Luku 16:7 - Sénoufo Nyarafolo

⁷ «A wi ní nɛ̀ yiʔɛ ŋìi mɛ́ wè, nɛ̀ wi yɛ: ‹A muɔ wè, jori wī muɔ fuʔɔ gè ?› «A wi 'jo: ‹Bíle gbànvaanyiɛyɛ dabataan.› «A wi 'wi yɛ: ‹Suɔ, muɔ sɛbɛ n'ŋɛ, -ki sɛbɛ gbànvaanyiɛyɛ togosicɛri.›

Luku 16:7 Iomraidhean Croise

Matiye 18:28

«Bà sí baakuɔwɔ ŋáà wi 'láʔa nɛ̀ kɛ́ wè, nɛ̀ sɛ́nì kpàli nɛ́ wi baakuɔnyɛni wáà ní, wi fuʔɔ 'puu wi nɛ̄, siramuʔɔyɔ kogunɔ (100 000). A wi 'fali nɛ̀ wi wáa nɛ̀ mígi sɛni yékpoli nī lè, nɛ́ jo: ‹Te mi fuʔɔ tɔ́ngi gè pírapira !›

Luku 16:6

«A wi 'jo: ‹Wolivi sùnmɔ kùngbonyiɛyɛ dabataan.› «A wi 'wi yɛ: ‹Suɔ, muɔ sɛbɛ n'ŋɛ, -ki sɛbɛ baa fáarifaari kùngbonyiɛyɛ togosiin nɛ́ kpɔrigɔ.›

Luku 16:8

«A walicowo sícirawɛ ŋáà wi kàfɔli wi 'wi síɛri, bɛ̀ wi cé sìnjilige kakpiʔilile kpíʔile lè. Ki 'nyaa pàngɛ siɛnnɛ pe 'cìlige nɛ̀ tóri pe kakpiʔiligele nī gèle nɛ́ pe siɛnnyɛninɛ ní bèle nɛ̀ tóri kpìɛnmɛ pìile nɛ̄ bèle.

Luku 2:37

Wi pɔli wi cé kùu nɛ́ wi yaʔa a wi 'kò lakicuɔ nɛ̀ taa a wi yɛziʔile ke pɛ́nì nyì yiʔɛlɛ togosicɛri nɛ́ sicɛri. Wiì puu nɛ laʔa baa Kulocɛliɛ Gbùʔɔrɔsaʔa mɛ́ gèʔ, nɛ Kulocɛliɛ baara kúu dè pìlige nɛ́ cɛnvugo, nɛ sún nii níɛ náari.

Luku 20:12

A siʔifɔli wi ní nɛ̀ taanriwuu tórigo wè, a pe ní nɛ̀ sɛ́nì wire kpúɔn nɛ̀ wi luɔ nɛ́ wi cìra.

Luku 20:9

A Zezi wi 'fali nɛ̀ siɛnrɛ táà juu siɛnnɛ mɛ́ bèle kàsiile nī, nɛ́ pe yɛ: «Nàguɔ wáà cé ɛrɛzɛn siʔi fáli. Bà wi 'ki fáli gè, a wi 'ki yaʔa ɛrɛzɛnfalilɛ pálì mɛ́, nɛ́ yiri nɛ̀ kɛ́ tánʔana nɛ̄ bàa lɛ̀lɛ láà kúɔ baa.