Luku 11:9 - Sénoufo Nyarafolo

⁹ «Kire nɛ̄ m'bé ki juu yeli mɛ́, yeri náari, yeli bé taa; yeri caa, yeli bé nyaa; yeri kɔ̀ri kóli gè, pe bé ki múgu yeli mɛ́.

Luku 11:9 Iomraidhean Croise

Ŋúnuyɔ 118:5

Mi wuʔɔgɔ nī gè, a mi 'kòkuulo wáa Yewe kúrugu wè, a Yewe wi 'lúʔu mi mɛ́, nɛ̀ mi tɛ́ngɛ larigbuʔɔ káà nī.

Ŋúnuyɔ 27:4

Kaala nigbe mi nyɛ́nì náari Yewe mɛ́, lire yákuɔ mi nɛ caa: bè kò Yewe saʔa nī gè mi sìi cɛnyɛ yi mìɛni nī bè Yewe cɛ̀nmɛ nyaa bè, bèri ki caa bè puu wi yiʔɛ mɛ́ wi Gbùʔɔrɔsaʔa nī gè.

Ŋúnuyɔ 27:8

Mi fungo ki 'muɔ siɛnrɛ lúʔu dè, Yewe, a muɔ 'jo: «Te báan ma pa mi yiʔɛ caa !» Ao, Yewe, mi nɛ báan bè pa muɔ yiʔɛ caa gè.

Ŋúnuyɔ 34:10

Yeri fìʔɛ́ Yewe nɛ̄, yeli bálì wi 'wàli nɛ̀ tɛ́ngɛ bèle, nɛ́ ki cɛ́n yafiɛn sì pe laaʔ, bàli pe wi fìʔɛ́ wè.

Ŋúnuyɔ 34:4

Yeri Yewe kpuɔmɔ wuʔu jáari gè nɛ́ mi ní ! Ye‑ puu weri wi míʔɛ kpóri gè !

Ŋúnuyɔ 50:15

Fùrɔgɔ lɛ̀lɛ nī lè, mari mi náari. M'bé muɔ líɛ bè yige ki nī, kire ga buu muɔ de mi kpóri.»

Matiye 21:22

Nɛ̀ pínɛ a yeli nɛ yɛgɛ ó yɛgɛ caa, nɛ́ ki náari nɛ́ tɛ́ngɛlɛ ní wè, yeli bé ki taa.»

Matiye 21:31

«Pìile bálì pe siin nī bèle, ŋíi wi 'wi tuu nyɛ́ni kaala kpíʔile lè ?» A pe 'jo: «Péliwe wire wī.» A Zezi wi 'pe yɛ: «M'bé ki juu yeli mɛ́ kányiʔɛ nɛ̄, lanbosuɔlɔ nɛ́ nàjaacɛlilɛ pe bága yeli yiʔɛ caanri Kulocɛliɛ Kùlofɔligɔ nī gè.

Matiye 6:29

M'bé sí ki juu yeli mɛ́, kùlofɔli Sulomani tíimɛ wè nɛ́ wi nàbuɔrɔ ti mìɛni ní dè, wiì kɛ́nì bururo le a ti 'nyuɔ nɛ̀ nyàʔa fiɛnrɛ dáà ti làa nigbe kúɔʔ.

Mariki 11:24

Kire nɛ̄, m'bé ki juu yeli mɛ́, a yeli nɛ yɛgɛ ó yɛgɛ caa nɛ́ ki náari gè, ye- tɛ́ngɛ ki nɛ̄ yeli 'ki taa, bɛ̀ ki bé kpíʔile yeli mɛ́.

Mariki 13:37

Siɛnrɛ dáà mi nɛ nyu dàa dè yeli mɛ́ dè, ye mìɛni mɛ́ mi nɛ ti nyu: ye- puu nyɛminɛ yeri kele ciʔige gèle.»

Luku 11:10

Ki 'nyaa siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 14:13

Nɛ̀ pínɛ a yeli 'yɛgɛ náari mi míʔɛ nɛ̄ gè, m'bé ki kpíʔile, gìi ki bé tí Tuufɔli wi- kpuʔɔrɔ taa Jaafɔli nī wè.

Zezi Kirisi Kataanna Siɛnrɛ dè Zan juumɔ nɛ̄ bè 15:16

Yeli bɛ̀ʔ ye 'mi nyíɛnɛ nɛ̀ kɔ̀nʔ, mi mi 'yeli nyíɛnɛ nɛ̀ kɔ̀n. Yeri waa ye sa yasɛnrɛ sɛn, yeli yasɛnrɛ ti- kò ti mɔgɔ, dí ki sí puu a yeli 'yakaa náari Tuufɔli mɛ́ wè mi míʔɛ nɛ̄ gè, wi- ki kɛn yeli mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 15:7

A yeli 'kò mi nī wè, á mi siɛnrɛ ti 'kò yeli nī bèle, yɛgɛ ó yɛgɛ yeli nɛ caa gè, ye- ki náari, ki bé kpíʔile yeli mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 4:10

A Zezi wi sí siɛnnugoro kɛn wi mɛ́ nɛ́ wi yɛ: «A ki yē muɔ cé Kulocɛliɛ yakɛngɛ cɛ́n gè, nɛ́ siɛn ŋáà wi 'muɔ yɛ: ‹-Mi kɛn mi gbuɔ wè›, muɔ tíimɛ ma sî ní koli bè wi náari; wi sî muɔ kɛn nɛ́ sìi luʔɔ ní gè.»

Wurɔmiyé 2:7

Bìli pe 'lèbaanna le nɛ kacɛ̀ngɛ kpínʔini gè níɛ kpuʔɔrɔ caa dè, nɛ́ míɛtanʔa ní gè, níɛ pe sìi tári wè bè kò sìi nɛ̄ wè, Kulocɛliɛ wi bé bànguɔ sìi kɛn wè pe mɛ́.

Korɛntiyé 2 6:2

Nɛ̀ taʔa gíi nɛ̄, wi 'jo: Bɛ̀ ki 'puu ki lɛ̀lɛ nī lè, mi cé muɔ náarigɛ suɔ gè. Suɔlɔ cɛngɛ gè, a mi 'pɛn nɛ̀ pɛ́nì muɔ sáʔa . Píra ŋáà nī wè, lɛ̀jɛnnɛ lire ni 'nɔ̀; suɔlɔ cɛngɛ ki 'nɔ̀.

Eburulo 11:6

A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.

Zaki 1:5

A sícilimɛ 'yeli wáà laa, siɛn wi- pi náari Kulocɛliɛ mɛ́ wè; wiī nɛ siɛnnɛ pe mìɛni kanʔa nɛ́ funviige ní, wi wè siɛn cɔ̀rí kire nɛ̄ gèʔ. Siɛn wi bé ki taa.

Zaki 5:15

Kire náarigɛ gáà ki 'kpíʔile nɛ́ tɛ́ngɛlɛ ní lè, ki bé yaawa puʔɔ wè, nɛ̀ pínɛ Kàfɔli wi bé wi yɛ̀gɛ. A ki 'nyaa nɛ̀ pínɛ wi 'kapiʔile kpíʔile wè, Kulocɛliɛ bé ki yaʔa wi nɛ̄.

Zan 1 3:22

Nɛ́ míɛni weli bé ki taa wi mɛ́ gàa weli nɛ náari gè, nɛ́ ki cɛ́n weli nɛ wi kajuudiʔɛlɛ cògí gèle níɛ ki míɛni kpínʔini gàa ki 'wi dɛ́ni gè.

Tìɛlɛ 2:24

« ‹M'bé sí ki juu yeli mɛ́ yeli sɛnminɛ bálì bīɛlɛ baa Tiyatiiri kàʔa mɛ́ gè yiyè taʔa ki cuɔ ŋáà wi tɛnmɛnɛ nɛ̄ lèʔ, nɛ̀ pínɛ yeli sì ki cɛ́nʔ gàa pe ye Setɛni kalarikpoliyo yèʔ, kire nɛ̄ mi sǐ ní tugoro táà taʔa yeli nɛ̄ʔ.