Luku 13:3 - Sénoufo Nyarafolo

³ ʔéʔe díɛʔ ! M'bé ti juu yeli mɛ́, a yeli sì yeli funyɔ yiʔɛ yèʔ nɛ́ láʔa yeli kapiʔile nɛ̄ gèle, bà yeli ye mìɛni bé kùu bɛ̀ pe tíɛlɛ.

Luku 13:3 Iomraidhean Croise

Matiye 12:45

Wi nɛ̂ sí koli nɛ̀ kɛ́ nɛ̀ sɛ́nì gbòdolilo pálì caa nɛ̀ fàri wìi nɛ̄, gbòdolilo kɔlisiin, bìli pe 'pii péliwe nɛ̄ wè. Pe nɛ̂ pɛ́nì pínɛ nɛ̀ jíin baa tiɛliʔɛ nī gè. Siɛn wi cefuuro ti nɛ̂ serige pélige nɛ̄ gè. Bɛ̀ sí ki bága puu nɛ́ siɛnpiile kɛ̀nnɛ náà wuulo ní bèle.»

Matiye 22:7

«A ki 'kùlofɔli wi fungo yɛ̀gɛ gè, a wi 'wi kapiɛngbuɔn tògo káà tórigo a pe sɛ́nì siɛnkpuulo bálì cúʔɔ bèle, nɛ́ pe kàaya sórigo yè.

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Luku 13:2

A Zezi wi 'pe yɛ: «Yeli nɛ sɔ̀ngí Galile siɛnnɛ bálì pe kapiʔile ke cé pii nɛ̀ tóri Galile siɛnsɛnminɛ nɛ̄ bèle wī lé, á pe 'kùu piiwe ŋáà taa wè ?

Luku 13:4

«Nɛ̀ pínɛ, siɛnnɛ kiɛ nɛ́ kataanri bílì nɛ̄ saakpaʔaligɛ ki cé kaa nɛ̀ tuu Silowe tiʔɛ nī gè nɛ̀ pe kpúu bèle, yeli nɛ sɔ̀ngí peli cé pii nɛ̀ tóri siɛnnɛ pe mìɛni nɛ̄ bèle wī lé, baa Zerizalɛmi kàʔa nī gè lé ?

Luku 13:5

ʔéʔe, m'bé ti juu yeli mɛ́, a yeli sì funyɔ yiʔɛ yèʔ, bà yeli ye mìɛni bé kùu bɛ̀ pe tíɛlɛ.»

Luku 24:47

Nɛ̀ pínɛ wire míʔɛ nɛ̄ gè, pe bága de siɛnnɛ pe funyɔ yi yiʔɛ wori jáari dè kùlogolo siɛnfeliye yi mìɛni mɛ́ yè, siɛnnɛ peri pe kapiʔile wuʔu yáa gè bé sí pe funyɔ taʔa yè Kulocɛliɛ nɛ̄, dí Kulocɛliɛ wi sí kapiʔile kàsulugo suɔ gè. Ki bé séli Zerizalɛmi kàʔa nɛ̄.

Kakpiʔiligele 3:19

Kire nɛ̄, ye- yeli funyɔ yiʔɛ yè yé láʔa yeli kapiʔile nɛ̄ gèle, yé sí koli ye pɛn Kulocɛliɛ mɛ́ wè, bà wi bé yeli kapiʔile láʔa gèle yeli nɛ̄.