Luku 16:9 - Sénoufo Nyarafolo

⁹ «Kire nɛ̄ m'bé ki juu yeli mɛ́, yeri nàgorifɔlilɔ caa yìye nɛ̄ nɛ́ duniya lɔri ní dè, dùʔɔ a ti kɛ́nì kúɔ cɛngɛ gíì gè, Kulocɛliɛ wi sa yeli kpàli bànguɔ kòridiɛyɛ nī yè.

Luku 16:9 Iomraidhean Croise

Ŋúnuyɔ 73:26

Mi céri ti ŋɔri ti 'kúɔ, nɛ́ mi nàzɔn ní wè, nɛ̀ ki yaʔa Kulocɛliɛ wè, mi kàdɛnigbaala lè, wiī nɛ ŋɔri kanʔa mi fungo mɛ́ gè. Wire wī mi kɔrigɔ gè súuri.

Matiye 19:21

A Zezi wi 'wi yɛ: «A muɔ nɛ caa bè puu cɛ̀nwɛ bè paʔa wè, te waa ma sa muɔ kɔliyɛrɛ pári dè, ma wali kɛn wè fɔ̀ngɔfɔlilɔ mɛ́, bɛ̀ muɔ bé lɔri taa nyìʔɛnɛ nī lè. Píra ŋáà nī wè má pa taʔa mi nɛ̄.»

Matiye 6:19

«Ye fǎri lɔri fàá de tɛ́ngi bile yìye wori duniya nī wèʔ; dɔnwɔ nɛ́ kpɛ̀nimɛ yē bile ti nìɛ yɛrɛ córi, kàyuulo yē bile nɛ̀ pínɛ, pe nìɛ saaya kabari yè nɛ jiin nɛ yɛrɛ yúu dè.

Matiye 6:24

«Siɛn sǐ gbɛ̀ri baara kàfɔlilɔ siin mɛ́ʔ, fúɔ macɛn wàa nigbe bé wi biɛn, dí wàa sí wi dɛ́ni; á kire bɛ̀ʔ wi bé wàa nigbe cò kpuʔɔ, dí ŋìi wi sí wi biɛn. Yeli sǐ gbɛ̀ puu Kulocɛliɛ sùkuloloʔ, bé ní puu lɔri sùkuloloʔ.»

Luku 11:41

Gìi ki 'pɔ́ri gè, gàa gī baa yeli yalegele nī gèle, ye- ki kɛn fuunmɔfɔlilɔ mɛ́. Kire gī cìilimɛ bè.

Luku 12:33

Ye- yeli kɔliyɛrɛ pári dè ye- kpuʔɔrɔ kpíʔile nɛ́ ti ní. Yé sí pàtiɛlɛ kpíʔile, bàli piyè ga cúʔɔ bè nyaa bèleʔ. Ye- lɔri caa ye tɛ́ngɛ nyìʔɛnɛ nī lè, dàa tiǐ ga kúɔ bè nyaa dèʔ. Kire tiʔɛ nī gè, kàyuuwo sǐ gbɛ̀ nɔ̀ baaʔ, dɔnwɔ míɛni sǐ gbɛ̀ yɛgɛ cúʔɔ baaʔ.

Luku 14:14

bà muɔ bé diba taa. Nɛ̀ taʔa gíi nɛ̄, bàli piyě gbɛ̀ ki felige kpíʔile gè muɔ mɛ́ʔ, nɛ̀ sí ki taa muɔ bága ki tɔ̀ni taa wè siɛnsinminɛ nyɛ́yirile cɛngɛ gè.»

Luku 16:11

«A yeli sí wè tɛ́ngɛmɛ siɛnnɛ duniya lɔri ti koligo nī gèʔ, ŋáasiɛn wi bága yeli tɛ́ngɛ kányiʔɛ lɔri ti nyùgo nɛ̄ gè ?

Luku 16:13

«Baakuɔwɔ sǐ gbɛ̀ri baara kàfɔlilɔ siin mɛ́ʔ, fúɔ macɛn wàa nigbe bé wi biɛn, dí wàa sí wi dɛ́ni. Á kire bɛ̀ʔ wi bé wàa nigbe cò kpuʔɔ, dí ŋìi wi sí wi biɛn. Wi bé fàan wàa nɛ̄ bé sí de ŋìi cúɔnnɔ wè. Yeli sǐ gbɛ̀ puu Kulocɛliɛ sùkulolo, bé ní puu lɔri sùkuloloʔ.»

Luku 16:4

Cúɔʔ, mi 'ki cɛ́n gàa m'bé kpíʔile gè a wi kɛ́nì mi wáa wi wali wi cuɔnrigɔ baara nī dè, dí pàli sí mi kɔ́ri bè kɛ́ pe kpáaya mɛ́ yè.›

Kakpiʔiligele 10:31

A wi 'jo: ‹Kɔrinɛyi, muɔ náarigɛ ki nyɛ́nì cò, nɛ̀ pínɛ Kulocɛliɛ wi 'sɔ̀ngi nɛ̀ taa nɛ́ muɔ kpuʔɔrɔ ní dè, dàa muɔ nɛ kanʔa fuunmɔfɔlilɔ mɛ́ bèle.

Kakpiʔiligele 10:4

A Kɔrinɛyi wi 'yiʔɛ le gè wi nī nɛ̀ wi wéli, fíɛrɛ ní dè wi nī, nɛ́ wi yɛ: «Ma 'jo gáa, mi kàfɔli ?» A nyìʔɛnɛ tundunwɔ wi 'wi yɛ: «Kulocɛliɛ wi 'sɔ̀ngi nɛ̀ taa nɛ́ muɔ náariyɛ ní yè, nɛ́ muɔ kpuʔɔrɔ ní dè dàa muɔ sî nɛ kanʔa fuunmɔfɔlilɔ mɛ́ bèle.

Korɛntiyé 2 4:17

Nɛ́ ki cɛ́n wuʔɔgɔ gáà gī weli nɛ̄ ŋɔ̀ wè, a we je ki tɔ́nminɔ gè, ki 'cɛ́ri nɛ̀ fáala kpuɔmɔ báà nī weli bága pa puu bè, bànguɔ kpuɔmɔ bè, kpuɔmɔ báà wuʔɔgɔ kiī nɛ kpínʔini nɛ yɛri weli mɛ́ bèle.

Zudi 1:21

Ye- kò Kulocɛliɛ dɛ́nigɛ nī gè, bà yeli nɛ ki siri weli Kàfɔli Zezi Kirisi wi- bànguɔ sìi kɛn wè yeli mɛ́ wi nyinimɛ kɛnmɛ nɛ̄ bè.