Luku 15:8 - Sénoufo Nyarafolo

⁸ «A kire 'laa ye- ki sɔ̀ngi, ki- nyaa wali dirami pígele kiɛ yē cɛliwɛ wáà mɛ́, dí wali dirami kpèle nigbe sí pùunni. Cɛliwɛ wiǐ fètinnɛ cáanʔ lé, bé saʔa píɛ gè bè wali caa wè funnyige nɛ̄, fúɔ bè taa wi pa wali caa wè bè wi nyaa lé ?

Luku 15:8 Iomraidhean Croise

Matiye 5:15

Pe nɛ̌ fètinnɛ mù lè bé yalege cúbulo ni nɛ̄ʔ; pe cî ni mù níɛ̀ ni taʔa fètindaʔaga naamɛ wī, ni nɛ̂ kpìɛnmɛ cáan siɛnnɛ pe mìɛni mɛ́ bàli bīɛlɛ baa saʔa nī gè.

Luku 15:7

«M'bé ki juu yeli mɛ́, bɛ̀ fundaanra bága puu bè pínɛ nyìʔɛnɛ nī lè kapiigbiʔiliwe nigbe kɛnmɛ nɛ̄ bè a wi 'wi fungo yiʔɛ gè, bè tóri siɛnsinminɛ togosicɛri nɛ́ kpɔrigɔ nɛ́ kacɛri nɛ̄ bèle, peli bálì pe màakuu wi wè ki nɛ̄ bè ní pe funyɔ yiʔɛ yèʔ.»

Luku 15:9

A wi 'wi caa nɛ̀ wi nyaa wè, wi bé wi nàgorilo yeri bèle nɛ́ wi tɛ́ninyɛninɛ ní bèle, bè pe yɛ: ‹Yeri fundaanra kpínʔini nɛ́ mi ní ! Mi nyɛ́nì mi wali nyaa wè, ŋàa wi cé pùunni wè.›

Luku 19:10

Ki 'nyaa Siɛn Pùɔ wi 'pɛn bè pa siɛnpuunninɔ caa bèle bè pe suɔ wī.»

Zezi Kirisi Kataanna Siɛnrɛ dè Zan juumɔ nɛ̄ bè 10:16

Sìnbaara táà yē nɛ tíin mi mɛ́ dìi ti wè náʔa sìnbaduʔu gáà nī gèʔ. Ki 'yɛli mi sa ti kɔ́ri bè pɛn; ti bé mi yékpoli lúʔu lè. Sìnbatogo ki bé puu nigbe, nɛ́ sìnbanaʔawa ní wè nigbe bè pínɛ.

Zezi Kirisi Kataanna Siɛnrɛ dè Zan juumɔ nɛ̄ bè 11:52

Kiì sí kò majo kùlo lire yákuɔ kɛnmɛ nɛ̄ wi 'yɛli bè kùuʔ. Wi 'yɛli wi- kùu gìi ki bé tí Kulocɛliɛ pìile bílì pe 'cɛrigɛ nɛ̀ màʔa bèle, pe- pìye pínɛ pe- kò nigbe.

Kakpiʔiligele 19:19

Bàli pe 'puu nìnyuʔɔnigɔ kacɛ́nminɛ bèle, a peli pàli nìʔɛnɛ 'pɛn nɛ́ pe nìnyuʔɔnigɔ sɛbɛlɛ ní bèle, nɛ̀ pɛ́nì ti sórigo siɛnnɛ pe mìɛni yiʔɛ mɛ́ gè. A pe 'ki yɛrɛ dáà ti lɔri tɔ́ri dè, a ki wali wi 'yɛ̀ walifiiwe siramuʔɔyɔ togo nɛ́ kogunɔ (50 000).

Efɛziyé 2:17

Nɛ̀ pínɛ Zezi Kirisi wi 'pɛn nɛ̀ pɛ́nì yanyige wori jáari dè yeli mɛ́, yeli bálì ye 'puu liilile bèle, nɛ́ yeli bálì bīɛlɛ bile túɔn nɛ̀ pínɛ wè.