Luku 17:3 - Sénoufo Nyarafolo

³ «Kire nɛ̄ yeri yìye ciʔige. «A muɔ siinyɛni wi 'kapiile kpíʔile muɔ nɛ̄ wè, ma juu nɛ́ wi ní ma wi sɔ̀mi. A wi 'wi yéri wi kapiile nɛ̄ lè, ma ki yaʔa wi nɛ̄.

Luku 17:3 Iomraidhean Croise

Ŋúnuyɔ 141:5

‑Ki yaʔa siɛnsinwɛ wi‑ mi kpúɔn, kire yē kacɛ̀nnɛ mi mɛ́; wi‑ mi sànʔa bɛ̀ ki bé puu majo wi 'sùnmɔ wo mi nyùgo nɛ̄ gè wī, bà mi sǐ cíi ki nɛ̄ʔ. Gìi sí gī baa gè, mi náarigɛ ki béri waa súuri siɛnpiile pe kapiigbiʔiligele kɔli mɛ́ gè.

Yirile 34:12

Yeli fǎga nyakungɛngɛ kpíʔile nɛ́ kùlo náà ni siɛnnɛ ní bèle baa yeli nɛ waaʔ, kire ga laa pe fǎga puu gárigɛ yeli sunʔɔmɔ nīʔ.

Leviiyé 19:17

«Fǎga muɔ siinyɛni yaʔa wi 'muɔ biɛn muɔ fungo nī gèʔ a wi 'kaala láà kpíʔile nàa niì nyuɔ lèʔ. Muɔ 'yɛli bè juu nɛ́ muɔ siɛnnyɛni ní wè, kire ga buu muɔ fǎga kolimɔ taa wire kɛnmɛ nɛ̄ kire kaala nɛ̄ lèʔ.

Matiye 18:21

A Piɛri sí fali nɛ̀ sìʔɛrɛ nɛ̀ kpɔni wi nɛ̄ nɛ́ wi yɛ: «Kàfɔli, a mi siɛnnyɛni wi 'fàan nɛ sìpiʔi caa m'mɛ́ wè, mi- ki yaʔa wi nɛ̄ bè taa tɔliyɔ jori ? Dùʔɔ tɔliyɔ kɔlisiin lé ?»

Luku 21:34

«Ye- yìye cò cɛ̀ngɛ, ye fǎga yeli funyɔ yaʔa yè yi- de nyaʔamiʔ, cègbuʔɔ yaliimɛ, nɛ́ sungbuɔdinre, nɛ́ duniya kasɔngilɔ ní gèle. A kire 'laa wè kàyuʔujuujɛngɛ ki bága pa yeli fuu,

Efɛziyé 5:15

Ye sí de ciʔige yeli tánʔagɛnmɛ nɛ̄ bè díɛʔ ! Ye fǎga puu bɛ̀ sìnjiligefunfɔlilɔ tíɛlɛʔ, ye- puu bɛ̀ siɛnsicilile tíɛlɛ.

Fànʔa Kajuʔulo 4:15

«Bɛ̀ sí ki yē gè, yeli sì yé Yewe wi yiʔɛ nyaaʔ cɛngɛ gáà wi 'juu nɛ́ yeli ní wè kàsun sunʔɔmɔ nī bèʔ, baa Worɛbi nyagurugo mɛ́ gèʔ. Kire nɛ̄ yeri yìye ciʔige díɛʔ,

Fànʔa Kajuʔulo 4:23

Kire nɛ̄ yeri yìye ciʔige díɛʔ, ye fǎga fìʔɛ nɛ́ nyakungɛngɛ ní gèʔ gàa Yewe yeli Kulocɛliɛ wi 'kún nɛ̀ kɛn yeli mɛ́ gèʔ: ye fǎga yafiɛn kpíʔile yasungoʔ, gàa ki 'yakaa líɛ gèʔ. A yeli 'kire kpíʔile gè, kire 'jo yeli nyɛ́nì Yewe yeli Kulocɛliɛ tunduro cíi dè wī.

Fànʔa Kajuʔulo 4:9

«Gìi gī baa gè, mìɛ cò cɛ̀ngɛ, mari mìɛ ciʔige muɔ tíimɛ wè, cɛngɛ ó cɛngɛ muɔ sìi nī wè, kire ga buu muɔ fǎga fìʔɛ nɛ́ kele ní gèleʔ gàli muɔ nyapigele ke 'nyaa gèle. Kiyè yɛli bè yiri muɔ nīʔ ! Ma muɔ pìile tɛnmɛ bèle nɛ́ muɔ kàduʔumɛ pìile ní bèle.

Eburulo 12:15

Yeri yìye ciʔige díɛʔ kire ga buu wàa fǎga kàduʔu wáa Kulocɛliɛ kpuʔɔrɔ mɛ́ dèʔ, wàa fǎga kò tiige nìge tíɛlɛ gàa gī sìsorigo gèʔ, gàa ki liʔi nɛ cúʔɔmɔ kpínʔini, nɛ́ sí ní suɔnrɔ ní dè dàa ti siɛnniʔɛnɛ funyɔ córi yè.

Zaki 5:19

Nɛ siinyɛninɛ, a ki 'nyaa yeli nī bèle wàa 'pùunni nɛ̀ líili kányiʔɛ koligo nɛ̄ gè, á siɛn wáà taa nɛ̀ wi yeri nɛ̀ pɛn wè,

Zan 2 1:8

Yeri yìye ciʔige díɛʔ yeli tíimɛ bèle, kire ga buu yeli fǎga sa fɔ̀n weli baara ti yasɛnrɛ nī dèʔ. Nɛ́ ki cɛ́n weli nɛ ki caa yeli sa tɔ̀ni foriwo taa.