Luku 11:10 - Sénoufo Nyarafolo

¹⁰ Ki 'nyaa siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

Luku 11:10 Iomraidhean Croise

Ŋúnuyɔ 31:22

Kpuʔɔrɔ 'yɛli ti‑ taʔa Yewe nɛ̄, nɛ́ ki cɛ́n wi nyɛ́nì kacɛ̀ngboliyo kpíʔile m'mɛ́ wi bànguɔ dɛ́nigɛ kire kɛnmɛ nɛ̄ bè, bà mi 'puu kàʔa nī gè gàa kapiɛngbuɔnnɔ pe 'màʔa nɛ̀ suʔu gè.

Matiye 5:42

A siɛn 'muɔ náari, ma wi kɛn; ma fǎga sí kàduʔu wáa siɛn ŋíì mɛ́ wi 'jo ma wire cin wèʔ.»

Matiye 7:8

Nɛ̀ taʔa gíi nɛ̄, siɛn ó siɛn wi náari wi nɛ̂ taa, ŋìi wi caa wi nɛ̂ nyaa, a ŋìi nɛ kɔ̀ri kóli gè, pe nɛ̂ ki múgu wi mɛ́.

Luku 11:11

Yeli nī bèle, tuufɔli ŋíi wī baa a wi jaa wi 'wi náari fúɔ nɛ̄ wè, wi nɛ̂ wɔ̀bugɔ kɛn wi mɛ́ fúɔ larigɛ nī gè ?

Luku 11:9

«Kire nɛ̄ m'bé ki juu yeli mɛ́, yeri náari, yeli bé taa; yeri caa, yeli bé nyaa; yeri kɔ̀ri kóli gè, pe bé ki múgu yeli mɛ́.

Luku 18:1

A Zezi wi 'kàsiile láà wáa nɛ̀ wi pìtɛnmɛnɛ kɛn bèle bè ki tìɛ dí siɛn 'yɛli bèri náari súuri sìnvurɔ nī, pe fǎa ga jo peli 'fùrɔʔ.

Zaki 4:3

Yeli nɛ náari, yeli sí wè yafiɛn taʔaʔ. Nɛ̀ taʔa gíi nɛ̄, yeli náarigɛnnɛ niì nyuɔʔ. Yeli cî nɛ náari, a yeli 'ki taa wè bé sí de yeli kanɛdanʔana kpínʔini gèle nɛ́ ki ní nī wī.

Zaki 5:11

Ye- ki wéli kìɛ, bìli bīɛlɛ kpàricogofɔlilɔ bèle, weli nɛ pe wori nyu dè nɛ́ jo piyē fundaanra nɛ̄. Kɛnmɛ bíì nɛ̄ Zɔbi wi cé fùrɔgɔ kpàri gè nɛ̀ cò gè, yeli 'ki wori lúʔu dè nɛ̀ pínɛ gìi Kàfɔli wi cé kɛ́nì kpíʔile wi mɛ́ kúɔmɔ mɛ́ bè yeli 'ki cɛ́n. Ki 'nyaa Kàfɔli wi fungo ki 'nyuɔ kpuʔɔ, nɛ̀ pínɛ wiī nɛ nyinimɛ tari.