Luku 17:2 - Sénoufo Nyarafolo

² A pe cɛ́nì tírɛ sìndɛnigbuʔɔ puɔ ki siɛn mɛ́ wè yétiige nī gè nɛ́ wi líɛ nɛ̀ sɛ́nì wáa kuʔɔjii nī wè, kire bé cɛ bèli bè pɔ́ri ki siɛn mɛ́ wè, a ki 'nyaa siɛn wi 'kpíʔile tuudiɛlɛ yìrile bálì pe wàa mɛ́ wè.

Luku 17:2 Iomraidhean Croise

Matiye 17:27

Nɛ̀ ki yaʔa weli wè caa bè kpíʔile pe mɛ́ kúrugodiɛlɛʔ. Kire nɛ̄, te waa baa luʔɔ mɛ́ gè, ma sa muɔ fúɔŋaʔa cáan gè. A fúɔ ŋíì sɛ́nì ki líɛ péliwe wè, ma wi píle ma yige. Ma wi nyuɔ múgu gè muɔ bé walikpege nyaa ki nī; ma wi líɛ ma sa kɛn Kulocɛliɛ Gbùʔɔrɔsaʔa walisuɔlɔ mɛ́ bèle weli wuu, muɔ nɛ́ mi.»

Matiye 18:10

«Yeri ciʔige díɛ ! Wàa fǎa ga bàli pe wàa cíɛwɛ nigbe cúɔnnɔʔ, bàli ní pe wè tɔ́ri bèleʔ. M'bé ki juu yeli mɛ́, nyìʔɛnɛ tundunminɔ bálì bīɛlɛ baa nyìʔɛnɛ nī lè pe wuulo bèle, piyē yérile súuri mi Tuu wi yiʔɛ mɛ́ gè, mi Tuu ŋáà wī baa nyìʔɛnɛ nī lè.

Matiye 18:14

Bɛ̀ sí ki yē, yeli Tuu ŋáà wī baa nyìʔɛnɛ nī lè, wi nyɛ́ni kaala bɛ̀ʔ, ki 'nyaa bàli pe wàa cíɛwɛ pùunni wèʔ.»

Matiye 26:24

Siɛn Pùɔ wi bé kùu, nɛ̀ yɛli nɛ́ gìi Kulocɛliɛ siɛnsɛbɛrɛ ti 'juu wi wori nɛ̄ dè. Yawuʔɔ bé sí siɛn taa wè, ŋàa wi je Siɛn Pùɔ le wè wi leguulo kiyɛ nī yè ! Ki cî pɔ́ri siɛn mɛ́ wè pe fǎga cé cɛ wi siiʔ.»

Mariki 9:42

«A siɛn ŋíì yē kúrugodiʔɛ pìile bálì pe wàa cíɛwɛ mɛ́ wè, bàli pe 'tɛ́ngɛ mi nɛ̄ bèle, kire siɛn wè a pe cɛ́nì tírɛ sìndɛnigbuʔɔ puɔ wi mɛ́ yétiige nī gè nɛ́ sɛ́nì wi wáa kuʔɔjii sícuumɔ tiʔɛ nī gè, kire cî pɔ́ri wi mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 21:15

Bà pe kɛ́nì lìi nɛ̀ kúɔ wè, a Zezi wi 'Siimɔ Piɛri yɛ wè: «Siimɔ, Zan jaa, mi 'muɔ dɛ́ni lé nɛ̀ tóri bàli nɛ̄ bèle ?» A wi 'jo: «ʔaan, Kàfɔli, muɔ 'ki cɛ́n muɔ nyɛ́nì mi dɛ́ni.» A Zezi wi 'wi yɛ: «Te mi sìnbaara nári dè.»

Korɛntiyé 1 9:15

Nɛ̀ sí ki taa mi wè, mi sì kire káà fáala tɔ́riʔ. Mi sí wè nɛ siɛnrɛ dáà sɛbɛ dèʔ bè jo ye- ki kpíʔile mi mɛ́ wīʔ. Sɛ́ni wàa kire nàgbuʔɔrɔ tiɛlɛ náà suɔ lè mi mɛ́ wè, mi cɛ kùu, kire kaala 'pɔ́ri mi mɛ́.

Korɛntiyé 1 9:22

Bìli bīɛlɛ ŋɔri fùn bèle, a mi 'mìɛ kpíʔile ŋɔrifunfɔli pe mɛ́, gìi ki bé tí mi- ŋɔrifunfɔlilɔ yeri bèle bè pɛn Kirisi mɛ́. Mi 'mìɛ yaʔa nɛ̀ kò feliye yi mìɛni siɛnnɛ pe mìɛni mɛ́ bèle, gìi ki bé tí mi- pàli suɔ kɛnmɛ pi mìɛni feliye nɛ̄.