Luku 16:1 - Sénoufo Nyarafolo

¹ Zezi wi cé ki juu wi pìtɛnmɛnɛ mɛ́ bèle nɛ́ pe yɛ: «Nàguɔ wáà 'puu baa, lɔrifɔli wi 'puu, á walicowo ní wi mɛ́ nɛ wi lɔri kele gbòbori gèle. A pe kɛ́nì wi yɛ dí wi walicowo ŋáà wiī nɛ wi lɔri líi dè nɛ córi.

Luku 16:1 Iomraidhean Croise

Sélimɛ 15:2

A Birama sí jo: «Mi Kàfɔli Yewe, gáa sí tɔ̀ni ŋáà wi bé nyuɔ mi nɛ̄ʔ, nɛ́ ki cɛ́n pùɔ wè m'mɛ́ʔ, nɛ̀ ki yaʔa ŋàa wī mi kɔriliiwe wè, wire wī Eliyezeri, Damasi kàʔa wuu wè.»

Sélimɛ 43:19

A pe 'sìʔɛrɛ nɛ̀ kpɔni Yusufu saʔa kele kàrigɛfɔli nɛ̄ wè, nɛ̀ juu nɛ́ wi ní saʔa wìile nɛ̄ lè,

Matiye 20:8

«Cɛnguʔɔ gè, a siʔifɔli wi 'ki juu wi kacuɔnriwɔ mɛ́ wè nɛ́ wi yɛ: ‹-Baakuɔlɔ yeri bèle ma pe sàri kɛn wè pe mɛ́, ma ki séli bìli nɛ̄ pe 'kɛ́ kàduʔumɛ gè mari waa pélile mɛ́ bèle.›

Luku 12:42

A Kàfɔli wi 'wi yɛ: «Saʔa baakuɔwɔ ŋíi cɛ siɛn bé taa wi- puu tɛ́ngɛmɛ siɛn wè, bé sí puu síciliwe, dí wi kàfɔli wi- sí wi tɛ́ngɛ wi- puu wi baakuɔlɔ pe yiɛginiwɛ wè, bèri pe yaliire kanʔa dè pe mɛ́ ti kɛn lɛ̀lɛ nī lè ?

Luku 15:13

«Kiì mɔgɔʔ kire kàduʔumɛ gè, a jaafɔciɛwɛ wi 'wi kɔrigɔ yɛrɛ ti mìɛni pínɛ nɛ̀ ti pári nɛ́ wali líɛ wè nɛ̀ kɛ́ kùlo láà nī liʔi wómi, nɛ̀ sɛ́nì wi lɔri lìi dè nɛ̀ ti cúʔɔ kacirɛcirɛrɛ nī.

Luku 15:30

Píra ŋáà nī wè bà muɔ jaa ŋáà wi kɛ́nì pɛn wè, lɔriliijuʔɔwɔ ŋáà wè, wi 'muɔ lɔri cúʔɔ dè nàjaacɛlilɛ nī bèle, a muɔ 'nɛ̀piɛyɛlilɛ kpúu lè nìi nī sùnmɔ ní bè, nɛ̀ kɛn wire mɛ́.›

Luku 16:19

«Lɔrifɔli nàguɔ wáà 'puu baa, lagbɛnrɛ burujɛ̀nrɛ wi 'puu nɛ nii, níɛ sɔ́migi nɛ líi, nɛ ní fundaanra nɛ̄ cɛngɛ ó cɛngɛ.

Luku 16:2

A lɔrifɔli wi sí wi yeri nɛ̀ pɛ́nì wi yúgo: ‹Siɛnrɛ díì pe nyu muɔ wori nɛ̄ dè, kiī mɛni wī ? Ma sí kàa juu mi mɛ́ wêli mi wali wi cògɛnmɛ nī bè. Miì cɛ́n ga muɔ bé ní gbɛ̀ri mi wali kele cuɔnri gèleʔ.›

Luku 19:20

«A wàa ní nɛ̀ pɛn nɛ̀ pɛ́nì jo: ‹Kàfɔli, muɔ tiɛ kpège n'gɛ, mi cé ki puɔ fɛ̀nipile nī nɛ̀ sɛ́nì ki tɛ́ngɛ.

Luku 8:3

nɛ̀ fàri Yowana nɛ̄, Kuza cuɔ wè, Kuza ŋáà wi 'puu Erodi saʔa kele ke cuɔnrifɔli wè, nɛ́ Suzani, nɛ́ cɛlilɛ pálì nìʔɛnɛ ní. Ki cɛlilɛ bálì pe 'puu nɛ pe kɔliyɛrɛ kanʔa dè Zezi wi baara koligo nī gè.

Tiiti 1:7

Nɛ́ ki cɛ́n tɛ́ngɛfɔlilɔ gboli ni yiɛginiwɛ wè, wiī Kulocɛliɛ siɛnnɛ kàrigɛfɔli. Kire nɛ̄ wi sìi wi 'yɛli wi- puu dìgire fùn. Wiì yɛli wi de wìi nyíɛnɛʔ, kire ga laa bè puu funyɛrigɛfɔliʔ. Wiì yɛli bè puu sungbuɔwɔʔ, á kire bɛ̀ʔ kàsiitunwɔʔ. Wiì yɛli bè puu ŋàa wi wali nùʔɔrɔ́ nɛ caa wèʔ.

Zaki 4:3

Yeli nɛ náari, yeli sí wè yafiɛn taʔaʔ. Nɛ̀ taʔa gíi nɛ̄, yeli náarigɛnnɛ niì nyuɔʔ. Yeli cî nɛ náari, a yeli 'ki taa wè bé sí de yeli kanɛdanʔana kpínʔini gèle nɛ́ ki ní nī wī.

Piɛri 1 4:10

Kulocɛliɛ nyɛ́nì liʔɛlɛ kɛn yeli mɛ́, siɛn ó siɛn nɛ́ wi liɛlɛ. Kire nɛ̄ siɛn ó siɛn wi 'yɛli bèri baara nɛ́ wi liɛlɛ ní lè bèri bìli pe màakuu nyuʔɔ wè, kire ga buu yakɛnyɛ nyáà yeli 'taa Kulocɛliɛ mɛ́ wè, nyàa feliye yi 'niʔɛ yè, ye- yi cò cɛ̀ngɛ.