Luku 19:9 - Sénoufo Nyarafolo

⁹ A Zezi wi 'wi yɛ: «Pàngɛ gè, suɔlɔ ni 'pɛn náʔa saʔa gáà mɛ́ gè, nɛ̀ taʔa gíi nɛ̄, Birayima tùlugo wuu wáà wī ŋàa wè nɛ̀ pínɛ.

Luku 19:9 Iomraidhean Croise

Luku 13:16

Cɛliwɛ ŋáà sí wè, Birayima siimɛ tùlugo wuu wáà wī, bɛ̀ wi tíi yē puɔjaanwa Setɛni kiyɛ nī yè nɛ̀ taa ki yiʔɛlɛ kiɛ nɛ́ kataanri wī ŋɔ̀ wè, yeli jo kiì yɛli wi- suɔ fùrɔgɔ gáà nī gè cɛndɛnigɛ cɛngɛ nī gè pàngɛ gè í ?»

Luku 13:30

Ye- nyaa, kàdotɔnminɔ pálì bága kò pélile, dí pélile pálì sí kò kàdotɔnminɔ.»

Luku 16:24

«A wi 'kòkuulo wáa nɛ́ jo: ‹Mi tuu Birayima yo, -nyinimɛ taa mi nɛ̄ ! Lazari tun wè wi- wi kabiɛlɛ nígi lè luʔɔ nī, wi- nyinɛ nyígi lè mi nɛ̄ yo ! ʔé, mi yē fùrɔwɔ náʔa kàsunnyige gáà nī gè !›

Luku 16:30

«A wi ní nɛ̀ jo: ‹ʔéʔe díɛʔ, aba Birayima, nɛ̀ sí ki taa a wàa 'jáa nɛ̀ yiri náʔa kúbilo sunʔɔmɔ nī bè nɛ̀ kɛ́ pe kúrugu bèle, pe bé pe funyɔ yiʔɛ yè.›

Luku 2:30

Nɛ̀ taʔa gíi nɛ̄, mi nyapigele ke nyɛ́nì suɔlɔ nyaa lè muɔ woli lè,

Luku 3:8

Ye- sí de yasɛnrɛ sɛngi dàa ti béri ki tìí yeli nyɛ́nì yiʔɛ yeli funyɔ nī yè. Yé fǎga sí séli de ki sɔ̀ngí yeli funyɔ nī yèʔ bé jo: ‹Weli tuuliʔɛ gīBirayima wèʔ›. A kire 'laa m'bé ki juu yeli mɛ́ ye- ki cɛ́n, Kulocɛliɛ wi fànʔa yē bè gbɛ̀ sìndɛniyɛ nyáà yiʔɛ yè yi- kò pìile bè kɛn Birayima mɛ́ wè.

Wurɔmiyé 4:16

Kire kɛnmɛ nɛ̄, a siɛn 'tɛ́ngɛ Kulocɛliɛ nɛ̄ wè wi bé nyafɛnigɛ ki sìɛrɛ taa dè, ti- puu Kulocɛliɛ kpuʔɔrɔ dè, dí nyafɛnigɛ ki- sí puu baa ki nyɔgɔlɔ nī gèle Birayima siimɛ tùlugo wuulo pe mìɛni mɛ́ bèle. Ki fǎga yéri yákuɔ bìli mɛ́ Fànʔa Siɛnrɛ ti 'kɛn dèʔ, ki 'nyaa bìli pe 'tɛ́ngɛ majo bɛ̀ Birayima cé tɛ́ngɛ wè, Birayima wè we mìɛni tuuliʔɛ gè, peli wuʔu gī nɛ̀ pínɛ.

Galasiyé 3:14

Zezi Kirisi wi sí nyɛ́nì kire dɛ́ngɛ suɔ wè nɛ̀ taa weli nyùgo nī, gìi ki bé tí wire fànʔa nɛ̄ gè kùlogolo kálì siɛnnɛ pe- gbɛ̀ diba taa Birayima nyúmɔ nī bè, dí weli míɛni sí kpuʔɔrɔ taa tɛ́ngɛlɛ nī lè, kpuʔɔrɔ díì nɛ̄ Kulocɛliɛ cé nyuɔ kún nɛ̀ kɛn gè; kire kpuʔɔrɔ tire dī Kulocɛliɛ Pìle lè.

Galasiyé 3:29

A ki sí yē yeli yē Kirisi wuulo bèle, yeli yē Birayima cesiʔi tùlugo wuulo nɛ̀ pínɛ, nɛ ní kɔrigɔ ki líifɔlilɔ nɛ̀ yɛli nɛ́ Kulocɛliɛ nyakungɛngɛ siɛnrɛ ní dè.

Galasiyé 3:7

Kire kɛnmɛ nɛ̄ ye sí ki cɛ́n, siɛnnɛ bílì bīɛlɛ nɛ́ tɛ́ngɛlɛ ní lè, peli bīɛlɛ Birayima pìile bèle.

Piɛri 1 2:10

Faʔa gè yeli sì cé puu wi siɛnfeligeʔ, nɛ̀ ki yaʔa píra ŋáà nī wè, yeli yē Kulocɛliɛ wi siɛnfelige. Faʔa gè Kulocɛliɛ wiì cé nyinimɛ taa yeli nɛ̄ʔ, píra ŋáà nī wè wi sí nyɛ́nì nyinimɛ taa yeli nɛ̄.