Luku 15:2 - Sénoufo Nyarafolo

² Fariziɛnnɛ bèle, nɛ́ Fànʔa Siɛnrɛ sɛbɛcɛ́nminɛ ní bèle, a pe 'yɛ̀ nɛ nyu nɛ kúnʔɔri níɛ waa: «Kapiigbiʔilile bálì peli wi tí pe kòrí nɛ́ wi ní; wi cɛ́ni pínɛ nɛ líi nɛ́ pe ní  !»

Luku 15:2 Iomraidhean Croise

Matiye 11:19

Siɛn Pùɔ wi kɛ́nì pɛn, nɛ̀ pɛ́ni líi níɛ gbun, a siɛnnɛ pe 'yɛ̀ nɛ nyu nɛ́ jo: ‹Yaliimɛ nɛ́ sungbuɔ nàguɔ wī; lanbosuɔlɔ peli bīɛlɛ wi nàgorilo bèle peli nɛ́ kapiigbiʔilile ní bèle.› Nɛ̀ sí ki taa sìnjilige gáà ki 'kɔ́n Kulocɛliɛ mɛ́ wè, kiī nɛ cɛ́ngi ki kakpiʔiligele nī gèle.»

Matiye 9:11

Bà Fariziɛnnɛ pe 'kire nyaa gè, a pe 'Zezi wi pìtɛnmɛnɛ yɛ bèle: «Gáa nɛ̄ yeli tɛnmɛfɔli wi 'tɛ́ni nɛ líi nɛ́ lanbosuɔlɔ ní bèle, peli nɛ́ kapiigbiʔilile ní bèle ?»

Luku 15:3

A Zezi wi 'kàsiile náà wáa lè nɛ̀ pe kɛn nɛ́ pe yɛ:

Luku 19:7

Siɛnnɛ bílì mìɛni pe 'puu baa nɛ̀ kire gáà nyaa gè, a pe 'yɛ̀ nɛ nyu nɛ kúnʔɔri laamɛ nī níɛ wáa dí Zezi wi sɛ́nì tìrige kapiigbiʔiliwe nàguɔ kpáa mɛ́.

Luku 5:30

A ki 'nyaa Fariziɛnnɛ bèle nɛ́ pe Fànʔa Siɛnrɛ sɛbɛcɛ́nminɛ ní bèle, a peli 'yɛ̀ nɛ nyu nɛ kúnʔɔri Zezi pìtɛnmɛnɛ nɛ̄ bèle, nɛ́ pe yɛ: «Gáa nɛ̄ yeli nɛ líi níɛ gbun nɛ́ lanbosuɔlɔ ní bèle, peli nɛ́ kapiigbiʔilile ní bèle ?»

Luku 7:34

Siɛn Pùɔ wi kɛ́nì pɛn wè, nɛ̀ pɛ́ni líi níɛ gbun. A ye 'jo: ‹Yaliimɛ nɛ́ sungbuɔ nàguɔ wī; lanbosuɔlɔ peli bīɛlɛ wi nàgorilo bèle peli nɛ́ kapiigbiʔilile ní bèle.›

Luku 7:39

Fariziɛn nàguɔ ŋáà wi cé Zezi yeri wè pe sa lìi wè, bà wi 'kaala náà nyaa lè mmɛ gè, a wi 'ki sɔ̀ngi wi fungo nī gè nɛ́ jo: «A ki yē nàguɔ ŋáà wiī Kulocɛliɛ siɛnjuuwo wè, wi cé yɛli bè ki cɛ́n siɛn ŋíì felige wī cɛliwɛ ŋáà wè, nɛ́ pɛ́ni cògí nɛ tari wi nɛ̄ wè, kapiigbiʔiliwe wī !»

Kakpiʔiligele 11:3

nɛ́ jo: «Muɔ sɛ́nì jíin nàguɔ ŋáà wi saʔa nī gè, ŋáà wiì kɛnɛkɛnɛ wèʔ, nɛ̀ pínɛ nɛ̀ lìi nɛ́ pe ní.»

Galasiyé 2:12

Ki 'nyaa náʔanɛ Zuufulo tɛ́ngɛfɔlilɔ pálì cé kɔ́n baa Zaki tiʔɛ nī gè bè kɛ́ baa Antiyɔsi kàʔa mɛ́ gè, Piɛri wi 'puu nɛ wúu nɛ líi nɛ́ kùlogolo kálì siɛnnɛ ní bèle. Bà sí Zuufulo tɛ́ngɛfɔlilɔ bálì pe sɛ́nì yiri baa bèle, a Piɛri wi séli nɛ wìi wàlí nɛ yigi kùlo láà wuulo nī bèle, nɛ̀ kò wiiyɛ. Ki 'nyaa Zuufulo tɛ́ngɛfɔlilɔ bálì peli 'puu nɛ kɛnɛkɛnɛ wori kpóri dè. A Piɛri wi sí nɛ fìʔɛ́ gìi pe bága juu wè.

Timote 1 1:15

Siɛnrɛ ti n'dɛ, kányiʔɛ wori dè, dàa nɛ̄ siɛnnɛ pe mìɛni 'yɛli bè tɛ́ngɛ dè: «Zezi Kirisi wi 'pɛn duniya nī wè bè ba kapiigbiʔilile suɔ bèle.» Mi Pɔli sí wi 'pii kapiigbiʔilile pe mìɛni nɛ̄ bèle.