Luku 23:2 - Sénoufo Nyarafolo

² A pe sɛ́nì siɛnrɛ feliye sáa kíri nɛ̀ taʔa wi nɛ̄ nɛ́ jo: «Weli sɛ́nì nàguɔ ŋáà cò wè wi weli kùlo siɛnnɛ fáanni bèle nɛ́ jo pe fǎri lanbo sàrí wè kùlofɔgbuɔwɔ Sezari mɛ́ wèʔ, dí wire wī Kulocɛliɛ Siɛnnyiɛnɛgɔnwɔ wè, wire yē kùlofɔli.»

Luku 23:2 Iomraidhean Croise

Ŋúnuyɔ 35:11

Káfinɛgbɛngɛfɔlilɔ nɛ yɛ̀gí nɛ mi yúgo nɛ́ dàa ní mi sì cɛ́n dèʔ;

Ŋúnuyɔ 62:4

Lɛ̀lɛ jori nī yeli bé ní tuu siɛn nɛ̄ wè bè wi ŋɔrigɔ wè, bèri caa bè wi kpúu, wire ŋáà wī gunjɛliyaʔagɛ tíɛlɛ gè, majo kàkɛngɛ gī gàa ki tun fáari gè ?

Matiye 17:27

Nɛ̀ ki yaʔa weli wè caa bè kpíʔile pe mɛ́ kúrugodiɛlɛʔ. Kire nɛ̄, te waa baa luʔɔ mɛ́ gè, ma sa muɔ fúɔŋaʔa cáan gè. A fúɔ ŋíì sɛ́nì ki líɛ péliwe wè, ma wi píle ma yige. Ma wi nyuɔ múgu gè muɔ bé walikpege nyaa ki nī; ma wi líɛ ma sa kɛn Kulocɛliɛ Gbùʔɔrɔsaʔa walisuɔlɔ mɛ́ bèle weli wuu, muɔ nɛ́ mi.»

Matiye 22:21

A pe 'wi yɛ: «Wurɔmiyé kùlofɔgbuɔwɔ Sezari wire woli nī.» A wi 'pe yɛ: «A gìi yē Sezari wuʔu gè, ye- ki kɛn Sezari mɛ́ wè, á gìi sí yē Kulocɛliɛ wuʔu gè, ye- ki kɛn Kulocɛliɛ mɛ́ wè.»

Matiye 27:11

A pe sɛ́nì Zezi yérige wè Pilati yiʔɛ mɛ́ gè fànʔafɔli wè. A wi 'wi yúgo nɛ́ jo: «Muɔ wī lé Zuufulo kùlofɔli wè ?» A Zezi wi sí wi yɛ: «Tire muɔ 'juu nɛ̀ kúɔ dè.»

Mariki 12:17

A wi 'pe yɛ: «A gìi yē Sezari wuʔu gè, ye- ki kɛn Sezari mɛ́ wè. Gìi sí gī Kulocɛliɛ wuʔu gè, ye- ki kɛn Kulocɛliɛ mɛ́ wè.» A wi kɛnmɛ pi 'pe fungo wúɔ kátii.

Mariki 15:2

A Pilati wi sɛ́nì wi yúgo nɛ́ wi yɛ: «Muɔ wī lé Zuufulo kùlofɔli wè ?» A Zezi wi 'wi yɛ: «Tire muɔ 'juu nɛ̀ kúɔ dè.»

Luku 23:14

nɛ̀ pɛ́nì pe yɛ: «Yeli 'pɛn mi kúrugu nɛ́ nàguɔ ŋáà ní wè nɛ́ jo dí wiī nɛ siɛnnɛ súguru bèle kùlo nī lè. Wi sí n'ŋɛ, mi 'wi yúgo nɛ́ kele ke tórigɛnmɛ ní bè ye mìɛni nyaamɛ nɛ̄. Miì tuudiɛlɛ fáala nyaa wi nɛ̄ʔ, gìi nɛ̄ yeli nɛ tùngú nɛ́ wi ní wèʔ.

Luku 23:5

A pe 'fàan nɛ siɛnnuro nyu dè nɛ́ jo: «Wiī nɛ siɛnnɛ súguru bèle Zude tɛ́nimɛ pi mìɛni nī bè nɛ́ wi tɛnmɛnɛ ní lè. Wi 'ki séli Galile tɛ́nimɛ nī nɛ̀ pɛ́nì yiri náʔa gè.»

Zezi Kirisi Kataanna Siɛnrɛ dè Zan juumɔ nɛ̄ bè 18:29

A Pilati wi sí yiri pe kúrugu baa kpànʔanɛ gè, nɛ̀ pɛ́nì pe yɛ: «Kajuulo níi ye 'nyaa nàguɔ ŋáà nɛ̄ wè ?»

Zezi Kirisi Kataanna Siɛnrɛ dè Zan juumɔ nɛ̄ bè 18:30

A pe 'wi yɛ: «A nàguɔ ŋáà wiì cé nyaa kapiigbiʔiliwe wèʔ, weli sǐ cî wi cò de báan náʔa muɔ kúruguʔ !»

Zezi Kirisi Kataanna Siɛnrɛ dè Zan juumɔ nɛ̄ bè 19:12

Kire lɛ̀lɛ nī lè Pilati wi 'puu nɛ ki caa bè Zezi yaʔa wè, nɛ̀ sí ki taa a Zuufulo pe 'yɛ̀ nɛ yékpuʔulo wáari gèle nɛ́ jo: «A muɔ 'nàguɔ ŋáà yaʔa wè, kire 'ki tìɛ muɔ wè kùlofɔgbuɔwɔ Sezari wi nàgoriʔ. Siɛn ó siɛn wi 'wìi kpíʔile wire yē kùlofɔli wè, wiī nɛ kìí nɛ́ kùlofɔgbuɔwɔ ní wè wī !»

Kakpiʔiligele 24:13

Siɛnnɛ bálì bèle, dàa pe nyu nɛ tari mi nɛ̄ dàa dè, piyě gbɛ̀ ki cɛ́n bè ki fílige juuʔ.

Kakpiʔiligele 24:5

«Ki 'nyaa nàguɔ ŋáà wè, weli 'ki ciʔige nɛ̀ nyaa wiī bɛ̀ yaabiimɛ tíɛlɛ. Wiī nɛ Zuufulo pe mìɛni súguru nɛ yɛ̀gí duniya tiɛrɛ nī dè; Nazarɛtiyé wuulo gboli ni yiɛginiwɛ wáà cɛ wī.

Wurɔmiyé 13:7

A ki 'nyaa muɔ 'yɛli bè yakaa sàri wàa mɛ́ wè, ma ki sàri siɛn mɛ́ wè. A ki 'nyaa lanbo wī, ma lanbo sàri wè. A ki ń'nɛ̀ nyaa yakaa kiiyɛ gè, ma ki sàri. Siɛn ŋáà nɛ̄ muɔ 'yɛli bèri fìʔɛ́ wè, mari wi fìʔɛ́; a ki sí nyaa muɔ 'yɛli bèri kpuʔɔrɔ tari wàa nɛ̄ wè, mari wi kpóri.