Luku 13:11 - Sénoufo Nyarafolo

¹¹ A ki 'nyaa cɛliwɛ wáà 'puu baa, wi 'puu kpɔliwɔ; gbòdoli wáà wi yé wi kpíʔile a wi 'kò kùruwo nɛ̀ taa yiʔɛlɛ kiɛ nɛ́ kataanri. Cɛliwɛ ŋáà wi cé kò kùruwo, wiì puu nɛ̀ gbɛ̀nɛ yèrí bè sáʔaʔ.

Luku 13:11 Iomraidhean Croise

Ŋúnuyɔ 145:14

Bàli pe mìɛni pe tun bèle, Yewe wire wi pe yɛ̀gí nɛ yérigi, wi nɛ̂ pe sìɛn bàli mìɛni pe kùrú bèle.

Ŋúnuyɔ 146:8

Yewe nɛ̂ fúɔnnɔ nyapigele múgu gèle; bàli bīɛlɛ kùrulo bèle, Yewe nɛ̂ pe yɛ̀gɛ nɛ̀ pe sìɛn. Siɛnsinminɛ pe 'Yewe dɛ́ni wè.

Ŋúnuyɔ 38:6

Mi nɔmirɔ ti 'fúnʔɔ a ti nùgo ki 'pii; mi kàala ke tɔ̀ni wire wī.

Ŋúnuyɔ 42:5

Bà mi kayaʔa yéturo ti ŋu dè a mi 'sɔ̀ngi nɛ̀ taa lɛ̀lɛ líì nī mi 'puu nɛ tári siɛnniʔɛmɛ sunʔɔmɔ nī bè nɛ waa nɛ́ pe ní fúɔ nɛ̀ sɛ́nì nɔ̀ Kulocɛliɛ Gbùʔɔrɔsaʔa nɛ̄ gè, kire tánʔana náà nɛ̄ lè fundaanra yékponiʔɛrɛ nɛ́ kacɛ̀ngɛcɛ́n kòkuʔulo 'puu nɛ wáari nɛ̀ weli màʔa nɛ̀ suʔu; pe yé puu siɛnniʔɛmɛ báà pi yé pɛn fundaanra mɛ́ dè.

Ŋúnuyɔ 6:2

ʔé Yewe, fǎga mi wuʔɔ muɔ funyɛrigɛ nī gèʔ; fǎga mi kpúɔn muɔ fundanʔanigɛ nī gèʔ.

Matiye 4:23

A Zezi wi 'líɛ nɛ tòrí Galile tɛ́nimɛ pi mìɛni nī bè nɛ siɛnnɛ tɛnmɛ bèle pe tɛnmɛzaaya nī yè, níɛ Kùlofɔligɔ ki Kataanna Siɛnrɛ jáari dè, nɛ yaama feliye yi mìɛni pori nɛ́ siɛnkpɔlilɔ pe mìɛni ní bèle kùlo nī lè.

Mariki 9:21

A Zezi wi 'tuufɔli yúgo wè nɛ́ jo: «Ki lɛ̀lɛ jori nī ŋɔ̀ wè, bà gbòdoli ŋáà wiī wi kúrugu wè ?» A tuufɔli wi 'jo: «Ti 'wi líɛ wi pìire lɛ̀lɛ nī,

Luku 13:12

Bà Zezi wi 'wi nyaa wè, a wi 'wi yeri nɛ̀ pɛ́nì wi yɛ: «Cɛliwɛ muɔ, muɔ 'puʔɔ nɛ̀ yiri muɔ yaama nī bè.»

Luku 13:16

Cɛliwɛ ŋáà sí wè, Birayima siimɛ tùlugo wuu wáà wī, bɛ̀ wi tíi yē puɔjaanwa Setɛni kiyɛ nī yè nɛ̀ taa ki yiʔɛlɛ kiɛ nɛ́ kataanri wī ŋɔ̀ wè, yeli jo kiì yɛli wi- suɔ fùrɔgɔ gáà nī gè cɛndɛnigɛ cɛngɛ nī gè pàngɛ gè í ?»

Luku 21:28

«A kele gálì ke kɛ́ni kpínʔini gèle, ye- sɔ́migɔ ye yéri, yé yeli nyùyɔ yɛ̀gɛ yè, ki 'nyaa yeli suɔ lɛ̀lɛ ni 'nɔ̀ wī.»

Luku 8:2

Cɛlilɛ bílì nī wi cé gbòdolilo cìra nɛ̀ yige bèle, nɛ́ bìli wi cé puʔɔ bèle, a peli pàli 'kɛ́ nɛ́ wi ní: Maari ŋáà pe yeri Magidala kàʔa wuu wè, ŋàa nī Zezi wi cé gbòdolilo kɔlisiin cìra bèle nɛ̀ yige wè,

Luku 8:27

Bà Zezi wi 'tɔliyɔ cáan yè dàala nɛ̄ lè mmɛ gè, a ki tiʔɛ nàguɔ wáà pɛ́nì wi kpàli, ki 'nyaa gbòdoli 'puu wi nī. Ki cé mɔgɔ nàguɔ ŋáà wiì puu nɛ bururo niiʔ, wi míɛni wiì puu nɛ kòrí saʔa nīʔ, wi kòridiʔɛ kire ki 'puu kpɔ̀ngɔli wè.

Luku 8:43

Ki sí nyaa cɛliwɛ wáà 'puu baa, gbélige yaama 'puu wi nɛ̄, fúɔ nɛ̀ taa yiʔɛlɛ kiɛ nɛ́ siin. Wi cé wi wali wi mìɛni cúʔɔ wè wajaala tiɛyɛ nī, siɛn sì jáa nɛ̀ wi puʔɔʔ.

Kakpiʔiligele 3:2

Nàguɔ wáà 'puu baa saʔa wìile yiʔɛ mɛ́ gè tɔliyɔ ní yè nɛ̀ mɔ̀nigɔ wi nɛ̄; wi cé sii nɛ́ yi ní bɛ̀ wī. Pe 'puu nɛ wìile náà yeri lè nɛ pínɛ Wìicɛnnɛ. Cɛngɛ ó cɛngɛ, pe nɛ̂ cé sɛ́nì wi tɛ́ngɛ baa wìile náà táanni lè, wiri siɛnnɛ náari bèle a pe gbɛ́nɛ̀ pɛ́nì je jíin Kulocɛliɛ Gbùʔɔrɔsaʔa nī gè.

Kakpiʔiligele 4:22

Ki 'nyaa nàguɔ ŋáà nɛ̄ kakpuʔɔ gáà ki cé kpíʔile á wi 'puʔɔ wè, wi yiʔɛlɛ ke cé tóri yiʔɛlɛ togosiin nɛ̄.