Biblia Todo Logo
Bìoball air-loidhne

- Sanasan -




Luku 12:5 - Sénoufo Nyarafolo

5 Ŋàa yeli 'yɛli bèri fìʔɛ́ wè, m'bé sí wi tìɛ yeli nɛ̄. Yeri fìʔɛ́ ŋàa wī a muɔ 'kùu wè, wi fànʔa yē bè gbɛ̀ muɔ líɛ bè wáa bànguɔ kàsun nī gè, kányiʔɛ nɛ̄ yeri wire fìʔɛ́ wire wè.

Faic an caibideil Dèan lethbhreac




Luku 12:5
16 Iomraidhean Croise  

Yewe nyɛ́nì wìi tìɛ; wi 'kàyuʔu juu gè. Yewe 'ki kɔ̀rirɔ a siɛnpiiwe wi 'wìi cò wi tíimɛ kakpiʔiligele nɛ̄ gèle. Yakpuɔnrɔ tùnmɔ. Ye‑ ŋɔ́ cɛ̀.


«Ye fǎri fìʔɛ́ʔ bìli nɛ̄ pe sî siɛn kpúu wè; piyè sí gbɛ̀ jáa bè siɛn pìle kpúu lèʔ. Ye- sí de fìʔɛ́ Kulocɛliɛ wire nɛ̄, wire ŋáà wi bé gbɛ̀ siɛn pìle pínɛ lè bè ni cúʔɔ nɛ́ siɛn cetinnɛ ní lè bànguɔ kàsun nī gè.


«Píra ŋáà nī wè dí kùlofɔli wi sí kàmɛgɛ wuulo yɛ bèle: ‹Ye- sìʔɛrɛ mi táanni yeli bèle, yeli woli ni 'cúʔɔ wī, ye- sa jíin bànguɔ kàsun nī gè; gbòdolilo kàfɔli wire míʔɛ ní ki cé kpíʔile wire nɛ́ wi tundunminɔ ní bèle.


«Kire lɛ̀lɛ nī lè dí bàli pe sí kɛ́ bànguɔ wuʔɔgɔ tiʔɛ nī gè, dí siɛnsinminɛ bèle, peli sí kɛ́ bànguɔ sìi tiʔɛ nī gè.»


Mi wè mi sí yeli yɛ, a siɛn ó siɛn 'fungo tanʔana wi siɛnnyɛni kúrugu, ki 'yɛli pe- kàyuʔu juu ki siɛn nɛ̄ wè. A siɛn sí ní nɛ̀ wi siɛnnyɛni tiʔɛlɛ nɛ́ wi yɛ ‹ledogo wéli díɛ !›, ki siɛn wi 'yɛli pe- wi yeri kàyuʔujuulo gboli mɛ́ lè. A siɛn sí ní nɛ̀ wi siɛnnyɛni tiʔɛlɛ nɛ́ jo ‹kàalafɔli wéli díɛ !›, ki siɛn wi 'yɛli bè jíin bànguɔ kàsun nī gè.


Yeri yìye ciʔige; mi 'yeli sɔ̀mi nɛ̀ yaʔa nɛ̀ kúɔ.»


Wàa fǎga ki líɛ bè tórigoʔ bè tuu wi siinyɛni mɛ́ kaala láà nīʔ, á kire 'laa wè Kàfɔli wiī nɛ ki fuʔɔ tɔ́ngi gè ki kele gálì ke mìɛni nī gèle, majo bɛ̀ weli 'kíni nɛ̀ ki juu yeli mɛ́ nɛ̀ yeli sɔ̀mi wè.


Kiī fíɛrɛwuʔu díɛʔ a siɛn 'tuu Kulocɛliɛ wewiiwe kiyɛ nī yè !


Nɛ́ ki cɛ́n, Kulocɛliɛ sì nyìʔɛnɛ tundunminɔ yaʔa bèle wiì pe wuʔɔʔ; bàli pe yé kapiile kpíʔile lè, a wi 'pe wáa kàwiʔi sícuugo nī gè, puɔyaʔala yebiliwuɔlɔ nī lè. Baa piyē nɛ kàyuʔujuujɛngɛ siri gè.


Wi 'puu nɛ nyu kpuʔɔ níɛ waa: «Yeri Kulocɛliɛ fìʔɛ́ wè, yéri wi kpóri ! Ki 'nyaa lɛ̀lɛ níì nī Kulocɛliɛ bè kàyuʔu juu gè siɛnnɛ nɛ̄ bèle, kire lɛ̀lɛ lire ni 'nɔ̀. Ye- tuu ye yiɛyɛ cúbulo yè yeri wi gbùʔɔrɔ́; wire wi 'nyìʔɛnɛ nɛ́ dàala faan lè, nɛ́ kuʔɔjii ní wè, nɛ́ lawiʔile ní gèle.»


Ŋáasiɛn wi bé kò wi fǎri muɔ fìʔɛ́ʔ, Kàfɔli, wi fǎri kpuʔɔrɔ tari muɔ míʔɛ nɛ̄ gè wèʔ ? Nɛ́ ki cɛ́n muɔ nigbe wī tiɛlɛ fùn wè. Kùlogolo ke mìɛni béri báan de tun muɔ yiʔɛ mɛ́ gè bèri muɔ gbùʔɔrɔ́, nɛ̀ taʔa gíi nɛ̄, pe mìɛni nyɛ́nì muɔ kàyuʔujuugɛnmɛ nyaa bè, piī sìɛnbɛ.»


Kùu wè nɛ́ kusiʔi ní gè, a pe 'ti wáa kàsunkpuʔɔ nī gè, kire gī kùu siinwuu wè, kàsunkpuʔɔ gè.


Lean sinn:

Sanasan


Sanasan