 'pe biɛn kpuʔɔ kacɛ́nmɛ fùn, a pe 'yɛ̀ nɛ nyuɔyɔ mari yè Eciɛnni nɛ̄ wè.

Kakpiʔiligele 7:57

Bà Eciɛnni wi 'tire juu dè, a pe 'kòkuʔulo wáa kpuʔɔ, nɛ́ pe 'ngbúʔulo tɔ́n gèle. Nɛ́ pìye pínɛ pe mìɛni bèle nɛ̀ sɛ́nì tuu wi nɛ̄,