Luku 10:16 - Sénoufo Nyarafolo

¹⁶ «A siɛn ŋíì 'yeli siɛnrɛ lúʔu dè, mi siɛnrɛ wi 'lúʔu; a ŋìi sí yeli wáa wè, mi wi 'wáa. A siɛn ŋíì sí mi wáa wè, Kulocɛliɛ ŋáà wi 'mi tun wè, wire siɛn wi 'wáa nɛ̀ pínɛ.»

Luku 10:16 Iomraidhean Croise

Yirile 16:7

Sínbinimɛ táanni bè, yeli bé Yewe cɛ̀nmɛ nɛ́ wi kpuɔmɔ nyaa bè, nɛ́ ki cɛ́n wi nyɛ́nì kúnʔɔrilɔ lúʔu lè nàa yeli 'juu nɛ̀ wáa Yewe mɛ́ wè. Nɛ́ weli ní bèle, báli bīɛlɛ weli bèle kire ga buu yeli de kúnʔɔri weli nɛ̄ ?»

Yirile 16:8

A Misa 'kɛ́ yiʔɛ mɛ́ nɛ́ juu nɛ́ jo: «ʔaan, yeli bé ki cɛ́n, a Yewe kɛ́nì kaara kɛn dè yeli mɛ́ wè dàa yeli bé káa cɛnguʔɔ táanni gè, nɛ́ yaliire ní dè sínbinimɛ táanni bè, yeli bé lìi bè tín. Nɛ́ ki cɛ́n Yewe nyɛ́nì ti lúʔu kúnʔɔrilɔ náà yeli 'kúnʔɔri wi nɛ̄ wè. Weli bèle, weli yē báli ? Sànʔara dáà yeli 'juu nɛ̀ wáa weli kɔli mɛ́ gè, Yewe wori dī.»

Tɔ́rilɔ 14:11

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

Tɔ́rilɔ 14:2

A Isirayɛli tògo siɛnnɛ pe mìɛni Misa nɛ́ Arawɔn sànʔa wè, nɛ́ jo: «A weli yé cɛ́nì kùu baa Ezipiti kùlo nī lè, kire ga laa waama kùlo nī lè o !

Tɔ́rilɔ 16:11

«Gàa gī baa gè, Yewe ní yeli nɛ túngu, muɔ nɛ́ muɔ gboli wuulo ní bèle. Á kire bɛ̀ʔ gè o, ŋáa wī Arawɔn wè dí yeli de wi sànʔá bèri túngu nɛ́ wi ní ?»

Matiye 10:40

«A siɛn 'yeli cò cɛ̀ngɛ wè, wi 'mi cò cɛ̀ngɛ; a ŋìi sí mi cò cɛ̀ngɛ wè, ŋàa wi 'mi tun wè, wire siɛn wi 'cò cɛ̀ngɛ.

Matiye 18:5

A siɛn ŋíì sí pùɔ ŋáà wi wàa cò cɛ̀ngɛ mi míʔɛ kire kɛnmɛ nɛ̄ bè, mi siɛn wi 'cò cɛ̀ngɛ.

Mariki 9:37

«A siɛn ŋíì 'pùɔ ŋáà wi wàa cò cɛ̀ngɛ mi míʔɛ kire kɛnmɛ nɛ̄ bè, mi siɛn wi 'cò cɛ̀ngɛ. A ŋìi sí mi cò cɛ̀ngɛ wè, m'bɛ̀ʔ siɛn wi 'cò cɛ̀ngɛʔ, ki 'nyaa Ŋàa wi 'mi tun wè wire siɛn wi 'cò cɛ̀ngɛ.»

Luku 9:48

nɛ́ pe yɛ: «A siɛn ŋíì 'pùɔ ŋáà cò wè cɛ̀ngɛ mi kɛnmɛ nɛ̄ bè, mi siɛn wi 'cò cɛ̀ngɛ. A siɛn ŋíì sí mi cò cɛ̀ngɛ wè, ŋàa wi 'mi tun wè, wire siɛn wi 'cò cɛ̀ngɛ. Bè ki juu kányiʔɛ nɛ̄ gè, ŋìi wi 'wìi cɛ́rigɛ ye mìɛni nī bèle, wire wī kpuɔwɔ wè.»

Zezi Kirisi Kataanna Siɛnrɛ dè Zan juumɔ nɛ̄ bè 12:44

A Zezi wi sí juu kpuʔɔ nɛ́ jo: «Siɛn ŋíì wi 'tɛ́ngɛ mi nɛ̄ wè, mi nɛ̄ bɛ̀ʔ wi 'tɛ́ngɛʔ; ŋàa wi 'mi tun wè, wire nɛ̄ siɛn wi 'tɛ́ngɛ.

Zezi Kirisi Kataanna Siɛnrɛ dè Zan juumɔ nɛ̄ bè 12:48

«A siɛn ŋíì 'mi wáa nɛ́ kò wiì mi siɛnrɛ lúʔu dèʔ, kire siɛn wè, kàyuʔujuuwo 'taa wi nɛ̄. Ki 'nyaa siɛnrɛ dáà mi 'juu dè, tire ti bága kàyuʔu cáan ki siɛn nɛ̄ wè duniya kúɔjɛngɛ gè.

Zezi Kirisi Kataanna Siɛnrɛ dè Zan juumɔ nɛ̄ bè 13:20

M'bé ki juu yeli mɛ́ kányiʔɛ nɛ̄, a siɛn ŋíì 'mi tundunwɔ cò wè cɛ̀ngɛ wè, mi siɛn wi 'cò cɛ̀ngɛ. A ŋìi sí mi cò cɛ̀ngɛ wè, Ŋàa wi 'mi tun wè, wire siɛn wi 'cò cɛ̀ngɛ.»

Kakpiʔiligele 5:4

Muɔ wuʔu bɛ̀ʔ lé siʔi gè ? Bɛ̀ sí muɔ 'ki pári gè, wali wè muɔ wuu bɛ̀ʔ lé ? Gáa nɛ̄ muɔ 'sɔ̀ngirɔ dáà líɛ dè nɛ̀ le muɔ fungo nī gè ? Ma sí ti lúʔu, siɛn bɛ̀ʔ muɔ 'fáanniʔ, Kulocɛliɛ mɛ́ muɔ 'finɛ.»

Galasiyé 4:14

Bà mi 'puu yaawa nɛ́ ní wélibiɛnwɛ wè, yeli sì puu nɛ nyígi mi nɛ̄ʔ, nɛ tíɛnrɛ sùlugú nɛ wáariʔ. Mi wuʔu ki yé tɔ̀ni nɛ̀ puu yeli nɛ̄ gbɛ̀ligɛ. Ki 'nyaa yeli yé mi cò bɛ̀ nyìʔɛnɛ tundunwɔ tíɛlɛ wī, á kire 'laa bɛ̀ Kirisi Zezi tíɛlɛ wè.

Tesalonikiyé 1 4:8

Kire nɛ̄, siɛn ó siɛn wi 'siɛnrɛ dáà cíi dè, siɛn bɛ̀ʔ wi 'cíiʔ, ki 'nyaa Kulocɛliɛ wire siɛn wi 'cíi, Kulocɛliɛ ŋáà wi 'wi Tiɛlɛfun Pìle kɛn lè yeli mɛ́ lè.