Luku 10:9 - Sénoufo Nyarafolo

⁹ A yaala yē baa ye- pe puʔɔ, yé sí pe yɛ: ‹Kulocɛliɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.›

Luku 10:9 Iomraidhean Croise

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Matiye 4:17

Kire lɛ̀lɛ nī lè a Zezi wi séli nɛ Kulocɛliɛ siɛnrɛ jáari dè nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.»

Mariki 4:30

A Zezi wi 'fali nɛ̀ pe yɛ: «Gáa felige ní we bé gbɛ̀ Kulocɛliɛ Kùlofɔligɔ tɔ́nminɔ gè ? Kàsiile níi we bága wáa dí ni sí Kulocɛliɛ Kùlofɔligɔ kɛnmɛ tìɛ bè ?

Mariki 6:13

Pe 'puu nɛ gbòdolilo cìrá bèle nɛ yigi siɛnnɛ nī bèle, níɛ sùnmɔ pɔ̀li yaakpɔlilɔ sáa nɛ̄ nɛ pe pori.

Luku 10:10

A yeli sí sɛ́nì jíin kàʔa káà nī, á piyè yeli tìrige nabɔnrɔ nɛ̄ dèʔ, ye- kɛ́ kàʔa ki kogboliyo nī yè ye- sari ki nyu ye jo:

Luku 10:11

‹Yeli kàʔa cúbugo gáà tíimɛ ki 'tári weli tɔliyɔ nɛ̄ yè, weli ki 'cúru nɛ̀ wáa yeli kúrugu. Ye- sí ki cɛ́n, Kulocɛliɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.›

Luku 9:2

Nɛ̀ pe tun pe sari Kulocɛliɛ Kùlofɔligɔ ki wori jáari dè bé sí de yaala pori bèle.

Zezi Kirisi Kataanna Siɛnrɛ dè Zan juumɔ nɛ̄ bè 3:3

A Zezi wi 'wi yɛ: «M'bé ki juu muɔ mɛ́ kányiʔɛ nɛ̄, a siɛn sì koli nɛ̀ sii fɔnwɔ wèʔ, ki siɛn wiǐ gbɛ̀ jáa bè Kulocɛliɛ Kùlofɔligɔ nyaa gèʔ.»

Zezi Kirisi Kataanna Siɛnrɛ dè Zan juumɔ nɛ̄ bè 3:5

A Zezi wi 'wi yɛ: «M'bé ki juu muɔ mɛ́ kányiʔɛ nɛ̄, a siɛn ŋíì sì sii luʔɔ nɛ́ Kulocɛliɛ Pìle fànʔa nɛ̄ gèʔ, siɛn wiǐ gbɛ̀ jíin Kulocɛliɛ Kùlofɔligɔ nī gèʔ.

Kakpiʔiligele 28:28

A Pɔli wi sí pe yɛ: «Ye- sí ki cɛ́n sî: Kulocɛliɛ wi 'siɛn suɔlɔ wori dáà tórigo dè kùlogolo kálì wuulo mɛ́. Peli bèle, pe bé ti lúʔu.»

Kakpiʔiligele 28:31

Wi 'puu nɛ Kulocɛliɛ Kùlofɔligɔ wori nyu dè nɛ mári, níɛ siɛnnɛ tɛnmɛ bèle Kàfɔli Zezi Kirisi koligo nɛ̄ gè nɛ́ tɛ́ngɛlɛ ní. Wiì puu nɛ fìʔɛ́ yafiɛn nɛ̄ʔ.