Luku 2:1 - Sénoufo Nyarafolo

¹ Ki sí nyaa ki cɛnyɛ nī yè kùlofɔgbuɔwɔ Wogusi wi cé fànʔa siɛnrɛ táà juu nɛ́ jo pe- tɔ́rilɔ kpíʔile kùlo ni mìɛni nī lè.

Luku 2:1 Iomraidhean Croise

Matiye 22:17

Ma sí ki juu weli mɛ́ wêli, gíi muɔ nɛ sɔ̀ngí kaala náà nɛ̄ lè: ki 'yɛli lé weri lanbo sàrí wè Wurɔmiyé kùlofɔgbuɔwɔ Sezari mɛ́ wè, dí mɛni ?»

Matiye 24:14

Nɛ̀ pínɛ Kùlofɔligɔ ki Kataanna Siɛnrɛ dáà ti bé jáari bè tóri duniya tiɛrɛ ti mìɛni nī, ki- puu kacɛ́nnɛ kùlogolo ke mìɛni mɛ́ gèle; píra ŋáà nī wè, dí duniya kúɔ lɛ̀lɛ ni sí nɔ̀.»

Mariki 14:9

«M'bé ki juu yeli mɛ́ kányiʔɛ nɛ̄, a Kataanna Siɛnrɛ ti kâ sɛ́nì jáari tiʔɛ ó tiʔɛ nī duniya nī wè, cɛliwɛ ŋáà wi wori míɛni ti bé juu baa ki tiʔɛ nī gè, gàa wi 'kpíʔile gè; siɛnnɛ peri sɔ̀ngí de tari nɛ́ wi ní.»

Mariki 16:15

A wi 'fali nɛ̀ ní nɛ̀ pe yɛ: «Yeri waa duniya tiɛrɛ ti mìɛni nī, ye sari Kataanna Siɛnrɛ jáari dè siɛnnɛ pe mìɛni mɛ́.

Luku 2:3

Siɛnnɛ pe mìɛni 'puu nɛ yɛ̀gí nɛ waa pe kàaya mɛ́ yè nɛ pe míɛyɛ sɛbɛ yè.

Luku 2:5

A wi 'Maari kɔ́ri wè, ŋàa wi cé kɔ̀n kɔnimɔ nɛ̄ bè, a pe 'kɛ́ bàa pe míɛyɛ sɛbɛ yè. Maari wi 'puu nɛ́ laala ní.

Luku 3:1

Lɛ̀lɛ níì nī kùlofɔgbuɔwɔ Tibɛri wi cé yiʔɛlɛ kiɛ nɛ́ kogunɔ taa fànʔa nɛ̄ gè, Pɔnsi Pilati wi 'puu Zude tɛ́nimɛ fànʔafɔli wè, Erodi ní Galile tɛ́nimɛ kùlofɔli wè, Erodi wi siinyɛni ŋíì pe 'puu nɛ yeri Filipi wè, wire 'puu Iture tɛ́nimɛ nɛ́ Tirakoniti tɛ́nimɛ kùlofɔli wè, Lisaniyasi sí ní Abilɛni tɛ́nimɛ kùlofɔli wè.

Kakpiʔiligele 11:28

Wàa 'puu baa pe nī pe wi ye Agabusi, a wire kɛ́nì yɛ̀ nɛ̀ yéri nɛ́ juu Kulocɛliɛ Pìle ni fànʔa nɛ̄ gè, nɛ́ jo dí fungo bága pa tuu dàala wuulo pe mìɛni nɛ̄ bèle bè cùru pe nī kpuʔɔ. Ki kaala ni sí cé kɛ́nì kpíʔile Wurɔmi kùlofɔgbuɔwɔ Kulodi cɛnyɛ nī.

Kakpiʔiligele 25:11

A ki yē mi nyɛ́nì kaala kpíʔile niì sìɛn lèʔ, a ni 'yɛli nɛ́ kpúumɔ ní wè, mi sì cíiʔ pe- mi kpúu wèʔ. A ki sí nyaa dìi pe nyu nɛ tari mi nɛ̄ dè, ti wè kányiʔɛʔ wè, siɛn fǎga mi le pe kiyɛ nī yè nyùgofunʔ. Mi nɛ ki caa mi kàyuʔu ki- sa juu kùlofɔgbuɔwɔ Sezari tiʔɛ nī.»

Kakpiʔiligele 25:21

Pɔli wi sí cé cíi nɛ́ jo wire kàyuʔu ki 'yɛli bè sa juu kùlofɔgbuɔwɔ Sezari tiʔɛ nī. Kire nɛ̄ a mi sí tí a pe 'wi tɔ́n nɛ̀ yaʔa baa kasuu nī wè, sɛ́ni nɛ́ mi ga wi tórigo kùlofɔgbuɔwɔ Sezari tiʔɛ nī gè.»

Wurɔmiyé 1:8

M'bé kíni bè Kulocɛliɛ síɛri wè yeli ye mìɛni kɛnmɛ nɛ̄ bè Zezi Kirisi wire fànʔa nɛ̄ gè, nɛ̀ taʔa gíi nɛ̄, siɛnnɛ piyē nɛ yeli tɛ́ngɛlɛ ni wori nyu dè tiɛrɛ ti mìɛni nī duniya nī wè.

Filipiyé 4:22

Kulocɛliɛ wuulo pe mìɛni nɛ yeli síɛri, nɛ̀ fàri bìli bīɛlɛ náʔa kùlofɔgbuɔwɔ Sezari wi kpáa wuulo bèle, ye- pe síɛrilɛ suɔ lè.