Luku 2:49 - Sénoufo Nyarafolo

⁴⁹ A wi 'pe yɛ: «Gáa kɛnmɛ nɛ̄ ye 'puu nɛ mi caa ? Yeli sì ki cɛ́nʔ lé dí mi cé yɛli bè puu náʔa mi Tuu wi kele nɛ̄ gèle lé ?»

Luku 2:49 Iomraidhean Croise

Ŋúnuyɔ 40:8

Kire nɛ̄ a mi 'ki juu nɛ́ jo: «Ki n'gɛ, mi nyɛ́nì pɛn ! Ki nyɛ́nì sɛbɛ mi wuʔu nɛ̄ gè sɛbɛkuruwo nī wè.»

Matiye 21:12

A Zezi wi 'kɛ́ Kulocɛliɛ Gbùʔɔrɔsaʔa dàligɛ mɛ́ gè, nɛ̀ sɛ́nì yaparilɛ pe mìɛni cìra nɛ̀ yige kpànʔanɛ peli nɛ́ yasuɔlɔ ní bèle baa Kulocɛliɛ Gbùʔɔrɔsaʔa dàligɛ nɛ̄ gè, nɛ́ walifɛnivɔlilɔ pe tabalilɛ ŋɔrigɔ bèle nɛ̀ cáan nɛ́ gòtoparilɛ pe kácuɔnrɔ ní dè.

Luku 2:48

Bà pe sɛ́nì wi nyaa mmɛ gè, a ki 'pe fungo wúɔ kátii a wi yàa wi 'wi yɛ: «Mi pùɔ, gáa muɔ 'kpíʔile nɛ́ weli ní mmɛ gè ? Je mi nɛ́ muɔ tuu ní wè, funyɔ yi cé cúʔɔ we nī wī á wiyē nɛ muɔ caa nɛ mári wè !»

Zezi Kirisi Kataanna Siɛnrɛ dè Zan juumɔ nɛ̄ bè 4:34

A Zezi wi 'pe yɛ: «Mi yaliire tire yē ŋàa wi 'mi tun wè, mi- wi nyɛ́ni kaala kpíʔile lè, bé sí wi baara kúɔ de bè láʔa.

Zezi Kirisi Kataanna Siɛnrɛ dè Zan juumɔ nɛ̄ bè 5:17

A Zezi wi sí siɛnnugoro kɛn pe mɛ́ nɛ́ pe yɛ: «Mi Tuu wiī nɛ wi baara kúu dè nɛ tíin nɛ̀ pɛ́nì nɔ̀ lɛ̀lɛ náà nī lè, mi míɛni wè, mi nɛ mi baara kúu dè.»

Zezi Kirisi Kataanna Siɛnrɛ dè Zan juumɔ nɛ̄ bè 5:36

«Mi wè, siɛnrɛ táà sí yē náʔa mi mɛ́ bè juu, ti 'tóri Zan wojuuro nɛ̄ dè. Ki 'nyaa baara díì Tuufɔli wi 'kɛn m'mɛ́ mi de ti kúu dè, m'bé ti kúɔ bè láʔa. Kire baara tire mi nɛ kúu, tire míɛni ti nyɛ́ni mi wori nyu dè, nɛ ki tìí dí Tuufɔli wire wi nyɛ́nì mi tun.

Zezi Kirisi Kataanna Siɛnrɛ dè Zan juumɔ nɛ̄ bè 6:38

Nɛ̀ taʔa gíi nɛ̄, miì tìgi nyìʔɛnɛ nī lè bè pari mi nyɛ́ni kele kpínʔini wīʔ; ŋàa wi 'mi tun wè, wire nyɛ́ni kele mi nɛ kúu.

Zezi Kirisi Kataanna Siɛnrɛ dè Zan juumɔ nɛ̄ bè 8:29

ŋàa wi 'mi tun wè, wiī nɛ́ mi ní nɛ̀ pínɛ. Wiì mi yaʔa mi nigbeʔ. Nɛ̀ taʔa gíi nɛ̄, gìi ki 'wi dɛ́ni gè, kire mi nɛ kpínʔini súuri.»

Zezi Kirisi Kataanna Siɛnrɛ dè Zan juumɔ nɛ̄ bè 9:4

Bà cɛngɛ ki tíin kpìɛnmɛ bè, ki 'yɛli ŋàa wi 'mi tun wè, we- wi baara kúɔ dè. Pìlige ki bága wúɔ, siɛn sǐ ní gbɛ̀ baara kúɔʔ.