Luku 2:9 - Sénoufo Nyarafolo

⁹ A Kàfɔli wi nyìʔɛnɛ tundunwɔ wáà sɛ́nì yiri pe nɛ̄, a Kàfɔli wi kpuɔmɔ nɛ́ wi cɛ̀nmɛ pi 'càanna nɛ̀ jíin pe nī, nɛ̀ pe màʔa nɛ̀ suʔu. A fíɛrɛ 'pe cò kpuʔɔ.

Luku 2:9 Iomraidhean Croise

Yirile 16:10

Bà Arawɔn 'puu nɛ nyu nɛ́ Isirayɛli tògo siɛnnɛ ní bèle, a pe 'yiʔɛ nɛ̀ yiɛyɛ wáa yè waama kùlo kɔli mɛ́ gè. Kire tiʔɛ nī gè, a Yewe 'wi cɛ̀nmɛ nɛ́ wi kpuɔmɔ tìɛ bè pe nɛ̄ kàsadibagɛ nī gè.

Yirile 16:7

Sínbinimɛ táanni bè, yeli bé Yewe cɛ̀nmɛ nɛ́ wi kpuɔmɔ nyaa bè, nɛ́ ki cɛ́n wi nyɛ́nì kúnʔɔrilɔ lúʔu lè nàa yeli 'juu nɛ̀ wáa Yewe mɛ́ wè. Nɛ́ weli ní bèle, báli bīɛlɛ weli bèle kire ga buu yeli de kúnʔɔri weli nɛ̄ ?»

Matiye 1:20

Bà kire sɔ̀ngirɔ dáà tiī wi nī mmɛ gè, a Kàfɔli wi nyìʔɛnɛ tundunwɔ wáà pɛ́nì yiri wi nɛ̄ ŋɔ́nigɔ nɛ̄ nɛ̀ wi yɛ: «Yusufu ŋɛ, Dawuda Jaa, fǎri fìʔɛ́ bè Maari líɛ wè wi- puu muɔ cuɔ wèʔ, nɛ̀ taʔa gíi nɛ̄, pùɔ ŋáà wī baa wi liyɛ nī yè, Kulocɛliɛ Pìle baara dī.

Luku 1:28

A nyìʔɛnɛ tundunwɔ wi sɛ́nì yiri Maari kúrugu wè, nɛ̀ wi yɛ: «Mi nɛ muɔ síɛri, muɔ ŋáà ma 'kpuʔɔrɔ taa Kulocɛliɛ mɛ́ wè; we Kàfɔli wiī nɛ́ muɔ ní.»

Luku 2:8

Sìnbanaʔana pálì cé puu baa ki tiʔɛ nī gè baa nyàʔa nī nɛ pe sìnbaara nári dè nɛ sùɔ́n baa nyàʔa nī gè.

Luku 24:4

A ki 'tɔ̀ni nɛ̀ pe fungo wúɔ kátii. Cɛ̀ri 'sìʔɛrɛ a pe 'fali nɛ̀ nàguɔlɔ siin nyaa buruviire ní ti fíligi pérepere nɛ pe dɛngi.

Zezi Kirisi Kataanna Siɛnrɛ dè Zan juumɔ nɛ̄ bè 12:41

Ezayi wi cé siɛnrɛ dáà juu dè bɛ̀ ki 'nyaa wi cé Kulocɛliɛ Siɛnnyiɛnɛgɔnwɔ wi kpuɔmɔ nyaa bè. A wi sí nɛ nyu wi wori nɛ̄ dè.

Kakpiʔiligele 12:7

Cɛ̀ri sìʔɛrɛ a Kàfɔli wi nyìʔɛnɛ tundunwɔ wáà 'yiri, a kpìɛnmɛ páà 'càanna baa kasuusaʔa nī gè. A wi 'Piɛri kpúɔn wè tɛ́bitɛbi lìʔɛlɛ nī lè a wi 'yɛ̀, a wi 'wi yɛ: «Yɛ̀ fáari!» A nɛ̀gɛjɔliyɔ yi 'fali nɛ̀ yiri wi kiyɛ nɛ̄ yè nɛ̀ tuu.

Kakpiʔiligele 27:23

Ki 'nyaa pìlige gáà ki 'kúɔ gè, Kulocɛliɛ ŋáà mɛ́ mi yē nɛ́ ní wi wuu wè, níɛ baara wi mɛ́ wè, a wi nyìʔɛnɛ tundunwɔ wáà pɛ́nì yiri mi kúrugu,

Kakpiʔiligele 5:19

A Kàfɔli wi nyìʔɛnɛ tundunwɔ wáà sɛ́nì kasuu kɔ̀ri múgu gè pìlige nī, nɛ́ tundunminɔ kɔ́ri bèle nɛ̀ yiri nɛ́ pe yɛ:

Korɛntiyé 2 3:18

Kire nɛ̄, weli we mìɛni bálì bīɛlɛ yiɛyɛ ní yè múguyo yè, weli nɛ Kàfɔli wi kpuɔmɔ wéli bè ki ní majo we ki wéli dibale nī wī. Bɛ̀ Kàfɔli wi sí yē Kulocɛliɛ Pìle lè, wiī nɛ weli kàrigí nɛ weli kpínʔini bɛ̀ wìi tíɛlɛ, nɛ kàa taʔala nɛ waa weli kpuɔmɔ nɛ̄ bè.

Korɛntiyé 2 4:6

Nɛ̀ taʔa gíi nɛ̄, Kulocɛliɛ ŋáà wi cé ki juu nɛ́ jo: «Kpìɛnmɛ pi de càanná yebilige sunʔɔmɔ nī bè», wire wi nyɛ́ni wi kpìɛnmɛ cáanri bè weli funyɔ nī yè, gìi ki bé tí we- wire kpuɔmɔ cɛ́n bè, bàa pi nyíʔɛnɛ Zezi Kirisi yiʔɛ nī gè.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Eburulo 12:21

Gìi ki yé kpíʔile gè, ki cé fíɛrɛ cò Misa nɛ̄ wè, a wi 'jo: Mi yé tɔ̀ni nɛ̀ fíɛ kpuʔɔ nɛ fún nɛ yàʔará.

Tìɛlɛ 18:1

Bà tire 'tóri dè, a mi 'nyìʔɛnɛ tundunwɔ wáà nyaa cígini, wi tíri nyìʔɛnɛ nī lè; fànʔa 'puu wi mɛ́ kpuʔɔ. Wi nyíʔɛnimɛ pi kpìɛnmɛ pi 'puu nɛ dàala càanná lè.

Tìɛlɛ 20:11

A mi 'kùlofɔlilɔ kácunʔɔ káà nyaa kpuʔɔ fìige nɛ́ siɛn ŋáà wi 'puu ki nɛ̄ tɛ́niwɛ wè. Dàala nɛ́ nyìʔɛnɛ ní lè ti cé fɛ̀ nɛ̀ sìʔɛrɛ wi yiʔɛ mɛ́ gè; ti tiʔɛ kiì cé ń'nɛ̀ cɛ́nʔ.