Luku 19:10 - Sénoufo Nyarafolo

¹⁰ Ki 'nyaa Siɛn Pùɔ wi 'pɛn bè pa siɛnpuunninɔ caa bèle bè pe suɔ wī.»

Luku 19:10 Iomraidhean Croise

Matiye 1:21

Wi bága pa nàgabile sii; ma wi míʔɛ le gè mari wi yeri Zezi, ki 'nyaa wire wi bága wi wuulo suɔ bèle pe kapiʔile nī gèle.»

Matiye 10:6

Yeri waa Isirayɛli kùlo sìnbaara tire kúrugu, dàa ti 'pùunni dè.

Matiye 15:24

A wi sí jo: «Kulocɛliɛ wiì mi tun yafiɛn mɛ́ʔ, ka laa Isirayɛli kùlo sìnbaara tire kúrugu bɛ̀ʔ, sìnbaara dáà ti 'pùunni dè.»

Matiye 18:10

«Yeri ciʔige díɛ ! Wàa fǎa ga bàli pe wàa cíɛwɛ nigbe cúɔnnɔʔ, bàli ní pe wè tɔ́ri bèleʔ. M'bé ki juu yeli mɛ́, nyìʔɛnɛ tundunminɔ bálì bīɛlɛ baa nyìʔɛnɛ nī lè pe wuulo bèle, piyē yérile súuri mi Tuu wi yiʔɛ mɛ́ gè, mi Tuu ŋáà wī baa nyìʔɛnɛ nī lè.

Matiye 18:11

[Nɛ̀ taʔa gíi nɛ̄, bìli pe 'pùunni bèle, Siɛn Pùɔ wi 'pɛn bè pa pe suɔ.]

Luku 15:32

Muɔ cɔni ŋáà wè, wi sí cé kùu, nɛ́ koli nɛ̀ nyɛ́, wi cé pùunni wī á we sí ní nɛ̀ wi nyaa. Kire nɛ̄ ki 'yɛli we- ki pùrɔ, weri fundaanra kpínʔini.› »

Luku 15:8

«A kire 'laa ye- ki sɔ̀ngi, ki- nyaa wali dirami pígele kiɛ yē cɛliwɛ wáà mɛ́, dí wali dirami kpèle nigbe sí pùunni. Cɛliwɛ wiǐ fètinnɛ cáanʔ lé, bé saʔa píɛ gè bè wali caa wè funnyige nɛ̄, fúɔ bè taa wi pa wali caa wè bè wi nyaa lé ?

Zezi Kirisi Kataanna Siɛnrɛ dè Zan juumɔ nɛ̄ bè 3:17

Kiì nyaa majo Kulocɛliɛ wi 'wi Jaa tórigo wè náʔa duniya nī wè wi pa kàyuʔu juu duniya siɛnnɛ nɛ̄ bèle wīʔ, Kulocɛliɛ wi 'wi tórigo gìi ki bé tí duniya siɛnnɛ pe- suɔ wire kɛnmɛ nɛ̄ bè.

Wurɔmiyé 5:6

Ki 'nyaa bà weli 'puu nɛ tíin ŋɔri fùn wè, a ki 'nyaa lɛ̀lɛ níì Kulocɛliɛ wi cé tìɛ lè, a Kirisi wi 'kùu bàli pe wè fìʔɛ́ Kulocɛliɛ nɛ̄ wèʔ peli kɛnmɛ nɛ̄.

Eburulo 7:25

Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.