Luku 21:12 - Sénoufo Nyarafolo

¹² «Náʔanɛ ki kele gálì ke- sí nɔ̀ gèle, pe béri yeli cògí de yeli wuʔɔ, bèri yeli cògí de waa nɛ́ yeli ní tɛnmɛzaaya mɛ́ yè bèri yeli nii kasuusaaya nī, bèri yeli yeri kùlofɔlilɔ kpáaya mɛ́ nɛ́ fànʔafɔlilɔ tiɛyɛ nī, mi míʔɛ kire kɛnmɛ nɛ̄.

Luku 21:12 Iomraidhean Croise

Matiye 22:6

«A pàli cɛ́nì kùlofɔli wi tundunminɔ cò bèle nɛ̀ pe dàridari nɛ̀ pe kpúu.

Matiye 24:8

Kire gáà ki mìɛni bé nyaa fùrɔgbuʔɔ káà sélimɛ bè, majo bɛ̀ cesiiiwe liyɛ cî nɛ wi yáa yè.

Luku 21:11

Dàala ni bága de cúungu kpuʔɔ tiɛyɛ sáa nī, nɛ̀ pínɛ fungo bága tuu tiɛyɛ yáà nɛ̄, nɛ́ yaabiimɛ ní. Kele kálì béri kpínʔini fíɛrɛ wuʔulo kátii, nɛ́ kakpoliyo yáà feliye ní nyìʔɛnɛ nī lè, yire yi bé puu fìɛlɛ bèle.

Zezi Kirisi Kataanna Siɛnrɛ dè Zan juumɔ nɛ̄ bè 15:20

Ye- sɔ̀ngi ye taa nɛ́ mi siɛnrɛ dáà mi 'juu yeli mɛ́ dè nɛ́ yeli yɛ: sùkulowo wiì kpúʔɔ nɛ̀ tóri wi kàfɔli nɛ̄ wèʔ. A pe 'mi wuʔɔ mi wè, bà míɛni pe bága yeli wuʔɔ. A pe 'mi siɛnrɛ lúʔu dè, bà míɛni pe bé yeli wori lúʔu dè.

Zezi Kirisi Kataanna Siɛnrɛ dè Zan juumɔ nɛ̄ bè 15:21

Nɛ̀ sí ki taa pe bága kire gáà ki mìɛni kpíʔile yeli nɛ̄ mi míʔɛ kire kɛnmɛ nɛ̄ bè, bɛ̀ ki 'nyaa ŋàa wi 'mi tun wè, piyè wi cɛ́n wèʔ.

Kakpiʔiligele 22:30

Ki kpìɛnduu gè, kapiɛngbuɔnnɔ kàfɔli kpuɔwɔ wi 'puu nɛ caa bè kányiʔɛ ki mìɛni cɛ́n, gìi nɛ̄ Zuufulo pe 'puu nɛ Pɔli túngu wè. A wi 'nɛ̀gɛjɔliyɔ yige yè wi mɛ́ kiyɛ nɛ̄ yè, píra ŋáà nī wè nɛ́ sí kacuɔnrilɔ kàfɔlilɔ yeri bèle peli nɛ́ Zuufulo pe kàyuʔujuulo gboli wuulo pe mìɛni ní bèle, a pe 'pìye pínɛ, nɛ́ sí Pɔli kɔ́ri wè nɛ̀ sɛ́nì wi yérige baa yiʔɛ mɛ́ gè.

Kakpiʔiligele 5:40

A pe sí koli nɛ̀ Zezi tundunminɔ yeri bèle nɛ̀ pɛ́nì tí a pe 'pe kpúɔn, nɛ́ ti juu nɛ̀ láʔa pe nɛ̄ pe fǎga ní yakaa juu Zezi míʔɛ wori nɛ̄ dèʔ, nɛ́ pe yaʔa a pe 'kɛ́.

Kakpiʔiligele 8:3

Sɔli wire 'puu nɛ ŋàʔana bè tɛ́ngɛfɔlilɔ gboli cúʔɔ lè wī. Wi 'puu nɛ jiin saaya nī yè nɛ tɛ́ngɛfɔlilɔ cògí bèle fànʔa, nɛ waa nɛ kanʔa pe pe tɔ́ngi kasuu nī, cɛlilɛ bèle nɛ́ nàguɔlɔ ní bèle.

Kakpiʔiligele 9:4

A wi 'nyɛri nɛ̀ tuu dàala nɛ̄ lè, á wi 'yékpoli láà juumɔ lúʔu a ni 'wi yɛ: «Sɔli, Sɔli, gáa nɛ̄ muɔ nɛ mi wuʔɔ ?»

Piɛri 1 2:13

Bè Kàfɔli kpúʔɔ wè, yeri fànʔafɔlilɔ pe mìɛni kpóri, a ki yē kùlofɔli wè, wire ŋáà mɛ́ kàfɔligɔ ki mìɛni ki yē gè,

Tìɛlɛ 2:10

Fàri fìʔɛʔ wuʔɔgɔ gáà ki báan muɔ mɛ́ gèʔ. «Ki 'nyaa gbòdolilo kàfɔli wiī nɛ ki caa bè yeli pálì wáa kasuu nī bè yeli siʔɛ bè wéli; yeli bé wuʔɔgɔ suɔ bè taa cɛnyɛ kiɛ. Kò baa muɔ nyayerigele nī gèle bè taa muɔ pa kùu, bà m'bága kpuʔɔrɔ ndɔ̀ngɔ kɛn gè muɔ mɛ́ sìi wuʔu gè.