Luku 16:2 - Sénoufo Nyarafolo

² A lɔrifɔli wi sí wi yeri nɛ̀ pɛ́nì wi yúgo: ‹Siɛnrɛ díì pe nyu muɔ wori nɛ̄ dè, kiī mɛni wī ? Ma sí kàa juu mi mɛ́ wêli mi wali wi cògɛnmɛ nī bè. Miì cɛ́n ga muɔ bé ní gbɛ̀ri mi wali kele cuɔnri gèleʔ.›

Luku 16:2 Iomraidhean Croise

Matiye 12:36

M'bé sí ki juu yeli mɛ́, siɛncuʔɔrɔ díì ti mìɛni siɛnnɛ pe nyu dè, Kulocɛliɛ bága pe yúgo nɛ́ ti kɔri ní wè kàyuʔujuujɛngɛ gè.

Matiye 20:8

«Cɛnguʔɔ gè, a siʔifɔli wi 'ki juu wi kacuɔnriwɔ mɛ́ wè nɛ́ wi yɛ: ‹-Baakuɔlɔ yeri bèle ma pe sàri kɛn wè pe mɛ́, ma ki séli bìli nɛ̄ pe 'kɛ́ kàduʔumɛ gè mari waa pélile mɛ́ bèle.›

Luku 12:20

A Kulocɛliɛ wi sí wi yɛ: ‹Ledogo wéli díɛ, pàngɛ pìlige gáà nī gè, m'bé muɔ pìle yige lè muɔ nī. Dàa sí muɔ 'gbòbori nɛ̀ tɛ́ngɛ píi dàa dè, ŋáa mɛ́ ti bé kò ?› »

Luku 12:42

A Kàfɔli wi 'wi yɛ: «Saʔa baakuɔwɔ ŋíi cɛ siɛn bé taa wi- puu tɛ́ngɛmɛ siɛn wè, bé sí puu síciliwe, dí wi kàfɔli wi- sí wi tɛ́ngɛ wi- puu wi baakuɔlɔ pe yiɛginiwɛ wè, bèri pe yaliire kanʔa dè pe mɛ́ ti kɛn lɛ̀lɛ nī lè ?

Luku 16:1

Zezi wi cé ki juu wi pìtɛnmɛnɛ mɛ́ bèle nɛ́ pe yɛ: «Nàguɔ wáà 'puu baa, lɔrifɔli wi 'puu, á walicowo ní wi mɛ́ nɛ wi lɔri kele gbòbori gèle. A pe kɛ́nì wi yɛ dí wi walicowo ŋáà wiī nɛ wi lɔri líi dè nɛ córi.

Luku 16:3

«A walicowo wi 'sɔ̀ngi baa wi fungo nī gè nɛ́ jo: ‹Mɛni cɛ m'bé ki puu píra ŋáà nī wè ? Mi kàfɔli wi 'jo wi bé mi yige wi wali wi cuɔnrigɔ kele nī gèle. Ŋɔri sí wè mi nīʔ bè gbɛ̀ri kàtiɛrɛ túruʔ. Bè sí ní sari siɛnnɛ náari wè, ki béri fìɛrɛ tɔ́ngi mi nɛ̄.

Wurɔmiyé 14:12

Kire sí gī, we mìɛni nigbe nigbe bèle, we bága sa we wori juu dè Kulocɛliɛ wi yiʔɛ mɛ́ gè.

Korɛntiyé 1 1:11

Nɛ siinyɛninɛ, dìi mi 'lúʔu Kulowe saʔa wuulo mɛ́ bèle yeli kɔli mɛ́ gè, pe 'jo kàsii yē baa yeli sunʔɔmɔ nī bè.

Korɛntiyé 1 4:2

Gìi sí pe caa gè, siɛn ŋáà mɛ́ pe 'kele kɛn gèle, siɛn wi- puu tɛ́ngɛmɛ siɛn.

Korɛntiyé 1 4:5

Kire nɛ̄, ye fǎri yakaa nyu de celile siɛn wori nɛ̄ʔ, lɛ̀lɛ ni de tíin niì fìɛ nɔ̀ wèʔ. Ye- ki yaʔa fúɔ Kàfɔli wi ga pɛn. Kele gálì gīɛlɛ baa puɔdɔngɔlɔ gèle, wire wi bé pa ke yige kpìɛnmɛ nɛ̄, bé sí siɛnnɛ pe funyɔ kasɔngigɔlɔ yige gèle kpànʔanɛ wálilɛ gàli gīɛlɛ baa yebilige nī gè. Kire cɛngɛ gè, siɛn ó siɛn wi bé wi kpuʔɔrɔ taa dè Kulocɛliɛ mɛ́ wè.

Korɛntiyé 2 5:10

Nɛ́ ki cɛ́n ki 'kàri fànʔa we mìɛni bèle we ga sa yéri Kirisi kàyuʔujuudiʔɛ ki yiʔɛ mɛ́ gè, dí we mìɛni nigbe nigbe sí we liʔɛlɛ taa gèle bè yɛli nɛ́ we kakpiʔiligele ní gèle, gìi we 'puu nɛ kpínʔini nɛ́ weli cetinnɛ ní lè, a ki yē cɛ̀ngɛ yo, a ki yē sìpiʔi yo.

Timote 1 4:14

Ma fǎga Kulocɛliɛ kpuʔɔrɔ faʔa dèʔ dàa wi 'kɛn muɔ mɛ́ dè, tire dáà muɔ 'taa dè lɛ̀lɛ líì nī Kulocɛliɛ siɛnjuulo pe 'ti juu nɛ̀ fílige dè, á tɛ́ngɛfɔlilɔ gboli liɛlɛ pe 'pe kiyɛ taʔala yè muɔ nɛ̄ wè.

Timote 1 5:24

Siɛnnɛ pálì kapiʔile yē nɛ nyaʔa fáarifaari náʔanɛ kàyuʔu tuu pe nɛ̄ gè, pàli wuʔulo nɛ̂ sí lɛ̀lɛ líɛ níɛ̀ nɛ́ béli nɛ̂ yiri.

Piɛri 1 4:10

Kulocɛliɛ nyɛ́nì liʔɛlɛ kɛn yeli mɛ́, siɛn ó siɛn nɛ́ wi liɛlɛ. Kire nɛ̄ siɛn ó siɛn wi 'yɛli bèri baara nɛ́ wi liɛlɛ ní lè bèri bìli pe màakuu nyuʔɔ wè, kire ga buu yakɛnyɛ nyáà yeli 'taa Kulocɛliɛ mɛ́ wè, nyàa feliye yi 'niʔɛ yè, ye- yi cò cɛ̀ngɛ.

Piɛri 1 4:5

Nɛ̀ ki yaʔa Kulocɛliɛ bága pe yúgo nɛ́ ti ní, wire ŋáà wi 'gbòbori nɛ̀ yaʔa bè kàyuʔu juu gè siɛnwiile nɛ̄ bèle nɛ́ kúbilo ní bèle.

Tìɛlɛ 20:12

A mi 'kúbilo nyaa bèle, kpolilo bèle nɛ́ yìrile ní bèle, yérile kùlofɔlilɔ kácunʔɔ ki yiʔɛ mɛ́ gè. Á pe 'sɛbɛlɛ pálì múgolo, nɛ́ ń'nɛ̀ sɛbɛ wáà múgu, wire wi 'puu sìi wuu wè. Píra ŋáà nī wè, a pe 'kúbilo pe kàyuʔu juu gè nɛ̀ yɛli nɛ́ gìi ki 'puu sɛbɛgɛ baa sɛbɛlɛ nī bèle, wàa ó wàa, nɛ̀ yɛli nɛ́ wi kakpiʔiligele ní gèle.