Luku 10:21 - Sénoufo Nyarafolo

²¹ Kire lɛ̀lɛ nī lè a Kulocɛliɛ Pìle ni 'fundaanra nyɔ́gɔ Zezi fungo nī gè a wi 'jo: «Tuufɔli, muɔ wī nyìʔɛnɛ nɛ́ dàala kàfɔli wè ! Mi 'kpuʔɔrɔ taʔa muɔ nɛ̄, bɛ̀ muɔ 'kele gálì làrigɛ gèle kacɛ́nminɛ nɛ̄ bèle nɛ́ siɛnsicilile ní bèle, nɛ́ sí ke tìɛ pìile nɛ̄ bèle. ʔaan, Tuufɔli, kire muɔ 'nyaa ki 'muɔ dɛ́ni gè !»

Luku 10:21 Iomraidhean Croise

Ŋúnuyɔ 24:1

Dawuda ŋúnudanʔa gī gàa pe ŋú nɛ́ yakpuɔnrɔ ní dè. Yewe mɛ́ duniya wi mìɛni yē, nɛ́ wi laamɛ yɛrɛ ní dè, dàala lè nɛ́ ni tɛ́nivɔlilɔ ní bèle.

Ŋúnuyɔ 25:14

Yewe nɛ wi funzɔngirɔ tìí dè wi wuulo nɛ̄ bèle, bàli pe wi fìʔɛ́ bèle. Wi nìɛ wi nyakungɛngɛ siɛnrɛ nyu de pe mɛ́.

Ŋúnuyɔ 8:2

ʔé Yewe, weli Kàfɔli, kányiʔɛ nɛ̄, muɔ míʔɛ ki tɔ̀ni yē kpuʔɔ dàala ni mìɛni nī díɛʔ ! Muɔ kpuɔmɔ pi 'kpúʔɔ nɛ̀ tóri nyìʔɛnɛ kpuɔmɔ nɛ̄ bè.

Matiye 16:17

A Zezi wi sí wi yɛ: «Siimɔ, Zonasi jaa, muɔ 'diba taa, nɛ̀ taʔa gíi nɛ̄, siɛn bɛ̀ʔ wi 'kányiʔɛ gáà tìɛ gè muɔ nɛ̄ʔ. Mi Tuu wire tíimɛ wī, mi Tuu ŋáà wī baa nyìʔɛnɛ nī lè.

Matiye 21:16

A pe 'Zezi yɛ wè: «Muɔ nɛ dàa lúru dè í, dàa pe nyu dè ?» A Zezi wi 'pe yɛ: «ʔaan, je mi nɛ ti lúru. Yeli sì fìɛ ki wéli baa Kulocɛliɛ siɛnsɛbɛrɛ nī dè léʔ bɛ̀ ki 'juu nɛ́ jo: Muɔ 'ki kpíʔile pìile nɛ́ pìfiɛnyɛ nɛ muɔ gbùʔɔrɔ́ lé ?»

Matiye 3:7

Bà wi kɛ́nì Fariziɛnnɛ nyaa bèle pe báan wi mɛ́ nìʔɛbɛlɛ bèle, nɛ́ Sadusiɛnnɛ ní bèle, bè pa batɛmi kpíʔile wè, a wi 'pe yɛ: «Yeli bèle wɔmɔri siimɛ wuulo bèle, ŋáasiɛn wi kɛ́nì ye yɛ yeri fé Kulocɛliɛ funyɛrigɛ nɛ̄ gè, gàa ki báan baa gè ?

Mariki 10:15

«M'bé ki juu yeli mɛ́ kányiʔɛ nɛ̄, a siɛn ŋíì sì fɔ̀liʔ Kulocɛliɛ Kùlofɔligɔ nɛ̄ gè bɛ̀ pùɔ tíɛlɛ wè, ki siɛn wiǐ ga tíi bé jíin baaʔ.»

Luku 15:5

A wi sɛ́nì wi caa nɛ̀ wi nyaa wè, wi nɛ̂ wi líɛ nɛ̀ taʔa fíkanʔa nɛ̄ nɛ́ fundaanra ní.

Luku 15:9

A wi 'wi caa nɛ̀ wi nyaa wè, wi bé wi nàgorilo yeri bèle nɛ́ wi tɛ́ninyɛninɛ ní bèle, bè pe yɛ: ‹Yeri fundaanra kpínʔini nɛ́ mi ní ! Mi nyɛ́nì mi wali nyaa wè, ŋàa wi cé pùunni wè.›

Zezi Kirisi Kataanna Siɛnrɛ dè Zan juumɔ nɛ̄ bè 11:41

A pe sí kàdɛnigɛ kòligo gè nɛ̀ láʔa. A Zezi wi 'yiʔɛ yɛ̀gɛ gè naamɛ nɛ́ jo: «Aba, mi nɛ muɔ síɛri bɛ̀ muɔ nɛ lúru mi mɛ́ wè.

Korɛntiyé 2 4:3

Nɛ̀ sí ki taa Kataanna Siɛnrɛ dáà weli 'jáari dè, tiī nɛ tíin fuudɔnrɔ bìli mɛ́ pe waa cúʔɔgoligo nī gè.

Efɛziyé 1:11

Nɛ̀ pínɛ Kulocɛliɛ wi cé weli nyíɛnɛ nɛ̀ kɔ̀n nɛ̀ yaʔa we- puu pínɛnɛ nɛ́ Zezi Kirisi ní wè, nɛ̀ yɛli nɛ́ kele gílì wi cé tɔ́nminɔ nɛ̀ yaʔa gèle. Ki 'nyaa wiī nɛ kele ke mìɛni kúu nɛ̀ yɛli nɛ́ wi nyɛ́ni kaala ní lè,

Efɛziyé 1:5

Kulocɛliɛ wi cé kíni nɛ̀ ki yɛ̀gɛ bè weli líɛ bè weli kpíʔile wi pìile nɛ̀ yɛli nɛ́ gàa Zezi Kirisi wi 'kpíʔile gè. Wi 'kire kpíʔile nɛ̀ yɛli nɛ́ wi nyɛ́ni kaala ní lè, nàa ni 'wi dɛ́ni lè,