Luku 11:1 - Sénoufo Nyarafolo

¹ Cɛngɛ káà Zezi wi 'puu nɛ náari baa tiʔɛ káà nī. Bà wi kɛ́nì kúɔ wè, a wi pìtɛnmɛwɛ wáà 'wi yɛ: «Kàfɔli, -weli tɛnmɛ náarigɛnmɛ nɛ̄ bè, bɛ̀ Zan tíɛlɛ wè wi 'wi pìtɛnmɛnɛ tɛnmɛ bèle wè.»

Luku 11:1 Iomraidhean Croise

Ŋúnuyɔ 10:17

Yewe yo, gàa wuʔɔgɔfɔli wi caa gè, muɔ nyɛ́nì ki cɛ́n ! Muɔ nɛ lèbaanna nyɔ́gi wi nī, níɛ lúru wi mɛ́.

Ŋúnuyɔ 19:14

ʔaan, nɛ̀ pínɛ ‑mi suɔ nìɛnyiɛnigɛ sɔ̀ngirɔ mɛ́ dè, kire ga buu ti fǎga fànʔa taa mi nɛ̄ʔ. Bà m'bé puu nɛ́ funviige ní nɛ́ tiɛlɛ fùn bè suɔ tuudiɛlɛ mɛ́ lè.

Luku 10:42

Kaala nigbe ni nyɛ́nì kpúʔɔ. Maari wire nyɛ́nì kacɛ̀nnɛ nyíɛnɛ lè nɛ̀ kɔ̀n; niì je ga tíi bé suɔ wi mɛ́ʔ.»

Luku 11:2

A wi 'pe yɛ: «A yeli je náari wè, ye jo: ‹Weli Tuu Kulocɛliɛ, siɛn ó siɛn 'yɛli bèri muɔ míʔɛ kpóri gè, muɔ wī Kulocɛliɛ wè. Muɔ Kùlofɔligɔ ki de báan !

Luku 6:12

Ki cɛnyɛ nyáà nī yè, a Zezi wi 'kɛ́ nyagurugo naamɛ gè nɛ̀ sɛ́ni Kulocɛliɛ náari. A wi 'kò baa nɛ̀ náari nɛ̀ kpìɛnmɛ tuu.

Luku 7:13

Bà Kàfɔli wi 'cɛliwɛ ŋáà nyaa wè mmɛ gè, a wi nyinimɛ 'wi taa. A wi 'cɛliwɛ yɛ wè: «Fǎri nyɛniʔ !»,

Luku 7:19

nɛ̀ pe tun baa Kàfɔli mɛ́ wè nɛ́ jo pe sa wi yúgo: «Muɔ wī lé ŋàa wi cé yɛli bága pɛn wè, á kire 'laa weri wàa wiiyɛ siri de tíin lé ?»

Luku 9:18

Làa nɛ̄ Zezi wi 'puu nɛ Kulocɛliɛ náari larigɛ káà nī; wi pìtɛnmɛnɛ pe 'puu baa wi ní. A wi kɛ́nì pe yúgo nɛ́ jo: «Siɛnnɛ piyē nɛ wáa dí mi yē ŋáasiɛn ?»

Luku 9:28

Cɛnyɛ kataanri felige 'tóri kire kàduʔumɛ gè, a Zezi wi 'Piɛri kɔ́ri, wire nɛ́ Zan nɛ́ Zaki, a pe sɛ́nì tánʔa nyagurugo naamɛ gè bàa Kulocɛliɛ náari.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.

Zudi 1:20

Nɛ siinyɛninɛ, ye- ŋɔri nyɔ́gɔ yìye nī yeli gboli nī lè, yeri waa yiʔɛmɛ yeli tiɛlɛfun tɛ́ngɛlɛ nī lè. Kulocɛliɛ Pìle ni- yeli yiʔɛ kíni yeli náariyɛ nī yè.