Luku 2:40 - Sénoufo Nyarafolo

⁴⁰ Pùɔ wire sí wè, wi 'puu nɛ liʔi nɛ yɛ̀gí cɛ̀ngɛ nɛ́ ŋɔri ní; wi sìnjilige ní gè nɛ kpóri nɛ waa. Kulocɛliɛ kpuʔɔrɔ ti 'puu wi nɛ̄.

Luku 2:40 Iomraidhean Croise

Ŋúnuyɔ 22:9

«Wiì jo lé wi 'wìi yaʔa Yewe mɛ́ lé ? Wi‑ pa wi suɔ kìɛ ! Wi‑ pa wi yige pe kiyɛ nī yè, a ki yē wi woli ni 'kpúʔɔ wi mɛ́ lè  !»

Ŋúnuyɔ 45:2

Mi fungo ki 'nyì fundaanra nɛ́ siɛntaancɛ̀nrɛ tire kɛnmɛ nɛ̄, mi nɛ mi ŋúnugo ŋú gè kùlofɔli wáà mɛ́. Mi nyinɛ ni 'tɛ́ni bɛ̀ sɛbɛnyɔnigɔjɛ̀nwɛ gòsiige tíɛlɛ bà wi cî ki tíʔɛ nɛ sɛbɛ wè.

Luku 1:80

Pùɔ wire wè, wi 'puu nɛ liʔi cɛ̀ngɛ, nɛ yɛ̀gí nɛ́ ŋɔri ní wi fungo nī gè. Wi yé sɛ́nì kò waama kùlo nī fúɔ nɛ̀ taa a wi tun lɛ̀lɛ ni pɛ́nì nɔ̀, a wi sɛ́nì wìi tìɛ Isirayɛli wuulo nɛ̄ bèle.

Luku 2:47

Bìli pe 'puu nɛ wi juugɛnmɛ nyaʔa bè, a ki 'pe mìɛni fungo wúɔ, mɛni wi cé kele cɛ́n gèle níɛ siɛnnugoro kanʔa dè pe mɛ́ wè.

Luku 2:52

Zezi wi 'puu nɛ liʔi nɛ yɛ̀gí cɛ̀ngɛ wi cetinnɛ nɛ̄ lè nɛ́ wi sìnjilige ní gè, nɛ̀ kpuʔɔrɔ taa Kulocɛliɛ mɛ́ wè nɛ́ siɛnnɛ ní bèle nɛ̀ pínɛ.

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Kakpiʔiligele 4:33

Fànʔa káà 'puu Zezi tundunminɔ mɛ́ bèle kpuʔɔ pe Kàfɔli Zezi nyɛ́yirile wori tìí dè, nɛ̀ pínɛ pe mìɛni bèle Kulocɛliɛ kajɛ̀ngɛ ki 'puu pe nɛ̄ kpuʔɔ.

Efɛziyé 6:10

Dìi ti 'kò sɛnrɛ dè, ye- ŋɔri le yìye nī bɛ̀ ki 'nyaa yeli yē pínɛnyɛnigɛ nɛ̄ nɛ́ Kàfɔli ní wè; wi fànʔa kiī kpuʔɔ.

Timote 2 2:1

Muɔ wè, mi pùɔ, ma ŋɔri nyɔ́gɔ mìɛ nī, kpuʔɔrɔ kɛnmɛ nɛ̄ bè dàa weli 'taa dè bɛ̀ weli yē pínɛnɛ nɛ́ Zezi Kirisi ní wè.