Luku 2:41 - Sénoufo Nyarafolo

⁴¹ Yiɛlɛ ó yiɛlɛ Zezi wi siivɔlilɔ pe 'puu nɛ yɛ̀gí nɛ waa Zerizalɛmi kàʔa mɛ́ gè nɛ waa nɛ Torimakiyaʔa Fundaanra kpínʔini dè.

Luku 2:41 Iomraidhean Croise

Yirile 12:11

Ki n'gɛ kɛnmɛ báà pire nɛ̄ yeli bé ti káa: ye- tánʔana burudo le dè ye ti puɔ ye cò sɛ̀nnɛ nī gèle, yé tɔriyɔ le yè, yé kàgbiʔile cò gèle yeli kiyɛ nī yè. Yeli bé ti káa cáʔacaʔa, kire gī Torimakiyaʔa lìile lè, bè Yewe kpúʔɔ wè.

Yirile 12:14

«Kire cɛngɛ gáà ki bé kò yeli mɛ́ sɔ̀ngidaadiʔɛ; yeli béri ki kpóri ki bé kò fundaanra tánʔagbuɔlɔ yeli mɛ́ yeri mi Yewe gbùʔɔrɔ́ wè. Ki bé puu kɛ̀ngɛlɛ ke mìɛni mɛ́ fànʔa kaala náà niǐ gbɛ̀ yaʔa lèʔ.

Yirile 34:23

Tɔliyɔ taanri yiɛlɛ nī lè, yeli nàguɔlɔ pe mìɛni 'yɛli pe- pɛn mi yiʔɛ mɛ́ gè, mi ŋáà wī Kàfɔli Yewe wè, Isirayɛliyé Kulocɛliɛ wè.

Leviiyé 23:5

«Yebelige ki cɛnyɛ kiɛ nɛ́ sicɛriwuʔu nɛ̄ gè, cɛnguɔwuɔmɔ lɛ̀lɛ nī lè, ye Yewe Torimakiyaʔa Fundaanra séli dè.

Tɔ́rilɔ 28:16

«Yeli bé tánʔagbuɔlɔ kpíʔile bè Yewe gbùʔɔrɔ wè, bè Torimakiyaʔa Fundaanra kpíʔile dè, yebelige ki cɛnyɛ kiɛ nɛ́ sicɛriwuʔu nɛ̄ gè. Ki kpìɛnduu gè, yebelige ki cɛnyɛ kiɛ nɛ́ kogunɔwuʔu nɛ̄ gè, yeli bé fundaanra kpíʔile dè bè sìnvarifun búru káa wè fúɔ bè taa cɛnyɛ kɔlisiin.

Luku 2:42

Bà wi pɛ́nì yiʔɛlɛ kiɛ nɛ́ siin taa gèle, a pe 'kɛ́ fundaanra mɛ́ dè majo bɛ̀ pe cé dàli nɛ ki kpínʔini gè.

Zezi Kirisi Kataanna Siɛnrɛ dè Zan juumɔ nɛ̄ bè 11:55

Ki sí nyaa Zuufulo Torimakiyaʔa Fundaanra cɛngɛ ki 'puu nɛ sìʔɛrɛ́ nɛ báan. Siɛnnɛ nìʔɛnɛ 'puu nɛ yɛ̀gí pe vòro mɛ́ dè nɛ waa Zerizalɛmi kàʔa mɛ́ gè bè sa pe jígemununɔ kele kúɔ gèle bè pìye gbòbori bè yaʔa bèri fundaanra cɛngɛ siri gè.

Zezi Kirisi Kataanna Siɛnrɛ dè Zan juumɔ nɛ̄ bè 13:1

Cɛngɛ nigbe bé kúɔ dí Torimakiyaʔa Fundaanra cɛngɛ ki sí nɔ̀ gè, a Zezi wi 'ki cɛ́n dí lɛ̀lɛ ni 'nɔ̀ wire bé yiri náʔa duniya ŋáà nī wè bè kɛ́ Tuufɔli kúrugu wè. Wi wuulo bálì bīɛlɛ náʔa duniya nī wè, pe cé wi dɛ́ni, a pe ń'nɛ̀ wi dɛ́ni kpuʔɔ láʔala fùn.

Zezi Kirisi Kataanna Siɛnrɛ dè Zan juumɔ nɛ̄ bè 2:13

Bà Zuufulo pe Torimakiyaʔa Fundaanra cɛngɛ ki cé kɛ́nì kò cɛ̀ bé nɔ̀ gè, a Zezi wi 'kɛ́ Zerizalɛmi kàʔa mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 6:4

Torimakiyaʔa cɛngɛ gè, Zuufulo pe fundaanra cɛngɛ gè, ki cé kò cɛ̀ bé nɔ̀.

Fànʔa Kajuʔulo 12:11

«Kire lɛ̀lɛ nī lè, tiʔɛ gíì Yewe yeli Kulocɛliɛ wi bága nyíɛnɛ bè kɔ̀n bè ki kpíʔile wire míʔɛ ki kòridiʔɛ gè, baa yeli béri waa nɛ́ yɛrɛ ní dè dàa wori mi 'juu nɛ̀ gbɛ̀ngɛ yeli mɛ́ dè: yeli kakuɔrɔ kaasuʔuro dè, nɛ́ yeli kakuɔrɔ yajuuro ní dè, nɛ́ yeli kiɛkiɛwuʔulo yakɔnrɔ ní dè, nɛ́ yɛrɛ dáà yeli 'kɔ̀n nɛ̀ kɛn Yewe mɛ́ wè kpuʔɔrɔ dè, nɛ́ yeli yakɔnrɔ dáà yeli 'nyíɛnɛ bè kɔ̀n bè kɛn Yewe mɛ́, dáà wori yeli yé nyuɔ kún nɛ̀ kɛn dè.

Fànʔa Kajuʔulo 12:18

Yewe muɔ Kulocɛliɛ wire yákuɔ yiʔɛ mɛ́ muɔ bé yɛrɛ dáà ti mìɛni káa, tiʔɛ gáà nī Yewe muɔ Kulocɛliɛ bé nyíɛnɛ gɔ̀n gè. Muɔ bé ti káa, muɔ nɛ́ muɔ jaa ní wè, nɛ́ muɔ póri ní wè, nɛ́ muɔ baakuɔwɔ ŋáà wī nàguɔ wè nɛ́ ŋàa wī cɛliwɛ wè, nɛ́ Leviiyé siɛn ní wè ŋàa wī tɛ́niwɛ muɔ kàaya nī yè. Muɔ bé fundaanra kpíʔile Yewe muɔ Kulocɛliɛ yiʔɛ mɛ́ gè muɔ kiyɛ baara ti mìɛni nɛ̄ dè.

Fànʔa Kajuʔulo 16:16

«Tɔliyɔ taanri yiɛlɛ nī lè, nàguɔlɔ pe mìɛni bé kɛ́ Yewe yeli Kulocɛliɛ yiʔɛ mɛ́ gè, tiʔɛ gáà nī wi 'nyíɛnɛ nɛ̀ kɔ̀n gè: Sìnvarifun Búru Fundaanra tánʔagbuɔlɔ lɛ̀lɛ nī lè, nɛ́ Cégbuʔulo Fundaanra tánʔagbuɔlɔ lɛ̀lɛ nī lè, nɛ́ Kpátaapigele Fundaanra tánʔagbuɔlɔ lɛ̀lɛ nī lè. «Siɛn sì yɛli bè kɛ́ Yewe yiʔɛ mɛ́ kiyɛ ní yè waayaʔ.