Luku 22:2 - Sénoufo Nyarafolo

² Kacuɔnrilɔ kàfɔlilɔ nɛ́ Fànʔa Siɛnrɛ sɛbɛcɛ́nminɛ pe 'puu nɛ kɛnmɛ caa mɛni peli bé Zezi kpúu wè bè síɛ wè. Ki 'nyaa pe 'puu nɛ fìʔɛ́ siɛnnɛ nɛ̄ bèle.

Luku 22:2 Iomraidhean Croise

Matiye 12:14

A Fariziɛnnɛ pe 'fali nɛ̀ yiri nɛ̀ sɛ́nì pìye nyaa nɛ̀ juu nɛ̀ bìɛ bè Zezi cúʔɔ wè bè yige baa.

Matiye 21:38

«Nɛ̀ sí ki taa bà ɛrɛzɛnfalilɛ bálì pe sɛ́nì jaafɔli nyaa wè, a pe 'ki sɔ̀ngi nɛ̀ jo: ‹Ŋàa wire cɛ wī wi kɔriliiwe wè. Yeri báan we- wi kpúu, wé sí kɔrigɔ líɛ gè !›

Matiye 26:2

«Yeli 'ki cɛ́n ki 'kò cɛnyɛ siin dí Torimakiyaʔa Fundaanra cɛngɛ ki sí nɔ̀, Siɛn Pùɔ míɛni wè, pe bé wi cò bè wi kpúu tiiparigɛ nɛ̄ gè.»

Mariki 14:1

Ki yé kò cɛnyɛ siin dí Torimakiyaʔa Fundaanra nɛ́ Sìnvarifun Búru Fundaanra cɛngɛ ki sí nɔ̀. Kacuɔnrilɔ kàfɔlilɔ nɛ́ Fànʔa Siɛnrɛ sɛbɛcɛ́nminɛ pe 'puu nɛ kɛnmɛ caa bè Zezi cò wè sìnjiligele nɛ̄ bè wi kpúu.

Luku 20:19

Ki lɛ̀nunɔ nī lè a Fànʔa Siɛnrɛ sɛbɛcɛ́nminɛ bèle nɛ́ kacuɔnrilɔ kàfɔlilɔ pe 'yɛ̀ nɛ kɛnmɛ páà caa mɛni peli bé wi cò wè. Nɛ̀ sí ki taa pe 'puu nɛ fìʔɛ́ siɛnnɛ nɛ̄ bèle. Ki 'nyaa pe cé ki cɛ́n dí peli mɛ́ Zezi wi cé kàsiile náà wáa lè nɛ̀ kɛn.

Zezi Kirisi Kataanna Siɛnrɛ dè Zan juumɔ nɛ̄ bè 11:57

Kacuɔnrilɔ kàfɔlilɔ bèle nɛ́ Fariziɛnnɛ ní bèle, pe cé ki juu nɛ̀ gbɛ̀ngɛ siɛnnɛ nɛ̄ bèle nɛ́ jo a siɛn ó siɛn kɛ́nì Zezi tiʔɛ cɛ́n gè, siɛn wi- ti juu, pe bé sa wi cò.

Kakpiʔiligele 4:27

«Ki 'nyaa Erodi wè nɛ́ Pɔnsi Pilati ní wè, pe 'pìye pínɛ kàʔa gáà nī gè, peli nɛ́ kùlogolo kálì siɛnnɛ pe yiɛgininɛ ní bèle, nɛ̀ fàri Isirayɛli siɛnnɛ nɛ̄ bèle, a pe 'nyuɔ le muɔ tiɛlɛfun baakuɔwɔ nɛ̄ wè, Zezi wè, wire ŋáà muɔ 'nyíɛnɛ nɛ̀ kɔ̀n wè.