Luku 2:10 - Sénoufo Nyarafolo

¹⁰ A nyìʔɛnɛ tundunwɔ wi 'pe yɛ: «Ye fǎri fìʔɛ́ʔ ! Ye- nyaa, kataanna mi je juu yeli mɛ́, ni bé pɛn nɛ́ fundaangbuɔrɔ ní kùlo wuulo pe mìɛni mɛ́.

Luku 2:10 Iomraidhean Croise

Sélimɛ 12:3

A siɛnnɛ bílì 'diba kpíʔile wè muɔ mɛ́, mi míɛni bé diba taʔa wè pe nɛ̄. Á siɛn ŋíì 'dɛ́ngɛ taʔa wè muɔ nɛ̄, mi míɛni bè dɛ́ngɛ taʔa wè ki siɛn nɛ̄ wè. M'bé ki yaʔa duniya nariyɛ yi mìɛni béri diba kpínʔini wè siɛnnɛ mɛ́ bèle muɔ kɛnmɛ nɛ̄.»

Matiye 14:27

A Zezi wi 'fali nɛ̀ juu nɛ́ pe ní sɛni nɛ́ jo: «Ye- yeli nàzɔnnɔ tɛ́ngɛ bèle, mi wī. Ye fǎri fìʔɛ́ʔ.»

Matiye 28:18

A Zezi wi 'sìʔɛrɛ nɛ̀ kpɔni pe nɛ̄, nɛ̀ ki juu pe mɛ́ nɛ́ pe yɛ: «Fànʔa ki mìɛni yē mi mɛ́ nyìʔɛnɛ nī lè, nɛ́ dàala ní lè.

Matiye 28:5

A nyìʔɛnɛ tundunwɔ wi 'juu nɛ́ cɛlilɛ bálì ní bèle nɛ́ pe yɛ: «Yeli bèle ye fǎri fìʔɛ́ʔ, mi nyɛ́nì ki cɛ́n Zezi ŋáà pe 'kóri tiiparigɛ nɛ̄ gè, wire yeli nɛ caa.

Mariki 1:15

Wi 'puu nɛ ki nyu nɛ́ jo: «Lɛ̀lɛ ni 'nɔ̀, nàa Kulocɛliɛ cé tìɛ nɛ́ jo wi bága wi kùlofɔligɔ tɛ́ngɛ gè yeli sunʔɔmɔ nī bè. Ye- yeli funyɔ yiʔɛ yè, yé sí tɛ́ngɛ Kataanna Siɛnrɛ nɛ̄ dè.»

Mariki 16:15

A wi 'fali nɛ̀ ní nɛ̀ pe yɛ: «Yeri waa duniya tiɛrɛ ti mìɛni nī, ye sari Kataanna Siɛnrɛ jáari dè siɛnnɛ pe mìɛni mɛ́.

Luku 1:13

A nyìʔɛnɛ tundunwɔ wi 'wi yɛ: «Fǎri fìʔɛ́ Zakariiʔ, ki 'nyaa muɔ náarigɛ ki nyɛ́nì cò. Muɔ cuɔ wè Ɛlizabɛti wè, wi bé laala taa bè nàgabile sii. Ma ga pùɔ wi míʔɛ le gè mari wi ye Zan.

Luku 1:19

A tundunwɔ wi 'wi yɛ: «Mi wī Gabiriyɛli wè, mi 'mi yéri Kulocɛliɛ yiʔɛ mɛ́ gè á wi 'mi tun mi- pa kataanna tunduro dáà juu dè muɔ mɛ́.

Luku 1:30

A nyìʔɛnɛ tundunwɔ wi 'wi yɛ: «Fǎri fìʔɛ́ʔ, Maari, muɔ nyɛ́nì kpuʔɔrɔ taa Kulocɛliɛ mɛ́.

Luku 2:11

Pàngɛ gè, Suɔfɔli nyɛ́nì sii yeli mɛ́ Dawuda kàʔa nī gè, wire wī Kulocɛliɛ Siɛnnyiɛnɛgɔnwɔ wè, we Kàfɔli wè.

Luku 24:47

Nɛ̀ pínɛ wire míʔɛ nɛ̄ gè, pe bága de siɛnnɛ pe funyɔ yi yiʔɛ wori jáari dè kùlogolo siɛnfeliye yi mìɛni mɛ́ yè, siɛnnɛ peri pe kapiʔile wuʔu yáa gè bé sí pe funyɔ taʔa yè Kulocɛliɛ nɛ̄, dí Kulocɛliɛ wi sí kapiʔile kàsulugo suɔ gè. Ki bé séli Zerizalɛmi kàʔa nɛ̄.

Luku 8:1

Kire kàduʔumɛ gè a Zezi wi 'líɛ nɛ nyaari nɛ tòrí kàaya nī yè nɛ́ vòyo nī yè, nɛ siɛnnɛ tɛnmɛ bèle níɛ Kulocɛliɛ Kùlofɔligɔ Kataanna Siɛnrɛ jáari dè. Pìtɛnmɛnɛ kiɛ nɛ́ siin pe 'puu nɛ́ wi ní.

Kakpiʔiligele 13:32

«Kire Kataanna Siɛnrɛ tire weli nɛ nyu yeli mɛ́, kaala níì nɛ̄ Kulocɛliɛ wi cé nyuɔ fɛ̀ni weli tuuliɛyɛ mɛ́ yè.

Wurɔmiyé 10:15

Mɛni sí ti bé gbɛ̀ jáari bè síɛ, a piyè siɛn tun wèʔ ? Nɛ̀ yɛli nɛ́ gàa gī baa Kulocɛliɛ siɛnsɛbɛrɛ nī dè, ti 'jo: «Bìli pe nyɛ́ni katanʔana nyu gèle pe pɛngɛnnɛ ni 'nyuɔ díɛ  !»

Efɛziyé 3:8

Mi ŋáà mi 'cɛ́ri Kulocɛliɛ wuulo pe mìɛni nī bèle, a wi 'ki kpuʔɔrɔ dáà kpíʔile dè mi mɛ́, mi sari ki jáari kùlogolo kálì siɛnnɛ mɛ́ bèle bɛ̀ Kirisi wiī nɛ́ lɔri ní siɛn sǐ gbɛ̀ ki cɛ́n bè kúɔ wèʔ.

Kolɔsiyé 1:23

Gìi gī baa gè, ye- yiʔɛ le tɛ́ngɛlɛ nī lè ni- tɛ́nidiʔɛ kɔ́n yeli nī, yafiɛn fǎga yeli funyɔ láʔa yè yeli sɔ̀ngirɔ taʔadiʔɛ nɛ̄ gèʔ. Yeli 'ki sɔ̀ngirɔ taʔadiʔɛ gáà taa gè bɛ̀ yeli 'Kataanna Siɛnrɛ lúʔu dè dàa ti 'jáari nɛ̀ tóri duniya wi mìɛni nī wè náʔa dàala nɛ̄ lè. Mi Pɔli wè, tire baara mi nɛ kúu.