Luku 16:8 - Sénoufo Nyarafolo

⁸ «A walicowo sícirawɛ ŋáà wi kàfɔli wi 'wi síɛri, bɛ̀ wi cé sìnjilige kakpiʔilile kpíʔile lè. Ki 'nyaa pàngɛ siɛnnɛ pe 'cìlige nɛ̀ tóri pe kakpiʔiligele nī gèle nɛ́ pe siɛnnyɛninɛ ní bèle nɛ̀ tóri kpìɛnmɛ pìile nɛ̄ bèle.

Luku 16:8 Iomraidhean Croise

Sélimɛ 3:1

Nyàʔayɛrɛ dáà ti mìɛni Yewe Kulocɛliɛ wi cé faan dè, wɔ̀bugɔ kire ki yé cìlige nɛ̀ tóri ti mìɛni nɛ̄. Cɛngɛ káà, a ki pɛ́nì cɛliwɛ yúgo wè nɛ́ jo: «Kányiʔɛ gī lé, Kulocɛliɛ wi 'jo yeli fǎa ga kákpuɔ yasɛngɛ káà káa lé ?»

Ŋúnuyɔ 17:14

siɛnnɛ bálì mɛ́ bèle nɛ́ muɔ kɔli ní gè, Yewe, duniya ŋáà wi siɛnnɛ mɛ́ bèle, bàli pe 'pe liɛlɛ taa lè nɛ̀ kúɔ bèle. Ma pe liyɛ nyì yè nɛ́ gàa ní muɔ 'tɛ́ngɛ pe mɛ́ gè. Pe‑ sí sɛnrɛ yaʔa dè pe pìile mɛ́ bèle a pe kɛ́nì tín bèle; peli míɛni bé sɛnrɛ yaʔa dè pe siimɛ mɛ́ bè.

Yirile 1:10

We 'yɛli bè sícilige caa bè pe yérige, kàa fǎga ní de fàri pe nɛ̄ʔ. Á kire bɛ̀ʔ, a kapiɛnnɛ kɛ́nì yɛ̀ kùlo nī lè, pe bé fàri weli leguulo nɛ̄ bèle bè tún nɛ́ weli ní, bé yiri kùlo nī lè.»

Matiye 12:32

Nɛ̀ pínɛ a siɛn 'siɛnrɛ juu nɛ̀ wáa Siɛn Pùɔ kɔli mɛ́ gè, kire ki mìɛni bága yaʔa siɛn nɛ̄ wè. A siɛn ŋíì sí siɛnrɛ juu nɛ̀ wáa Kulocɛliɛ Pìle kɔli mɛ́ gè, kire sì je yaʔa siɛn nɛ̄ wè yirile náà nī lèʔ, ki míɛni sì je ga yaʔa wi nɛ̄ yirile láà fáala nīʔ.»

Matiye 17:26

A Piɛri wi 'jo: «Nabɔnminɔ mɛ́ pe sî nɛ wi suu.» A Zezi wi 'jo: «A ki sí yē bɛ̀ gè, kùlo pìile peli sí yē ŋɔ́daala lanbo sàrigɛ nɛ̄ gè wī kìɛ.

Luku 16:10

A siɛn ŋíì yē tɛ́ngɛmɛ siɛn kayirigele nī gèle, bɛ̀ wi bé puu tɛ́ngɛmɛ siɛn bè pínɛ kakpoligolo nī gèle. A ŋìi sí yē sícirawɛ kayirigele nī gèle, bɛ̀ míɛni wi bé puu sícirawɛ kakpoligolo nī gèle.

Luku 16:4

Cúɔʔ, mi 'ki cɛ́n gàa m'bé kpíʔile gè a wi kɛ́nì mi wáa wi wali wi cuɔnrigɔ baara nī dè, dí pàli sí mi kɔ́ri bè kɛ́ pe kpáaya mɛ́ yè.›

Luku 16:7

«A wi ní nɛ̀ yiʔɛ ŋìi mɛ́ wè, nɛ̀ wi yɛ: ‹A muɔ wè, jori wī muɔ fuʔɔ gè ?› «A wi 'jo: ‹Bíle gbànvaanyiɛyɛ dabataan.› «A wi 'wi yɛ: ‹Suɔ, muɔ sɛbɛ n'ŋɛ, -ki sɛbɛ gbànvaanyiɛyɛ togosicɛri.›

Luku 18:6

A Kàfɔli Zezi wi sí siɛnrɛ dáà juu dè nɛ̀ taʔa baa nɛ́ jo: «Yeli 'kàyuʔujuuwo siɛnkoliwo ŋáà wi siɛnrɛ lúʔu dè í ?

Luku 20:34

A Zezi wi 'pe yɛ: «Pàngɛ lɛ̀lɛ wuulo bèle nàguɔlɔ bèle nɛ́ cɛlilɛ ní bèle, piyē nɛ cepɔrigɔ kpínʔini.

Luku 20:35

Nɛ̀ sí ki taa yirile náà ni báan lè, bìli bīɛlɛ pe 'nyuɔ nɛ̀ yɛli bága sa puu baa bèle, a pe kɛ́nì koli nɛ̀ nyɛ́ nɛ̀ yiri bèle, piyè cɛlilɛ líɛʔ, cɛlilɛ míɛni sǐ tɛ́ni nàgaʔa nɛ̄ʔ.

Zezi Kirisi Kataanna Siɛnrɛ dè Zan juumɔ nɛ̄ bè 12:36

Bà kpìɛnmɛ piī bile nɛ́ yeli ní bèle, ye- tɛ́ngɛ kpìɛnmɛ nɛ̄ bè, gìi ki bé tí ye- kò kpìɛnmɛ wuulo bèle.» Bà Zezi wi 'tire juu nɛ̀ kúɔ dè, a wi 'láʔa nɛ̀ kɛ́, nɛ̀ làri pe nɛ̄.

Korɛntiyé 1 3:18

Siɛn fǎri wìi fáanniʔ. A ŋìi nɛ wìi sɔ̀ngí wire yē síciliwe yeli nī bèle nɛ̀ yɛli nɛ́ duniya ŋáà wi kɛnmɛ ní bè, siɛn wi- wìi kpíʔile leyiʔɛgɛ. Kire ki bé tí wi bé nɛ́ péli kò síciliwe.

Efɛziyé 5:8

Kiī cɛ́ngɛ, lɛ̀lɛ láà 'puu baa, yeli 'puu yebilige nī; nɛ̀ sí ki taa píra ŋáà nī wè, yeli yē kpìɛnmɛ nī bɛ̀ yeli yē fàrilɛ nɛ́ Kàfɔli ní wè. Yeri tári bɛ̀ kpìɛnmɛ pìile tíɛlɛ.

Filipiyé 3:19

Ki kúɔmɔ pi sí nɛ waa nɛ́ pe ní cúʔɔdiʔɛ nī wī, nɛ̀ taʔa gíi nɛ̄, pe liyɛ yire yī pe kulocɛliɛ wè, nɛ̀ pínɛ kele gílì nī piyē nɛ pe kpuɔmɔ caa bè, kiyē fìɛrɛ wuʔulo; duniya yɛrɛ sɔ̀ngirɔ dī pe nī.

Tesalonikiyé 1 5:5

Ki 'nyaa yeli ye mìɛni bèle, yeli yē cɛngɛ wuulo nɛ́ ní kpìɛnmɛ pìile. Weli wè yebilige nīʔ, bèri tári yebilige nīʔ.

Piɛri 1 2:9

Nɛ̀ ki yaʔa yeli bèle, yeli yē siɛnfelige gáà Kulocɛliɛ wi 'nyíɛnɛ nɛ̀ kɔ̀n gè, nɛ́ ní Kùlofɔli wi kacuɔnrilɔ bèle, nɛ́ ní kùlo láà wuulo wàlidɛngɛlɛ wi mɛ́, nɛ́ ní Kulocɛliɛ wi wuulo. Wi 'yeli yeri nɛ̀ yige yebilige nī gè ye- puu kpìɛnmɛ nī bè bàa pi 'nyuɔ nɛ̀ tóri bè, kire ga buu yeli de wi kakpoliyo nyu yè.

Zan 1 3:10

Ki n'gɛ gàa ki 'Kulocɛliɛ pìile wàli bèle nɛ́ gbòdolilo kàfɔli wuulo ní bèle: ŋàa wi wè nɛ kasingele kpínʔini gèleʔ, kire ga laa, a wi siinyɛni sì wi dɛ́ni wèʔ, kire siɛn wè, wi wè Kulocɛliɛ pùɔʔ.