Luku 11:4 - Sénoufo Nyarafolo

⁴ Weli kapiʔile yaʔa gèle weli nɛ̄, majo mɛni weli míɛni bèle weli nɛ ki yɛri bìli nɛ̄ pe 'kapiʔile kpíʔile weli nɛ̄ bèle. Fǎga ki yaʔa weli tuu puuwelige nīʔ.› »

Luku 11:4 Iomraidhean Croise

Sélimɛ 48:16

nɛ́ Kulocɛliɛ tundunwɔ ŋáà wi 'mi suɔ kapiʔile mɛ́ gèle. Wi‑ diba taʔa wè nàgabigele gálì nɛ̄ gèle, kire ga buu siɛnnɛ peri sɔ̀ngí de taʔa nɛ́ mi míʔɛ ní gè, nɛ́ mi tuuliʔɛ Birayima wi míʔɛ ní gè, nɛ́ mi tuu Siaga ní wè, peli kɛnmɛ nɛ̄. Pe‑ sii pe niʔɛ kùlo ni mìɛni nī !»

Ŋúnuyɔ 121:7

Yewe béri muɔ wéli kapiʔi ki mìɛni nɛ̄; wi béri muɔ sìi wéli wè.

Ŋúnuyɔ 25:11

Muɔ míʔɛ kire kɛnmɛ nɛ̄ bè, Yewe, ma sí mi kapiʔile kàsulugo suɔ gè, bɛ̀ kiyē nìʔɛgɛlɛ gèle.

Ŋúnuyɔ 25:18

‑Mi wéli mi wuʔɔgɔ nī gè nɛ́ mi fùrɔgɔ ní gè, má sí mi kapiʔile ke mìɛni yaʔa mi nɛ̄.

Matiye 18:35

Kire kɛnmɛ báà pire nɛ̄ mi Tuu wi bága ki kpíʔile nɛ́ yeli ní, mi Tuu ŋáà wī baa nyìʔɛnɛ nī lè, a yeli wè ki yɛri yeli siinyɛni nɛ̄ wè nɛ́ yeli fungo ki mìɛni ní gèʔ.»

Matiye 26:41

Ye- kò nyɛminɛ yeri náari, gìi ki bé tí yeli fǎga tuu Setɛni puuwelige nī gèʔ. Siɛn pìle lire tɔ̀ni nɛ cɛ̀ngɛ sɔ̀ngí; céri fànʔa kire ki 'cɛ́ri.»

Luku 11:5

A wi 'pe yɛ: «Yeli nī bèle ŋíi wī bile a siɛn wi nàgori wi 'kɛ́ wi kúrugu, ki ní nyìjaliɛlɛ nɛ̄, nɛ̀ sɛ́nì wi yɛ: ‹Nàgori, búrulo taanri fuʔɔ le mi nɛ̄.

Luku 13:4

«Nɛ̀ pínɛ, siɛnnɛ kiɛ nɛ́ kataanri bílì nɛ̄ saakpaʔaligɛ ki cé kaa nɛ̀ tuu Silowe tiʔɛ nī gè nɛ̀ pe kpúu bèle, yeli nɛ sɔ̀ngí peli cé pii nɛ̀ tóri siɛnnɛ pe mìɛni nɛ̄ bèle wī lé, baa Zerizalɛmi kàʔa nī gè lé ?

Luku 22:46

A wi 'pe yɛ: «Yeli nɛ ŋɔ́ni wī lé ? Ye- yɛ̀ yeri Kulocɛliɛ náari, gìi ki bé tí yeli fǎga tuu Setɛni puuwelige nī gèʔ.»

Luku 8:13

Dìi dī sìndɛnigɛ nɛ̄ gè, tire 'nyaa bàli pe sî siɛnrɛ lúʔu dè níɛ̀ ti cò nɛ́ fundaanra ní dè, nɛ̀ sí ki yaʔa piyè nìre wáaʔ. Peli tɛ́ngɛlɛ ni sî puu lɛ̀lɛ cɛ̀ri woli wī. A puuwelige kɛ́nì nɔ̀ pe nɛ̄ bèle, pe nɛ̂ yiri tɛ́ngɛlɛ nī lè.

Zezi Kirisi Kataanna Siɛnrɛ dè Zan juumɔ nɛ̄ bè 17:15

«Mi wè nɛ muɔ náari ma pe yige duniya nī wè wīʔ, mi nɛ muɔ náari mari pe suu Sìpiiwe mɛ́ wè.

Korɛntiyé 1 10:13

Puuwelige káà sì je yeli taaʔ, nɛ̀ yiri gàa ki nɔ̀gí siɛnnɛ nɛ̄ bèleʔ. Kulocɛliɛ wi sí yē baa wi nyayerigele nī gèle. Wiǐ gá tí puuwelige káà yeli taaʔ gìi nɛ̄ yeli sǐ gbɛ̀ jáa gèʔ. Gìi ki 'cɛ́n gè, a puuwelige ki 'pɛn gè, Kulocɛliɛ wi bé yeli yiridiʔɛ kɛn gè, gìi ki bé tí ye gbɛ̀ ki kpàri bè cò.

Kolɔsiyé 3:13

Ye- funyɔ nyígi yè yìye kúrugu, yeri ki yɛri yìye nɛ̄. A ki nɛ́ cɛ́nì nyaa kaala yē wàa fungo nī wi siinyɛni kúrugu wè, siɛn wi- ki yaʔa. Bɛ̀ Kàfɔli wi 'ki yaʔa yeli nɛ̄ bèle, yeli míɛni bèle yeri ki yɛri yìye nɛ̄.

Tesalonikiyé 2 3:3

Gìi ki 'cɛ́n gè, Kàfɔli wire yē tɛ́ngɛmɛ siɛn. Wire wi bé ŋɔri nyɔ́gɔ yeli nī, bé sí de yeli suu Sìpiiwe mɛ́ wè.

Timote 2 4:18

Kàfɔli wi bága mi píle bè suɔ siɛnnɛ kapiigbiʔiligele ke mìɛni mɛ́, bè mi suɔ kire ga buu mi- jíin wi kùlofɔligɔ nī gè baa nyìʔɛnɛ nī lè. Wire nɛ̄ kpuɔmɔ pi 'yɛli súuri ! Ki- taa ki puu bɛ̀  !

Zaki 2:13

Á kire 'laa wè, kàyuʔujuujɛngɛ gè, siɛn ŋíì wiì puu nɛ nyinimɛ tari wèʔ, Kulocɛliɛ wiǐ ga nyinimɛ taa ki siɛn nɛ̄ wèʔ. Nɛ̀ sí ki taa nyinimɛ pi ŋɔri ti 'tóri kàyuʔu nɛ̄ gè.

Tìɛlɛ 2:10

Fàri fìʔɛʔ wuʔɔgɔ gáà ki báan muɔ mɛ́ gèʔ. «Ki 'nyaa gbòdolilo kàfɔli wiī nɛ ki caa bè yeli pálì wáa kasuu nī bè yeli siʔɛ bè wéli; yeli bé wuʔɔgɔ suɔ bè taa cɛnyɛ kiɛ. Kò baa muɔ nyayerigele nī gèle bè taa muɔ pa kùu, bà m'bága kpuʔɔrɔ ndɔ̀ngɔ kɛn gè muɔ mɛ́ sìi wuʔu gè.

Tìɛlɛ 3:10

«Bɛ̀ muɔ 'lèbaanna le nɛ̀ mi siɛnrɛ cò dè wè, bɛ̀ mìɛni m'bága de muɔ wéli a puuwelige lɛ̀lɛ ni kɛ́nì nɔ̀ lè. Ki lɛ̀lɛ niī nɛ báan, ni bága pa tuu duniya wuulo pe míɛni nɛ̄ bèle, bè wuʔɔgɔ cáan dàala wuulo nɛ̄ bèle.