Luku 15:5 - Sénoufo Nyarafolo

⁵ A wi sɛ́nì wi caa nɛ̀ wi nyaa wè, wi nɛ̂ wi líɛ nɛ̀ taʔa fíkanʔa nɛ̄ nɛ́ fundaanra ní.

Luku 15:5 Iomraidhean Croise

Luku 15:32

Muɔ cɔni ŋáà wè, wi sí cé kùu, nɛ́ koli nɛ̀ nyɛ́, wi cé pùunni wī á we sí ní nɛ̀ wi nyaa. Kire nɛ̄ ki 'yɛli we- ki pùrɔ, weri fundaanra kpínʔini.› »

Luku 15:4

«Ŋáasiɛn wī bile yeli nī bèle, a sìnbaala dabataan (100) yē wi mɛ́ wè, á wàa nigbe 'pùunni pe nī bèle, wiǐ bìli togosicɛri nɛ́ kpɔrigɔ nɛ́ kacɛri yaʔa bèle baa sìnbirige nī gè léʔ, bé kɛ́ bàa sìnbuɔ ŋíì caa wè, ŋàa wi 'pùunni wè, fúɔ bè taa wi ga wi caa bè wi nyaa lé ?

Luku 15:6

A wi 'pɛn kpáa mɛ́ gè, wi bé pa wi nàgorilo yeri bèle nɛ́ wi tɛ́ninyɛninɛ ní bèle, bé pe yɛ: ‹Ye- puu fundaanra nɛ̄ nɛ́ mi ní ! Mi sìnbuɔ wáà cé pùunni, mi kɛ́nì wi caa nɛ̀ wi nyaa.›

Luku 19:9

A Zezi wi 'wi yɛ: «Pàngɛ gè, suɔlɔ ni 'pɛn náʔa saʔa gáà mɛ́ gè, nɛ̀ taʔa gíi nɛ̄, Birayima tùlugo wuu wáà wī ŋàa wè nɛ̀ pínɛ.

Luku 23:43

A Zezi wi 'wi yɛ: «M'bé ki juu muɔ mɛ́ kányiʔɛ nɛ̄, pàngɛ gè muɔ bé jíin nɛ́ mi ní kusiʔi tiɛcɛ̀ngɛ nī gè.»

Zezi Kirisi Kataanna Siɛnrɛ dè Zan juumɔ nɛ̄ bè 15:11

«Mi nɛ siɛnrɛ dáà nyu dè yeli mɛ́ gìi ki bé tí mi fundaanra ti- puu yeli nī, yeli fundaanra ti- fori.

Efɛziyé 2:10

Ki 'nyaa Kulocɛliɛ wi yafaanra dī weli bèle; wi 'weli faan we- puu pínɛnɛ nɛ́ Zezi Kirisi ní wè wéri kacɛ̀ngɛlɛ kpínʔini. Kulocɛliɛ wire wi 'ke kpíʔile nɛ̀ yaʔa gìi ki bé tí weri ke kpínʔini.

Efɛziyé 3:7

Nɛ̀ yɛli nɛ́ Kulocɛliɛ wi kpuʔɔrɔ yakɛngɛ ní gè, wi 'wi fànʔa tìɛ gè nɛ̀ ki kpíʔile mi mɛ́, a mi 'kò Kataanna Siɛnrɛ ti baakuɔwɔ.

Tesalonikiyé 1 1:5

Nɛ́ ki cɛ́n Kataanna Siɛnrɛ dáà weli 'juu yeli mɛ́ dè, ti wè nyuɔ nī yákuɔ wīʔ. Ki 'nyaa Kulocɛliɛ Pìle lire fànʔa ní weli 'ti juu, weli sì ti juu nɛ́ káaliyɛ níʔ. Yeli tíimɛ nyɛ́nì ki cɛ́n mɛni weli 'puu yeli sunʔɔmɔ nī bè. Kire gáà ki mìɛni gè, yeli nyuɔmɔ weli 'puu nɛ caa.

Timote 2 2:26

dí pe sí koli bè sɔ̀ngijɛnrɛ líɛ dè. Bà pe bé jáa bè suɔ gbòdolilo kàfɔli wi gáriyɛ mɛ́ yè, nyàa nī wi 'pe kùru nɛ̀ cò yè pe wi nyɛ́ni kele kpínʔini gèle.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Piɛri 1 1:5

Kulocɛliɛ nɛ yeli wéli nɛ́ wi fànʔa ní gè bɛ̀ yeli 'tɛ́ngɛ wi nɛ̄ wè, kire ga buu yeli gbɛ̀ suɔlɔ taa lè nàa wi 'gbòbori nɛ̀ yaʔa lè bè ba ni tìɛ làzɛnnɛ nī lè.