Luku 18:1 - Sénoufo Nyarafolo

¹ A Zezi wi 'kàsiile láà wáa nɛ̀ wi pìtɛnmɛnɛ kɛn bèle bè ki tìɛ dí siɛn 'yɛli bèri náari súuri sìnvurɔ nī, pe fǎa ga jo peli 'fùrɔʔ.

Luku 18:1 Iomraidhean Croise

Ŋúnuyɔ 102:17

a Yewe kɛ́nì koli nɛ̀ Siyɔn kàʔa faan gè bè wi kpuɔmɔ tìɛ bè.

Ŋúnuyɔ 27:13

Mɛni mi cî ga puu a mi sì yé mi sɔ̀ngirɔ taʔa dè Yewe kacɛ̀ngɛ nɛ̄ gèʔ, duniya ŋáà nī siɛnnɛ pe yē sìi nɛ̄ wè ?

Ŋúnuyɔ 65:2

Kulocɛliɛ yo, muɔ ŋáà wī Siyɔn kàʔa nī gè, gáa weli bé ní de nyu  ? Muɔ ma yɛli nɛ́ weli gbùʔɔrilɔ ní lè; weli bè weli nyakungɛnyɛ fori yè muɔ mɛ́.

Ŋúnuyɔ 86:3

Mi Kàfɔli, ma kpuʔɔrɔ taʔa dè mi nɛ̄, nɛ́ ki cɛ́n mi nɛ yékpoli wáari lè muɔ kúrugu cɛngɛ ó cɛngɛ.

Luku 11:10

Ki 'nyaa siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

Luku 21:36

«Ye- puu nyɛminɛ lɛ̀gɛlɛ ke mìɛni nī, yeri náari gìi ki bé tí yeli gbɛ̀ fànʔa taa bè suɔ gàa ki mìɛni mɛ́ gè, gàa ki báan gè, bé sí gbɛ̀ jáa bè yéri Siɛn Pùɔ wi yiʔɛ mɛ́ gè.»

Wurɔmiyé 12:12

Yeri fundaanra kpínʔini yeli sɔ̀ngirɔ taʔadiʔɛ ki wori nɛ̄ dè. A wuʔɔgɔ 'nɔ̀ yeli nɛ̄ bèle, ye- ki kpàri ye cò. Ye- lèbaanna le náarigɛ nī gè.

Korɛntiyé 2 4:1

Kire kɛnmɛ nɛ̄, bɛ̀ Kulocɛliɛ wi 'nyinimɛ taa weli nɛ̄ nɛ́ ki baara kɛn dè weli mɛ́ dè, weli wè céri yɛri dè ti kúu weli nɛ̄ʔ.

Galasiyé 6:9

Ye- sí tí weri kacɛ̀ngɛ kpínʔini, we fǎga jo we 'fùrɔʔ. Nɛ̀ taʔa gíi nɛ̄, a ki lɛ̀lɛ ni kɛ́nì pɛ́nì nɔ̀ lè, we bé ki tɔ̀ni taa wè, a we 'laa wiyè fùrɔ nɛ̀ láʔa bèleʔ.

Efɛziyé 6:18

Yeri náariyɛ feliye yi mìɛni kpínʔini yeri Kulocɛliɛ fiɛn wè kele ke mìɛni nī, Kulocɛliɛ Pìle lire fànʔa nɛ̄ gè. Ye- puu nyɛminɛ yeri ciʔige cɛ̀ngɛ, yeri Kulocɛliɛ náari wè wi wuulo pe mìɛni mɛ́.

Filipiyé 4:6

Ye fǎga de káala yafiɛn nɛ̄ʔ; gìi ki 'pɔ́ri gè, a kaala ó kaala yē baa lè yeri yeli màakuu wori nyu dè yeri tórigi Kulocɛliɛ mɛ́ wè náarigɛ nī, yéri Kulocɛliɛ síɛri wè.

Kolɔsiyé 4:12

Epafirasi wè yeli wuu wè, wiī nɛ yeli síɛri, Zezi Kirisi wi baakuɔwɔ wáà wī. Wi 'lèbaanna le nɛ náari súuri yeli mɛ́, gìi ki bé tí ye- liɛ ye láʔa, yé sí nyuɔ ye láʔa Kulocɛliɛ nyɛ́ni kele ke mìɛni nī gèle.

Kolɔsiyé 4:2

Ye- puu yeri waa náarigɛ nɛ̄ gè, bɛ̀ yeli bé puu gbòboriyaʔala súuri bèri Kulocɛliɛ síɛri wè.

Tesalonikiyé 1 5:17

Yeri náari súuri.