Luku 17:1 - Sénoufo Nyarafolo

¹ A Zezi wi 'wi pìtɛnmɛnɛ yɛ bèle: «Kúrugodiʔɛlɛ kiyě gbɛ̀ laaʔ, kire 'kàri fànʔa wī. A siɛn ŋíì sí kpíʔile kaala á kúrugodiɛlɛ taa wè, kire siɛn wè yawuʔɔ yē wi nɛ̄.

Luku 17:1 Iomraidhean Croise

Matiye 16:23

A Zezi wi 'yiʔɛ nɛ̀ wi yɛ: «Sìʔɛrɛ mi táanni Setɛni muɔ ! Muɔ yē mi mɛ́ kacɔrilɔ, muɔ wè Kulocɛliɛ wori sɔ̀ngíʔ, siɛnnɛ sɔ̀ngirɔ dī muɔ nī.»

Matiye 18:7

ʔé ! Yawuʔɔ yē duniya wuulo nɛ̄ bèle, kúrugodiʔɛlɛ kɛnmɛ nɛ̄ bè ! Nɛ̀ taʔa gíi nɛ̄, kiǐ gbɛ̀ kpíʔileʔ kúrugodiʔɛlɛ fǎga puu baa wèʔ. A siɛn ŋíì sí kpíʔile kaala á kúrugodiɛlɛ taa wè, kire siɛn wè yawuʔɔ yē wi nɛ̄.

Luku 16:31

«A Birayima wi 'wi yɛ: ‹A piyè lúʔu Misa mɛ́ wèʔ wire nɛ́ Kulocɛliɛ siɛnjuulo ní bèle wè, a ki nɛ́ cɛ́nì nyaa siɛn wáà 'nyɛ́ nɛ̀ yiri náʔa kúbilo nī bèle nɛ̀ sɛ́nì juu nɛ́ pe ní bèle, kiì je pe líɛ yafiɛn mɛ́ʔ.› »

Wurɔmiyé 14:13

Ye sí tí we- láʔa wìye kàyuʔujuuro nɛ̄ dè. Gìi ki 'pɔ́ri gè, yeri sɔ̀ngi mɛni yeli bé yìye cò, yeli fǎga yeli siinyɛni wáà kɛn wi- kúrugo tuu wèʔ.

Wurɔmiyé 16:17

Mi siinyɛninɛ, mi nɛ yeli fiɛn wī, bìli pe nyɛ́ni kàsii nyɔ́gi siɛnnɛ sunʔɔmɔ nī bè nɛ pe láʔala pìye nɛ̄ bèle, níɛ pe fáanni nɛ láʔala tɛnmɛnɛ náà nɛ̄ yeli 'cɛ́n lè, yeri yìye ciʔige ki siɛnnɛ nɛ̄ bèle. Ye- cɛ ye yìye yige pe nī.

Korɛntiyé 1 10:32

Ye fǎga kpíʔile kaala bé siɛn wáà fáala kɛn wi- tuuʔ, Zuufulo yo, á kire 'laa Girɛki wuulo yo, bé nɛ́ cɛ gá jo Kulocɛliɛ gboli wuulo bèleʔ.

Korɛntiyé 1 11:19

Ki cɛ́nì yɛli wī wàlimɛ- puu baa yeli sunʔɔmɔ nī bè; a kire 'kpíʔile gè, bìli bīɛlɛ yeli nī kányiʔɛ wuulo bèle, bɛ̀ pe bé cɛ́n.

Korɛntiyé 1 8:13

Kire nɛ̄, a yaliire díì bé gbɛ̀ kpíʔile kaala bé mi siinyɛni wáà kɛn wi- kúrugo bè tuu wè, mi sì ní ga tíi bé kaara káaʔ, kire ga buu mi fǎga mi siinyɛni kɛn wè wi- kúrugo bè tuuʔ.

Timote 1 4:1

Kulocɛliɛ Pìle ni 'ki fílige nɛ̀ juu nɛ́ jo làzɛnnɛ nī lè, siɛnnɛ pálì bé tɛ́ngɛlɛ yaʔa lè bé taʔa jànvaa pígele ke siɛnrɛ nɛ̄ dè, nɛ́ tɛnmɛnɛ náà ni 'kɔ́n gbòdolilo mɛ́ bèle.

Tìɛlɛ 2:14

«Tiʔɛlɛ kálì sí yē náʔa, fúɔ mi 'yɛli bè ke juu muɔ nɛ̄: ki 'nyaa baa muɔ tiʔɛ nī gè, pàli yē baa, pe 'Balaami tɛnmɛnɛ cò lè nɛ tári ni nɛ̄, bà wi cé juu nɛ̀ le Balaki nī wè nɛ́ wi yɛ wi- pɛnnɛ cáan Isirayɛli pìile yiʔɛ mɛ́ gè, nɛ́ pe kɛn a pe 'yasunro kaara káa dè nɛ́ kanuʔɔrɔ kele kpíʔile gèle.

Tìɛlɛ 2:20

« ‹Kaala láà sí yē náʔa, m'bé ni juu muɔ nɛ̄: Ki 'nyaa cɛliwɛ ŋáà pe ye Zezabɛli wè, wi 'jo wire yē Kulocɛliɛ siɛnjuuwo wè, muɔ 'wi yaʔa wìimɛ wi- mi baakuɔlɔ tɛnmɛ bèle nɛ pe fáanni nɛ pùunní pe kanuʔɔrɔ kele kúu níɛ yasunro kaara káa dè.