Luku 2:11 - Sénoufo Nyarafolo

¹¹ Pàngɛ gè, Suɔfɔli nyɛ́nì sii yeli mɛ́ Dawuda kàʔa nī gè, wire wī Kulocɛliɛ Siɛnnyiɛnɛgɔnwɔ wè, we Kàfɔli wè.

Luku 2:11 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Sélimɛ 49:10

Fànʔa kàgbiile niǐ ga tíi yiri Zuda narigɛ nī gèʔ, nɛ̀ pínɛ fànʔa sápile niǐ ga tíi yiri wi kiyɛ nī yèʔ, fúɔ bè taa ni kàfɔli wi ba pɛn, wire ŋáà mɛ́ siɛnfeliye yi béri lúru wè.

Ŋúnuyɔ 2:2

Gáa nɛ̄ dàala ni kùlofɔlilɔ pe 'yɛ̀ ? Gáa nɛ̄ siɛnkpolilo pe pìye nyaʔa nɛ nyu nɛ́ nyuɔ le Yewe nɛ̄ wè, nɛ́ wi siɛnnyiɛnɛgɔnwɔ ní wèʔ  ?

Matiye 1:16

a Yakuba 'yɛ̀ nɛ̀ Yusufu sii, Maari pɔli wè; kire Maari wire wi yé kɛ́nì pɛ́nì Zezi sii wè ŋàa pe yeri Kirisi wè, Kulocɛliɛ Siɛnnyiɛnɛgɔnwɔ wè.

Matiye 1:21

Wi bága pa nàgabile sii; ma wi míʔɛ le gè mari wi yeri Zezi, ki 'nyaa wire wi bága wi wuulo suɔ bèle pe kapiʔile nī gèle.»

Matiye 16:16

A Siimɔ Piɛri wi sí siɛnnugoro kɛn dè nɛ́ jo: «Muɔ wī Kulocɛliɛ Siɛnnyiɛnɛgɔnwɔ wè. Muɔ wī Kulocɛliɛ Jaa wè, Kulocɛliɛ wewiiwe wè.»

Matiye 16:20

A wi 'fali nɛ̀ ki juu nɛ̀ gbɛ̀ngɛ wi pìtɛnmɛnɛ mɛ́ bèle nɛ́ pe yɛ pe 'fǎa ga ti juu siɛn mɛ́ʔ dí wire wī Kulocɛliɛ Siɛnnyiɛnɛgɔnwɔ wèʔ.

Luku 1:43

Mi sí tɔ̀ni nɛ̀ ki taa tànʔa, á mi Kàfɔli wi yàa wi 'pɛn mi tiʔɛ nī gè !

Luku 1:69

Wi 'we kɛn nɛ́ suɔfɔgbuɔwɔ ní díɛ, Dawuda saʔa tùlugo nī gè, wi baakuɔwɔ wè,

Luku 2:26

Kulocɛliɛ Pìle ni cé ki tìɛ wi nɛ̄ dí wiǐ ga kùuʔ, ka laa wiì Kàfɔli Kulocɛliɛ Siɛnnyiɛnɛgɔnwɔ nyaa wè nyapile nɛ̄ gbíɛn wèʔ.

Luku 2:4

A Yusufu míɛni wè, bɛ̀ ki 'nyaa Dawuda saʔa tùlugo wuu wi 'puu wè, a wi 'yiri Nazarɛti kàʔa nī gè Galile kùlo nī lè, nɛ̀ kɛ́ Betilɛmi kàʔa mɛ́ Zude tɛ́nimɛ nī; wi tuuliʔɛ Dawuda kàsiʔi kire ki 'puu.

Zezi Kirisi Kataanna Siɛnrɛ dè Zan juumɔ nɛ̄ bè 1:41

A Andire wi 'fali nɛ̀ kɛ́ wi siinyɛni kúrugu wè, Siimɔ wè, nɛ̀ sɛ́nì wi yɛ: «Weli nyɛ́nì Kulocɛliɛ Siɛnnyiɛnɛgɔnwɔ nyaa wè, ‹Mesii› wè, ŋàa pe sî nɛ ye ‹Kirisi› wè.»

Zezi Kirisi Kataanna Siɛnrɛ dè Zan juumɔ nɛ̄ bè 1:45

A Filipi wi 'kɛ́ Natanayɛli kúrugu nɛ̀ sɛ́nì wi yɛ: «Siɛn ŋáà wori Misa wi cé sɛbɛ Fànʔa Siɛnrɛ nī dè, nɛ́ gìi Kulocɛliɛ siɛnjuuliɛlɛ pe yé juu gè, weli nyɛ́nì ki siɛn nyaa wè: Zezi wè, Yusufu|Yusufu, Maari pɔli|Yusufu, Maari pɔli jaa wè, Nazarɛti kàʔa wuu wè.»

Zezi Kirisi Kataanna Siɛnrɛ dè Zan juumɔ nɛ̄ bè 11:27

A wi 'jo: «ʔaan Kàfɔli, mi 'tɛ́ngɛ ki nɛ̄ muɔ wī Kulocɛliɛ Siɛnnyiɛnɛgɔnwɔ wè, Kulocɛliɛ Jaa wè ŋàa wi 'pɛn duniya nī wè.»

Zezi Kirisi Kataanna Siɛnrɛ dè Zan juumɔ nɛ̄ bè 20:31

Dàa tire sí nyɛ́nì sɛbɛ gìi ki bé tí ye- tɛ́ngɛ ki nɛ̄ ye ki cɛ́n Zezi wire wī Kulocɛliɛ Siɛnnyiɛnɛgɔnwɔ wè, nɛ ní Kulocɛliɛ Jaa wè. Nɛ̀ pínɛ a yeli 'tɛ́ngɛ wè, yeli bé sìi taa wè wi míʔɛ kire fànʔa nɛ̄ gè.

Zezi Kirisi Kataanna Siɛnrɛ dè Zan juumɔ nɛ̄ bè 4:25

A cɛliwɛ wi 'wi yɛ: «Mi 'ki cɛ́n Mesii wi bága pɛn, ŋàa pe ye Kulocɛliɛ Siɛnnyiɛnɛgɔnwɔ wè; a wire kɛ́nì pɛn wè, wi bé pa ti mìɛni yiʔɛ juu bè tìɛ weli nɛ̄.»

Zezi Kirisi Kataanna Siɛnrɛ dè Zan juumɔ nɛ̄ bè 4:42

A pe sí cɛliwɛ yɛ wè: «Siɛnrɛ dáà 'muɔ juu dè, tire bɛ̀ʔ ti 'ki kɛn a weli 'tɛ́ngɛʔ, ki 'nyaa weli tíimɛ weli nyɛ́nì wi nyasiɛnrɛ lúʔu dè nɛ̀ ki cɛ́n ŋàa wè, kányiʔɛ tɔ̀ni gī, wire wī duniya Suɔfɔli wè.»

Zezi Kirisi Kataanna Siɛnrɛ dè Zan juumɔ nɛ̄ bè 6:69

Weli bèle, weli nyɛ́nì tɛ́ngɛ ki nɛ̄ nɛ̀ taʔa ki nɛ̄ muɔ wī Kulocɛliɛ Siɛn wè, tiɛlɛ fùn wè.»

Zezi Kirisi Kataanna Siɛnrɛ dè Zan juumɔ nɛ̄ bè 7:41

A pàli 'jo: «Kulocɛliɛ Siɛnnyiɛnɛgɔnwɔ wire wī ŋàa wè.» A bìli 'jo: «Ki bé gbɛ̀ kpíʔile lé, ki- nyaa Galile tɛ́nimɛ nī Kulocɛliɛ Siɛnnyiɛnɛgɔnwɔ wi 'kɔ́n wè lé ?

Kakpiʔiligele 10:36

«Kulocɛliɛ wi 'Zezi Kirisi líɛ wè nɛ̀ yanyige Kataanna Siɛnrɛ juu dè nɛ̀ tórigo Isirayɛli pìile mɛ́ bèle; Zezi wire sí wī siɛnnɛ pe mìɛni Kàfɔli wè.

Kakpiʔiligele 13:23

«Wire siimɛ tùlugo kire nī Kulocɛliɛ wi cé kɛ́nì suɔfɔli yige wè nɛ̀ kɛn Isirayɛli wuulo mɛ́ bèle, Zezi wè, nɛ̀ yɛli nɛ́ nyafɛnigɛ gáà ní wi cé kpíʔile gè.

Kakpiʔiligele 17:3

A wi 'ti juu nɛ̀ fílige pe mɛ́, nɛ̀ ki tìɛ pe nɛ̄ dí Kulocɛliɛ Siɛnnyiɛnɛgɔnwɔ wi cé yɛli bè wuʔɔ, bága koli bè nyɛ́ kúbilo nī bèle, dí kire Siɛnnyiɛnɛgɔnwɔ ŋáà wire wī Zezi wè, ŋàa wori wire nɛ nyu pe mɛ́ bèle.

Kakpiʔiligele 2:36

«Kire nɛ̄ Isirayɛli siɛnnɛ pe mìɛni 'yɛli bè ki cɛ́n dí Kulocɛliɛ wi nyɛ́nì kàfɔligɔ kɛn gè Zezi ŋáà mɛ́ wè, nɛ́ ń'nɛ̀ wi kpíʔile wire Siɛnnyiɛnɛgɔnwɔ wè, wire yeli 'kóri tiiparigɛ nɛ̄ gè.»

Kakpiʔiligele 5:31

Wire Kulocɛliɛ wi 'yɛ̀gɛ nɛ̀ wi tɛ́ngɛ wi kàliige mɛ́ gè, nɛ́ wi kpíʔile Kùlofɔli Jaa nɛ́ Suɔfɔli wè, gìi ki bé tí Isirayɛli wuulo pe- pe funyɔ yiʔɛ yè pé láʔa pe kapiʔile nɛ̄ gèle, dí Kulocɛliɛ sí pe kapiʔile kàsulugo suɔ gè.

Korɛntiyé 1 15:47

Siɛn péliwe wi 'yiri dàala nī, nɛ ní puuro; siɛn siinwuu wè, wire 'kɔ́n nyìʔɛnɛ nī.

Filipiyé 2:11

Nɛ̀ pínɛ, siɛn ó siɛn wi- ki juu wi nyuɔ nī gè, wi- jo Zezi Kirisi wire wī Kàfɔli wè, wi- kpuʔɔrɔ taʔa weli Tuu Kulocɛliɛ nɛ̄ wè.

Filipiyé 3:8

Nɛ̀ taʔa gíi nɛ̄, bɛ̀ mi 'Zezi Kirisi wire cɛ́n, wi ní mi Kàfɔli wè, kire 'pɔ́ri m'mɛ́ ti mìɛni nɛ̄ dè; tire ti mìɛni ti 'kò m'mɛ́ tɔ̀nifun yɛrɛ wī. ʔaan, Zezi wire kɛnmɛ nɛ̄ bè ti mìɛni 'kò tɔ̀ni fùn wī, mi nɛ ti nyaʔa bɛ̀ kànyaʔara tíɛlɛ, dí mi sí taa bè Kirisi wire cɛ́n,

Kolɔsiyé 2:6

Bɛ̀ sí yeli 'fɔ̀li Zezi Kirisi nɛ̄ wè, we Kàfɔli wè, ye- puu yeri tári nɛ́ wire ní,

Zan 1 4:14

Weli nyɛ́nì ki nyaa nɛ́ weli nyapigele ní gèle níɛ ki nyu nɛ láʔala dí Tuufɔli wi nyɛ́nì wi Jaa tun wè wi pa kò duniya Suɔfɔli.

Zan 1 5:1

A siɛn ó siɛn 'tɛ́ngɛ ki nɛ̄ Zezi wi yē Kirisi wè, wi yē Kulocɛliɛ pùɔ. A Tuufɔli wi 'siɛn ó siɛn dɛ́ni wè, Tuufɔli wi pùɔ wè, wi nɛ̂ siɛn dɛ́ni wè míɛni.