Luku 11:51 - Sénoufo Nyarafolo

⁵¹ nɛ̀ ki líɛ Abɛli kpúʔu nɛ̄ gè fúɔ nɛ̀ sɛ́nì nɔ̀ Zakarii kpúʔu nɛ̄ gè, bɛ̀ pe cé wi kpúu gbùʔɔrɔdiʔɛ nɛ́ Kulocɛliɛ Kòridiʔɛ sunʔɔmɔ ní bè wè. ʔaan, m'bé ki juu yeli mɛ́, ki kàyuʔu kiì je ga kò ga kiì juu pàngɛ siɛnnɛ nɛ̄ bèleʔ.

Luku 11:51 Iomraidhean Croise

Sélimɛ 4:2

A wi ń'nɛ̀ laala láà taa nɛ́ Kayɛn cɔni Abɛli sii wè. A Abɛli pɛ́nì kò sìnbanaʔawa, á Kayɛn 'kò tàfaliwɛ.

Matiye 23:35

Kire 'ki bé ki kɛn siɛnsinminɛ sìsiɛn gáà pe 'wo dàala nɛ̄ lè, ti 'kò yeli nyùgo wori; peli bīɛlɛ bìli pe mìɛni yeli 'kpúu bèle, nɛ̀ ki líɛ Abɛli kpúʔu nɛ̄ gè siɛnsinwɛ wè, fúɔ nɛ̀ sɛ́nì nɔ̀ Zakarii kpúʔu nɛ̄ gè Baraki jaa wè; wire yeli 'kpúu Kulocɛliɛ Gbùʔɔrɔsaʔa sunʔɔmɔ nɛ́ Kulocɛliɛ gbùʔɔrɔdiʔɛ sunʔɔmɔ ní bè.

Eburulo 11:4

Tɛ́ngɛlɛ kɛnmɛ nɛ̄ bè, a Abɛli 'kakuɔrɔ yakɔnrɔ kɛn dè Kulocɛliɛ mɛ́ wè dàa ti 'nyuɔ nɛ̀ tóri Kayɛn wori nɛ̄ dè. Wi tɛ́ngɛlɛ lire kɛnmɛ nɛ̄ bè a Kulocɛliɛ 'ki juu nɛ́ jo wi nyɛ́nì sín, nɛ̀ wi míɛtanʔa yeri gè wi yakɔnrɔ kɛnmɛ nɛ̄ bè. Abɛli wi 'kùu, nɛ̀ ki yaʔa wi kakpiʔiligele kiyē nɛ nyu nɛ tíin wi tɛ́ngɛlɛ kɛnmɛ nɛ̄ bè.

Eburulo 12:24

Nɛ́ míɛni yeli nyɛ́nì sìʔɛrɛ nɛ̀ kpɔni Zezi nɛ̄ wè, nyakungɛngɛ fɔngɔ kàsuluwo wè, nɛ́ wi sìsiɛn ní gè gàa ki 'nyɛri nyɛri gè, a kiī nɛ sɔ́migi nɛ nyu nɛ tóri Abɛli wuʔu nɛ̄ gè.

Zan 1 3:12

Kiì yɛli we- puu bɛ̀ Kayɛn tíɛlɛʔ, wire ŋáà wi 'puu Sìpiiwe wuu wè, á wi 'wi cɔni kpúu wè. Gáa sí nɛ́ wi cé wi kpúu ? Wi kakpiʔiligele ke cé pii wī, nɛ̀ ki yaʔa wi cɔni wuʔulo keli cé sín.