Luku 16:10 - Sénoufo Nyarafolo

¹⁰ A siɛn ŋíì yē tɛ́ngɛmɛ siɛn kayirigele nī gèle, bɛ̀ wi bé puu tɛ́ngɛmɛ siɛn bè pínɛ kakpoligolo nī gèle. A ŋìi sí yē sícirawɛ kayirigele nī gèle, bɛ̀ míɛni wi bé puu sícirawɛ kakpoligolo nī gèle.

Luku 16:10 Iomraidhean Croise

Matiye 24:45

«Sùkulowo ŋíi wi bé taa, dí wi kàfɔli wi pa wi nyaa wi- puu tɛ́ngɛmɛ siɛn, bé sí puu síciliwe wè, dí wi kàfɔli wi sí wi tɛ́ngɛ wi saʔa kele nɛ̄ gèle wi de lìile kanʔa lè ni kɛn lɛ̀lɛ nī lè ?

Matiye 25:21

«A wi kàfɔli wi 'wi yɛ: ‹Nicii ! muɔ yē baakuɔcɛ̀nwɛ nɛ́ ní tɛ́ngɛmɛ siɛn. Muɔ 'nyaa tɛ́ngɛnmɛ siɛn nɛ́ cɛ̀ri ŋáà ní wè; m'bé ní kàa taʔa muɔ mɛ́ nìʔɛgɛ. Te jiin ma pa puu fundaanra nɛ̄ nɛ́ muɔ kàfɔli ní wè.›

Matiye 25:23

«A wi kàfɔli wi 'wi yɛ: ‹Nicii, muɔ yē baakuɔcɛ̀nwɛ nɛ́ ní tɛ́ngɛmɛ siɛn. Muɔ yē tɛ́ngɛmɛ siɛn nɛ́ cɛ̀ri ŋáà ní wè, m'bé ní kàa taʔa muɔ mɛ́ nìʔɛgɛ. Te báan ma pa puu fundaanra nɛ̄ nɛ́ muɔ kàfɔli ní wè.›

Luku 19:17

«A wi kàfɔli wi 'wi yɛ: ‹Nicii ! Baakuɔcɛ̀nwɛ wī muɔ wè. Muɔ 'nyaa tɛ́ngɛmɛ siɛn nɛ́ cɛ̀ri ŋáà ní wè; m'bé muɔ tɛ́ngɛ kàaya kiɛ nyùgo nɛ̄.›

Zezi Kirisi Kataanna Siɛnrɛ dè Zan juumɔ nɛ̄ bè 12:6

Zudasi wi cé siɛnrɛ dáà juu dè, kiì sí kò majo fuunmɔfɔlilɔ peli wuʔu wi 'puu nɛ yáaʔ, ki 'nyaa kàyuuwo wi 'puu. Wire wi 'puu nɛ wali yalege tɛ́ngi gè, nɛ́ sí puu nɛ wali yúu wè nɛ kɔ̀ngí, ŋàa pe 'puu nɛ nii baa wè.

Zezi Kirisi Kataanna Siɛnrɛ dè Zan juumɔ nɛ̄ bè 13:2

Pìlige suro lìi lɛ̀lɛ nī lè, gbòdolilo kàfɔli wi cé ki nyɔ́gɔ nɛ̀ kúɔ Zudasi Isikariyɔti fungo nī gè, Siimɔ jaa wè, wi- Zezi kɛn wè.

Zezi Kirisi Kataanna Siɛnrɛ dè Zan juumɔ nɛ̄ bè 13:27

Bà Zudasi wi 'búru suɔ wè, tiɛnugo nī gè, a Setɛni wi 'fali nɛ̀ jíin wi nī sɛni. A Zezi wi sí fali nɛ̀ wi yɛ: «Gàa muɔ je kpíʔile gè, ma ki kpíʔile fáari !»

Eburulo 3:2

Wi 'puu siɛn ŋáà wi 'yɛli nɛ́ tɛ́ngɛlɛ ní Kulocɛliɛ yiʔɛ mɛ́ gè, wire ŋáà wi 'wi tɛ́ngɛ Kulocɛliɛ baara nɛ̄ dè, bɛ̀ Misa tíɛlɛ Kulocɛliɛ saʔa ki mìɛni nī gè.