Luku 10:7 - Sénoufo Nyarafolo

⁷ Ye- kò baa ki saʔa nī gè, yeri líi nɛ́ saʔa wuulo ní bèle; a pe 'yeli kɛn nɛ́ yɛgɛ ó yɛgɛ ní, yeri ki káa; yakaʔa gī yo, yagbuʔɔ gī yo, yeri gbun. «Ki 'nyaa baakuɔwɔ wi 'yɛli nɛ́ wi sàri ní wè. Ye fǎri jíin de mári saaya nī yèʔ.

Luku 10:7 Iomraidhean Croise

Tɔ́rilɔ 18:31

Yeli bé gbɛ̀ ti káa nɛ́ yeli nariyɛ ní yè tiʔɛ ó tiʔɛ nī, nɛ́ ki cɛ́n tire dī yeli sàri wè, baara dáà yeli nɛ kúu Kpàlidiʔɛ Kpátaʔa nī gè.

Mariki 6:10

Nɛ́ fali nɛ̀ ní nɛ̀ pe yɛ: «A yeli sɛ́nì tìrige saʔa ó saʔa nī, ye- kò baa ki saʔa nī gè fúɔ bè taa yeli pa yiri baa.

Luku 10:6

A yanyige siɛn yē baa ki saʔa nī gè, yeli yanyige ki bé kɛ́ wi kúrugu, á kire bɛ̀ʔ wè, ki bé koli bè pɛn yeli mɛ́.

Luku 9:4

A ki 'nyaa yeli sɛ́nì tìrige saʔa ó saʔa nī, ye- kò baa kire tiʔɛ nī gè fúɔ bè taa yeli ga pa yiri baa.

Kakpiʔiligele 16:15

fúɔ a wi cɛ́nì batɛmi kpíʔile wè, wire nɛ́ wi saʔa wuulo ní bèle. A wi 'weli fiɛn nɛ́ jo: «A ki yē yeli 'ki nyaa mi tɛ́ngɛlɛ ni 'yɛli baa ni tiʔɛ nī gè Kàfɔli nī wè, yeri báan ye pa kò náʔa mi saʔa mɛ́ gè.» A wi 'weli ŋàʔana fúɔ nɛ̀ taa a weli pɛ́nì yéri ki nɛ̄.

Kakpiʔiligele 16:34

A wi 'kúɔ nɛ́ Pɔli nɛ́ Silasi kɔ́ri bèle a pe 'kɛ́ nɛ̀ sɛ́nì lìi wi kpáa mɛ́, nɛ́ sí ki fundaanra kpíʔile dè nɛ́ wi kpáa wuulo ní bèle, bɛ̀ wire 'tɛ́ngɛ Kulocɛliɛ nɛ̄ wè.

Kakpiʔiligele 16:40

Bà pe 'yiri kasuusaʔa nī gè, a pe 'kɛ́ Liidii kpáa mɛ́. A pe sɛ́nì tɛ́ngɛfɔlilɔ nyaa bèle baa, a pe 'siɛnrɛ juu nɛ̀ lèbaanna nyɔ́gɔ pe nī, nɛ́ yiri nɛ̀ kɛ́.

Galasiyé 6:6

Siɛn ŋíì pe nyɛ́ni tɛnmɛ Kulocɛliɛ siɛnrɛ nɛ̄ dè, siɛn míɛni wiri wi tɛnmɛfɔli kanʔa wè wi kɔliyɛrɛ ti mìɛni nɛ̄.

Fànʔa Kajuʔulo 12:12

Kire tiʔɛ nī yeli bé fundaanra kpíʔile Yewe yeli Kulocɛliɛ yiʔɛ mɛ́ gè, yeli nɛ́ yeli jaala ní bèle nɛ́ yeli pórilo ní bèle, nɛ́ yeli baakuɔlɔ ní bèle, nàguɔlɔ nɛ́ cɛlilɛ ní bèle, nɛ́ Leviiyé ní bèle bàli pe bé puu tɛ́ninɛ yeli kàaya nī yè, nɛ́ ki cɛ́n dàala yafiɛn wè pe mɛ́ kɔrigɔʔ yeli sunʔɔmɔ nī bèʔ.

Fànʔa Kajuʔulo 18:8

Wi béri wi yaliire liɛlɛ tari lè ni- puu nunɔ nɛ́ bìli pe woli ní lè. Nɛ̀ taʔa kire nɛ̄ gè, a wi 'yakaa pári gàa gī wi kɔrigɔ yɛgɛ gè, kire wali míɛni wi bé puu wi wuu.»

Timote 1 5:13

Bɛ̀ pe wè nɛ yakaa kúu wèʔ, pe nɛ̂ kò nɛ̂ nyaari kpáaya nī yè. Kire yákuɔ bɛ̀ʔ, bɛ̀ pe wè nɛ yakaa kúu wèʔ, pe nìɛ siɛnniʔɛrɛ nyu nɛ mári níɛ̀ nɛ caa nɛ jiin siɛnnɛ kele nī gèle, nɛ kele kálì nyu gàli kiyè yɛli gèleʔ.

Timote 2 2:6

A tàfaliwɛ wiī nɛ fáli kátii wè, wi 'yɛli bè puu péliwe bè wi siʔi ki yaliire ti tɔ̀ni taa wè.