Luku 13:16 - Sénoufo Nyarafolo

¹⁶ Cɛliwɛ ŋáà sí wè, Birayima siimɛ tùlugo wuu wáà wī, bɛ̀ wi tíi yē puɔjaanwa Setɛni kiyɛ nī yè nɛ̀ taa ki yiʔɛlɛ kiɛ nɛ́ kataanri wī ŋɔ̀ wè, yeli jo kiì yɛli wi- suɔ fùrɔgɔ gáà nī gè cɛndɛnigɛ cɛngɛ nī gè pàngɛ gè í ?»

Luku 13:16 Iomraidhean Croise

Ŋúnuyɔ 107:14

A wi 'pe yige yebiliwuɔlɔ nī lè nɛ́ kùu nyúmɔ láara bè, nɛ́ pe nyùʔɔdiriye kabari yè.

Matiye 4:10

A Zezi wi sí wi yɛ: «Núgo mi táanni Setɛni ! Kulocɛliɛ siɛnsɛbɛrɛ ti 'ki juu nɛ́ jo: Te muɔ Kàfɔli Kulocɛliɛ wire gbùʔɔrɔ́, wire nigbe mɛ́ muɔ 'yɛli bèri baara .»

Mariki 2:27

A wi 'fali nɛ̀ ní nɛ̀ ki juu pe mɛ́ nɛ́ pe yɛ, dí cɛndɛnigɛ ki 'tɛ́ngɛ siɛnnɛ kɛnmɛ nɛ̄ wī, kiì nyaa majo siɛnnɛ peli pe 'kpíʔile nɛ̀ tɛ́ngɛ cɛndɛnigɛ kire kɛnmɛ nɛ̄ʔ.

Luku 16:24

«A wi 'kòkuulo wáa nɛ́ jo: ‹Mi tuu Birayima yo, -nyinimɛ taa mi nɛ̄ ! Lazari tun wè wi- wi kabiɛlɛ nígi lè luʔɔ nī, wi- nyinɛ nyígi lè mi nɛ̄ yo ! ʔé, mi yē fùrɔwɔ náʔa kàsunnyige gáà nī gè !›

Luku 19:9

A Zezi wi 'wi yɛ: «Pàngɛ gè, suɔlɔ ni 'pɛn náʔa saʔa gáà mɛ́ gè, nɛ̀ taʔa gíi nɛ̄, Birayima tùlugo wuu wáà wī ŋàa wè nɛ̀ pínɛ.

Luku 3:8

Ye- sí de yasɛnrɛ sɛngi dàa ti béri ki tìí yeli nyɛ́nì yiʔɛ yeli funyɔ nī yè. Yé fǎga sí séli de ki sɔ̀ngí yeli funyɔ nī yèʔ bé jo: ‹Weli tuuliʔɛ gīBirayima wèʔ›. A kire 'laa m'bé ki juu yeli mɛ́ ye- ki cɛ́n, Kulocɛliɛ wi fànʔa yē bè gbɛ̀ sìndɛniyɛ nyáà yiʔɛ yè yi- kò pìile bè kɛn Birayima mɛ́ wè.

Zezi Kirisi Kataanna Siɛnrɛ dè Zan juumɔ nɛ̄ bè 8:44

Gbòdolilo kàfɔli wī yeli tuu wè, nɛ̀ pínɛ wire kanɛdanʔana kpíʔile láa gī yeli nɛ̄. Wire wī siɛnkpuuwo wè, bà ki 'líɛ baa sélimɛ nɛ̄ bè. Nɛ̀ pínɛ wi wè nɛ yèrí kányiʔɛ nɛ̄ʔ, nɛ̀ taʔa gíi nɛ̄, kányiʔɛ wè wi mɛ́ púloʔ. A wi gbɛ́ni nyu níɛ finɛnɛ wè, wi nìɛ ki kpínʔini bɛ̀ wi kaliɛmɛ nɛ̄ bè; kire sí nyɛ́nì taa bɛ̀ ki 'nyaa wiī káfinɛvinɛwɛ wè, nɛ́ ní káfinɛrɛ tuu wè.

Kakpiʔiligele 13:26

«Mi siinyɛninɛ, yeli bèle Birayima siimɛ pìile bèle, nɛ́ yeli bálì ye nyɛ́ni fìʔɛ́ Kulocɛliɛ nɛ̄ wè, weli mɛ́ Kulocɛliɛ wi cé suɔlɔ siɛnrɛ dáà tórigo dè.

Timote 2 2:26

dí pe sí koli bè sɔ̀ngijɛnrɛ líɛ dè. Bà pe bé jáa bè suɔ gbòdolilo kàfɔli wi gáriyɛ mɛ́ yè, nyàa nī wi 'pe kùru nɛ̀ cò yè pe wi nyɛ́ni kele kpínʔini gèle.