Luku 2:25 - Sénoufo Nyarafolo

²⁵ Ki sí nyaa nàguɔ wáà 'puu baa Zerizalɛmi kàʔa mɛ́ gè, pe wi yeri Simɛyɔ; siɛnsinwɛ wi 'puu ki nàguɔ wè. Wi 'puu nɛ Kulocɛliɛ koligo gbùʔɔrɔ́ gè, níɛ ki siri cɛngɛ gíì Kulocɛliɛ wi bága Isirayɛli fungo nyígi gè. Kulocɛliɛ Pìle ni cé tɔ̀ni nɛ̀ puu nɛ́ ki nàguɔ ŋáà ní wè.

Luku 2:25 Iomraidhean Croise

Sélimɛ 6:9

Nɔwe nɛ́ wi pìile siɛnrɛ dī dàa dè: Nɔwe 'puu siɛnsinwɛ nɛ́ ní dìgire fùn wi lɛ̀lɛ siɛnnɛ nī bèle; wi 'puu nɛ tári nɛ́ Kulocɛliɛ ní wī.

Tɔ́rilɔ 11:25

A Yewe 'tìgi kàsadibagɛ nī gè nɛ̀ pɛ́nì juu nɛ́ Misa ní wè. A wi 'kàa yige Kulocɛliɛ Pìle nī lè Misa nī wè nɛ̀ kɛn liɛlɛ togotaanri nɛ́ kpɔrigɔ mɛ́ bèle. Bà Kulocɛliɛ Pìle ni 'tìgi pe nɛ̄ bèle, a pe 'fali nɛ siɛnrɛ táà nyu dàa Kulocɛliɛ Pìle ni yé kɛn pe mɛ́ dè, bɛ̀ Kulocɛliɛ siɛnjuulo tíɛlɛ bèle. Nɛ̀ ki yaʔa ki yé kpíʔile tɔligɔ nigbe yákuɔ wī.

Tɔ́rilɔ 11:29

A Misa sí ki juu wi mɛ́ nɛ́ jo: «Muɔ yē nɛ́ yejaʔa ní wī lé, mi wuʔu nɛ̄ gè ? Gàa ki 'mi kúɔ gè, ki bé mi dɛ́ni a Yewe cɛ́nì wi Pìle tìrige lè Isirayɛli siɛnnɛ pe mìɛni nɛ̄ bèle, á pe mìɛni kò wi siɛnjuulo bèle !»

Luku 1:41

Bà Ɛlizabɛti wi 'Maari síɛrilɛ lúʔu lè mmɛ gè, a wi pùɔ wi 'yo nɛ̀ yɛ̀ baa wi liyɛ nī yè, a Ɛlizabɛti wi 'nyì Kulocɛliɛ Pìle nɛ̄ lè.

Luku 1:6

Pe mìɛni siin pe 'puu siɛnsinminɛ Kulocɛliɛ yiʔɛ mɛ́ gè, nɛ Kàfɔli wi kajuʔulo nɛ́ wi sínmɛ kakpiʔiligele ke mìɛni koliyo tári yè kolimɔ fùn.

Luku 1:67

Pùɔ wi tuu wè Zakarii wè, a Kulocɛliɛ Pìle ni 'wi tín, a wi 'yɛ̀ nɛ Kulocɛliɛ siɛnrɛ nyu dè nɛ tìí nɛ́ jo:

Luku 2:38

A wi pɛ́nì yiri lɛ̀lɛ níì nī Simɛyɔ wi 'puu nɛ nyu nɛ tíin wè, nɛ̀ fali nɛ síɛrigɛ kanʔa Kulocɛliɛ mɛ́, níɛ pùɔ wi wori nyu dè siɛnnɛ pe mìɛni mɛ́ bèle bàli pe 'puu nɛ Zerizalɛmi kàʔa suɔjɛngɛ siri gè.

Kakpiʔiligele 10:2

Ki nàguɔ ŋáà wi 'puu nɛ Kulocɛliɛ koligo gbùʔɔrɔ́ gè; Kulocɛliɛ fíɛrɛ 'puu wi nī wire nɛ́ wi saʔa wuulo pe mìɛni ní bèle. Wi kɔli ki 'puu sáʔagɛ wi siɛnnɛ kanʔa bèle nìʔɛgɛ kàʔa nī gè, nɛ̀ pínɛ wi 'puu nɛ Kulocɛliɛ náari wè lɛ̀gɛlɛ ke mìɛni nī.

Kakpiʔiligele 10:22

A pe 'jo: «Kɔrinɛyi wè, kapiɛngbuɔnnɔ dabataan (100) kàfɔli wè nɛ́ ní siɛnsinwɛ wè, nɛ̀ pínɛ Kulocɛliɛ fíɛrɛ yē wi nī; Zuufulo kùlo wuulo pe mìɛni nɛ wi míɛtanʔa yeri gè. Nyìʔɛnɛ tunduncɛ̀nwɛ wáà sɛ́nì yiri wi nɛ̄ nɛ̀ wi yɛ wi- tun muɔ mɛ́ ma kɛ́ baa wire mɛ́, wire sa muɔ nyasiɛnrɛ lúʔu dè.»

Kakpiʔiligele 2:5

Ki sí nyaa Zuufulo pálì cé pɛn nɛ̀ pɛ́nì kò baa Zerizalɛmi kàʔa nī gè. Pe 'puu nɛ Kulocɛliɛ koligo gbùʔɔrɔ́ gè; pe cé kɔ́n duniya tiɛrɛ kùlogolo ke mìɛni nī gèle.

Kakpiʔiligele 24:16

Kire nɛ̄ mi nɛ ki cìʔilé bè puu cìiliwe mi fungo nī gè Kulocɛliɛ yiʔɛ mɛ́ gè nɛ́ siɛnnɛ pe mìɛni yiʔɛ mɛ́ gè.

Fànʔa Kajuʔulo 18:15

«Gìi sí gī baa gè, siɛnjuuwo wáà Yewe muɔ Kulocɛliɛ bága yige bɛ̀ mi tíɛlɛ yeli siɛnnyɛninɛ sunʔɔmɔ nī bè, wire mɛ́ yeli 'yɛli bèri lúru.

Piɛri 2 1:21

Nɛ́ ki cɛ́n Kulocɛliɛ siɛnjuuwo siɛnrɛ táà fáala sì juu siɛn nyɛ́ni kaala nɛ̄ wīʔ. Kire bɛ̀ʔ; Kulocɛliɛ Pìle lire ni 'puu nɛ siɛnnɛ yɛ̀gí bèle pe- Kulocɛliɛ siɛnrɛ nyu dè.