Luku 11:2 - Sénoufo Nyarafolo

² A wi 'pe yɛ: «A yeli je náari wè, ye jo: ‹Weli Tuu Kulocɛliɛ, siɛn ó siɛn 'yɛli bèri muɔ míʔɛ kpóri gè, muɔ wī Kulocɛliɛ wè. Muɔ Kùlofɔligɔ ki de báan !

Luku 11:2 Iomraidhean Croise

Ŋúnuyɔ 103:20

Yeri kpuʔɔrɔ tari dè Yewe nɛ̄, yeli bálì bīɛlɛ wi nyìʔɛnɛ tundunminɔ bèle, yeli bálì bīɛlɛ ŋɔbiire ní dè níɛ wi kajuʔulo forigi gèle níɛ lúru wi siɛnrɛ mɛ́ dè !

Ŋúnuyɔ 108:5

Nɛ́ ki cɛ́n muɔ bànguɔ dɛ́nigɛ ki 'kpúʔɔ nɛ̀ tóri fúɔ nɛ̀ sɛ́nì jíin nyìʔɛnɛ nī lè, a muɔ kányiʔɛ kaala ni 'yɛ̀ nɛ̀ kpàʔala nɛ̀ tóri kàsadibarɛ nɛ̄ dè.

Ŋúnuyɔ 11:4

Yewe wiī baa wi nàkpaanjɛngɛ nī gè, wiī tɛ́niwɛ wi kùlofɔlilɔ kácunʔɔ nɛ̄ gè nyìʔɛnɛ nī lè. Wi nyapigele kiyē nɛ nyaʔa; wiī nɛ lewiile ciʔige bèle nɛ wéli.

Ŋúnuyɔ 57:11

Nɛ́ ki cɛ́n muɔ bànguɔ dɛ́nigɛ ki 'kpúʔɔ nɛ̀ tóri fúɔ nɛ̀ nɔ̀ nyìʔɛnɛ nɛ̄ lè, a muɔ kányiʔɛ ki 'yɛ̀ nɛ̀ kpàʔala nɛ̀ tóri kàsadibarɛ nɛ̄ dè.

Leviiyé 10:3

A Misa 'ki juu Arawɔn mɛ́ nɛ́ jo: «Dàa tire dī Yewe cé juu lɛ̀lɛ líì nī wi 'jo, ‹Bàli pe 'sìʔɛrɛ nɛ̀ kpɔni mi nɛ̄ wè, pe 'yɛli bè ki cɛ́n dí mi yē tiɛlɛ fùn, bà kpuʔɔrɔ bè taʔa mi nɛ̄ siɛnnɛ pe mìɛni nyaamɛ nɛ̄ bè.› » A Arawɔn 'pìiri.

Leviiyé 22:23

«Nùɔ wè, kire ga laa sìnbuɔ wè, á kire bɛ̀ʔ síkpuɔ wè, a wi yaliige káà 'tɔni kàa nɛ̄ gè, muɔ bé gbɛ̀ pɛn nɛ́ kire yajuʔu ní gè bè ki kɛn kinɛdɛnigɛ yakɔngɔ, nɛ̀ ki yaʔa kiǐ gbɛ̀ puu nyakungɛngɛ wuʔuʔ.

Matiye 10:32

«Siɛn ó siɛn wi 'yéri ki nɛ̄ siɛnnɛ yiʔɛ mɛ́ gè nɛ̀ jo wire yē mi wuu wè, mi míɛni bága wi wuʔu juu gè bè yige mi Tuu wi yiʔɛ mɛ́ gè, mi Tuu ŋáà wī nyìʔɛnɛ nī lè, bé jo wiī mi wuu.

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Matiye 5:16

Kire nɛ̄, ye- tí yeli kpìɛnmɛ pi de càanná siɛnnɛ yiʔɛ mɛ́ gè, gìi ki bé tí peri yeli kacɛ̀ngɛlɛ nyaʔa gèle, bé sí de kpuʔɔrɔ tari yeli Tuu nɛ̄ wè, ŋàa wī baa nyìʔɛnɛ nī lè.

Luku 11:1

Cɛngɛ káà Zezi wi 'puu nɛ náari baa tiʔɛ káà nī. Bà wi kɛ́nì kúɔ wè, a wi pìtɛnmɛwɛ wáà 'wi yɛ: «Kàfɔli, -weli tɛnmɛ náarigɛnmɛ nɛ̄ bè, bɛ̀ Zan tíɛlɛ wè wi 'wi pìtɛnmɛnɛ tɛnmɛ bèle wè.»

Wurɔmiyé 1:7

Yeli ye mìɛni bálì bīɛlɛ baa Wurɔmi kàʔa mɛ́ gè, yeli mɛ́ mi nɛ siɛnrɛ dáà sɛbɛ dè nɛ tórigi: yeli woli ni 'Kulocɛliɛ dɛ́ni wè, a wi 'yeli yeri ye- puu wire wuulo. Kulocɛliɛ wè weli Tuu wè, nɛ́ Kàfɔli Zezi Kirisi ní wè, pe- kpuʔɔrɔ taʔa yeli nɛ̄, nɛ́ yanyige ní gè.

Wurɔmiyé 8:15

Nɛ́ ki cɛ́n Kulocɛliɛ Pìle náà nī yeli nī bèle, ni wè ki mɛ́ bè yeli kpíʔile sùkuloloʔ, bèri fíɛrɛ cògí yeli nɛ̄ wīʔ. Ki 'nyaa kire Pìle náà lire ni 'yeli kpíʔile a yeli 'kò Kulocɛliɛ pìile. Kire Pìle lire ni 'tí weli nìɛ yékpoli wáari Kulocɛliɛ mɛ́ wè, níɛ̀ jo: «Tuufɔli Aba yo !»

Korɛntiyé 1 1:3

Weli Tuu Kulocɛliɛ nɛ́ Kàfɔli Zezi Kirisi kpuʔɔrɔ nɛ́ wi yanyige ki- puu yeli nɛ̄.

Korɛntiyé 2 1:2

Kulocɛliɛ wè, wire ŋáà wī weli Tuu wè, nɛ́ Kàfɔli Zezi Kirisi ní wè, pe- kpuʔɔrɔ taʔa ye nɛ̄, pe- yanyige kɛn ye mɛ́.

Galasiyé 1:4

Zezi wi 'wìi kɛn nɛ̀ kùu weli kapiʔile kɛnmɛ nɛ̄, a kire 'tí a wi 'weli píle nɛ̀ suɔ yiribiile náà mɛ́ lè. Kire 'kpíʔile nɛ̀ yɛli nɛ́ weli Tuu Kulocɛliɛ nyɛ́ni kaala ní lè.

Efɛziyé 1:2

Kulocɛliɛ wè weli Tuu wè, nɛ́ Kàfɔli Zezi Kirisi ní wè, pe- kpuʔɔrɔ nɛ́ yanyige kɛn ye mɛ́.

Filipiyé 1:2

Weli Tuu Kulocɛliɛ wè nɛ́ Kàfɔli Zezi Kirisi ní wè, pe- kpuʔɔrɔ nɛ́ yanyige kɛn yeli mɛ́.

Filipiyé 4:20

Kpuʔɔrɔ ti 'yɛli Kulocɛliɛ nɛ̄, weli Tuu wè, lɛ̀gɛlɛ ke mìɛni nī. Ki- taa ki puu bɛ̀.

Kolɔsiyé 1:2

wi 'siɛnrɛ dáà sɛbɛ dè nɛ̀ tórigo Kulocɛliɛ wuulo mɛ́ bèle, bàli bīɛlɛ baa Kolɔsi kàʔa mɛ́ gè, peli nɛ́ we siinyɛninɛ ní bèle peli bálì pe 'yéri nɛ̀ sìɛn nɛ Kirisi koligo tári gè cɛ̀ngɛ wè. Weli Tuu Kulocɛliɛ wè, wi- wi kpuʔɔrɔ taʔa dè ye nɛ̄, nɛ́ wi yanyige ní gè.

Tesalonikiyé 1 1:1

Mi Pɔli wè, nɛ́ Silasi ní wè, nɛ́ Timote ní wè, weli 'sɛbɛ ŋáà tórigo wè yeli mɛ́ tɛ́ngɛfɔlilɔ gboli náà nī baa Tesaloniki kàʔa mɛ́ gè, yeli bálì bīɛlɛ pínɛnyɛnigɛ nɛ̄ nɛ́ weli Tuu Kulocɛliɛ ní wè nɛ́ Kàfɔli Zezi Kirisi ní wè. Kpuʔɔrɔ nɛ́ yanyige ki- puu yeli nɛ̄.

Tesalonikiyé 1 1:3

Tɛ́ngɛlɛ kakpiʔiligele gálì yeli nɛ kúu gèle, nɛ́ baara dáà yeli 'kúɔ dɛ́nigɛ kɛnmɛ nɛ̄ bè, nɛ̀ pínɛ bɛ̀ yeli 'lèbaanna le nɛ̀ yeli sɔ̀ngirɔ taʔa dè kpuʔɔ Kàfɔli Zezi Kirisi nɛ̄ wè, weli nɛ sɔ̀ngí nɛ tari nɛ́ kire gáà ki mìɛni ní gè lɛ̀lɛ ó lɛ̀lɛ weli Tuu Kulocɛliɛ yiʔɛ mɛ́ gè.

Tesalonikiyé 2 2:16

Weli Kàfɔli Zezi Kirisi wire tíimɛ wè, nɛ́ weli Tuu Kulocɛliɛ ní wè, wire ŋáà wī weli woli ni 'wi dɛ́ni wè, nɛ̀ pínɛ wi 'nàzorido nyɔ́gɔ weli nī bànguɔ wori dè, nɛ́ sɔ̀ngirɔ taʔadiʔɛ cɛ̀ngɛ kɛn weli mɛ́ wi kpuʔɔrɔ tire kɛnmɛ nɛ̄ bè,

Tìɛlɛ 11:15

A nyìʔɛnɛ tundunwɔ kɔlisiinwuu wi 'wi kàkpanʔa wíi gè, a yékpuʔulo kálì 'juu baa kpuʔɔ nyìʔɛnɛ nī lè nɛ́ jo: «Píra ŋáà nī wè, duniya kùlofɔligɔ ki 'kò weli Kàfɔli wi wuʔu, wire nɛ́ wi Siɛnnyiɛnɛgɔnwɔ ní wè ! Wi bé tɛ́ni fànʔa nɛ̄ gè súuri, wi fànʔa kiǐ je ga kúɔ bè nyaaʔ !»

Tìɛlɛ 15:4

Ŋáasiɛn wi bé kò wi fǎri muɔ fìʔɛ́ʔ, Kàfɔli, wi fǎri kpuʔɔrɔ tari muɔ míʔɛ nɛ̄ gè wèʔ ? Nɛ́ ki cɛ́n muɔ nigbe wī tiɛlɛ fùn wè. Kùlogolo ke mìɛni béri báan de tun muɔ yiʔɛ mɛ́ gè bèri muɔ gbùʔɔrɔ́, nɛ̀ taʔa gíi nɛ̄, pe mìɛni nyɛ́nì muɔ kàyuʔujuugɛnmɛ nyaa bè, piī sìɛnbɛ.»

Tìɛlɛ 19:6

A mi 'tùnmɔ páà lúʔu bɛ̀ siɛnniʔɛmɛ tùnmɔ tíɛlɛ, ki ní bɛ̀ lakpuʔɔ tùnmɔ tíɛlɛ nɛ̀ pínɛ; ki 'puu nɛ̀ pínɛ muɔ bé jo kàsakpɛnigɛ ki kpɛ̀ní kpuʔɔ nɛ taʔala. Pe 'puu nɛ nyu níɛ wáa: «Ye- Yewe gbùʔɔrɔ wè  ! Nɛ́ ki cɛ́n weli Kàfɔli Kulocɛliɛ wi 'tɛ́ni fànʔa nɛ̄ gè, wire wī Fànʔa ki mìɛni Kàfɔli wè !

Tìɛlɛ 20:4

A mi 'kùlofɔlilɔ kácuɔnyɔ yáà nyaa. Bìli pe 'puu tɛ́ninɛ yi nɛ̄ yè, a pe 'kàyuʔu ki siɛnrɛ kɛn dè pe mɛ́. Siɛnnɛ bílì nyùyɔ pe yé celile nɛ́ kágbaʔa ní gè Zezi wire wori ti juʔu kɛnmɛ nɛ̄ bè nɛ́ Kulocɛliɛ Siɛnrɛ ti kɛnmɛ nɛ̄ bè, nɛ́ bìli piyè cé fɔ̀li nɛ̀ nyàʔayɛgɛ gbùʔɔrɔ gèʔ nɛ́ ki yafanʔa gáà gī wi líɛrɛ dèʔ, nɛ́ bìli pe 'puu fìɛ wiì cé tɛ́ngɛ pe gbɛgɛlɛ nɛ̄ gèle nɛ́ pe kiyɛ ní yè wèʔ, a mi 'pe nyaa a pe 'nyɛ́ nɛ̀ yiri, nɛ̀ tɛ́ni fànʔa nɛ̄ gè nɛ́ Kirisi ní wè nɛ̀ taa yiʔɛlɛ sirakogunɔ (1 000).