Luku 12:4 - Sénoufo Nyarafolo

⁴ «M'bé ki juu yeli mɛ́, yeli bèle mi nàgorilo bèle, ye fǎri fìʔɛ́ʔ bìli nɛ̄ pe sî siɛn kpúu wè nɛ̀ cetinnɛ lire cúʔɔ nɛ̀ yige baa wèʔ. A kire 'kúɔ pe nɛ̌ ní gbɛ̀ yafiɛn kpíʔile cíginiʔ.

Luku 12:4 Iomraidhean Croise

Matiye 10:28

«Ye fǎri fìʔɛ́ʔ bìli nɛ̄ pe sî siɛn kpúu wè; piyè sí gbɛ̀ jáa bè siɛn pìle kpúu lèʔ. Ye- sí de fìʔɛ́ Kulocɛliɛ wire nɛ̄, wire ŋáà wi bé gbɛ̀ siɛn pìle pínɛ lè bè ni cúʔɔ nɛ́ siɛn cetinnɛ ní lè bànguɔ kàsun nī gè.

Zezi Kirisi Kataanna Siɛnrɛ dè Zan juumɔ nɛ̄ bè 15:13

Siɛn sǐ gbɛ̀ wi dɛ́nigɛ tìɛ gè bè tóri siɛn ŋáà wi 'wi sìi kɛn wè wi nàgorilo pe kɛnmɛ nɛ̄ bèʔ.

Kakpiʔiligele 20:24

Kire nɛ́ ki mìɛni ní gè, mi wè nɛ mi sìi wire tɔ́ri yakaaʔ. Gìi mi nɛ cìrá gè, kire yē mi gbɛ̀ de mi kàsɛnigɛ fé gè, béri mi baara kúu dè dàa mi 'taa Kàfɔli Zezi mɛ́ wè, béri Kulocɛliɛ kpuʔɔrɔ Kataanna Siɛnrɛ ti wori nyu dè.

Kakpiʔiligele 4:13

A Piɛriyé kɛnmɛ pi 'kàyuʔujuulo gboli wuulo pe fungo wúɔ kátii wire nɛ́ Zan ní wè, bɛ̀ ki 'nyaa pe 'puu nɛ pe siɛnrɛ nyu dè nɛ́ nàzorido ní dè, nɛ̀ sí ki taa piyè cé tɛnmɛnɛ kpíʔile Fànʔa Siɛnrɛ ti wori nɛ̄ dèʔ, nɛ̀ pínɛ piyè puu siɛnnɛ nɛ tɔ́ri nɛ́ pe níʔ. Kàyuʔujuulo gboli wuulo pe cé pe nyaa nɛ̀ cɛ́n, nɛ̀ ki cɛ́n Zezi kòrinyɛninɛ pálì pe 'puu.

Filipiyé 1:28

Ye fǎga tí bé ki yaʔa bìli pe túngu nɛ́ yeli ní bèle, pe- céri kpúu yeli nɛ̄ púloʔ. Yeli lèbaanna lire nɛ ki tìí piyē nɛ waa cúʔɔgɔli mɛ́ wī, yeli bèle, yeli nɛ waa suɔgɔli mɛ́ wī; Kulocɛliɛ mɛ́ kire 'yɛ̀.

Zaki 2:23

Kire nɛ̄ Kulocɛliɛ siɛnsɛbɛrɛ ti nyɛ́nì fori, dàa ti 'ki juu nɛ́ jo: Birayima wi cé tɛ́ngɛ Kulocɛliɛ nɛ̄ wè, a Kulocɛliɛ wi 'wi tɔ́ri siɛnsinwɛ. Nɛ̀ pínɛ a Kulocɛliɛ wi 'jo wiī wire nàgori.

Piɛri 1 3:14

A ki sí cɛ́nì nyaa wuʔɔgɔ 'nɔ̀ yeli nɛ̄ wè, bɛ̀ yeli nɛ kasingele kpínʔini gèle, yeli wuʔu kiī tànʔa. Ye fǎri fìʔɛ́ siɛnnɛ nɛ̄ bèleʔ, yeli funyɔ yi fǎri nyaʔamiʔ.

Tìɛlɛ 2:10

Fàri fìʔɛʔ wuʔɔgɔ gáà ki báan muɔ mɛ́ gèʔ. «Ki 'nyaa gbòdolilo kàfɔli wiī nɛ ki caa bè yeli pálì wáa kasuu nī bè yeli siʔɛ bè wéli; yeli bé wuʔɔgɔ suɔ bè taa cɛnyɛ kiɛ. Kò baa muɔ nyayerigele nī gèle bè taa muɔ pa kùu, bà m'bága kpuʔɔrɔ ndɔ̀ngɔ kɛn gè muɔ mɛ́ sìi wuʔu gè.