Luku 1:8 - Sénoufo Nyarafolo

⁸ Làa nɛ̄ a ki kɛ́nì nyaa Zakarii wire nɛ̄ ki cé nɔ̀ bè kacuɔnrirɔ baara kúɔ dè baa Kulocɛliɛ Gbùʔɔrɔsaʔa nī gè, nɛ̀ yɛli nɛ́ bɛ̀ pe gboli ni cé dàli nɛ ki kpínʔini gè.

Luku 1:8 Iomraidhean Croise

Yirile 28:1

A Yewe 'ki juu nɛ̀ gbɛ̀ngɛ Misa mɛ́ nɛ́ jo: «Bɛ̀ Kòridiʔɛ ki 'faan nɛ̀ kúɔ gè, ma muɔ luɔ Arawɔn kɔ́ri wè nɛ́ wi jaala ní bèle: Nadabi, Abiyu, Eleyazari nɛ́ Itamari. Muɔ bé pe wàli dɛ́ngɛ piyeyɛ Isirayɛli siɛnnɛ nī bèle, kire ga buu peri kacuɔnrilɔ baara kúu dè mi mɛ́.

Yirile 28:41

Muɔ Misa wè, muɔ bé bururo dáà le dè Arawɔn nɛ̄ wè nɛ́ wi jaala ní bèle, bé siɛnnyiɛnɛgɔn sùnmɔ wo bè pe nyùyɔ nɛ̄ yè, bè pe tɛ́ngɛ pe baara nɛ̄ dè bè pe wàli dɛ́ngɛ, kire ga buu peri kacuɔnrilɔ baara kúu dè mi mɛ́.

Yirile 29:1

A Yewe ń'nɛ̀ jo: «Ki n'gɛ gàa muɔ bé kpíʔile bè Arawɔn nɛ́ wi jaala wàli bèle bè tɛ́ngɛ wè kire ga buu peri kacuɔnrilɔ baara kúu dè mi mɛ́ wè. «Muɔ bé kpɔlidiɛlɛfun nɛ̀piɛyɛlilɛ láà cò nɛ́ kpɔlidiɛlɛfun sìnbapɔlilɔ siin ní.

Yirile 29:44

«ʔaan, mi Yewe m'bé Kpàlidiʔɛ Kpátaʔa wàli gè bè tɛ́ngɛ nɛ́ gbùʔɔrɔdiʔɛ ní gè, nɛ́ míɛni m'bé Arawɔn nɛ́ wi jaala wàli bèle bè tɛ́ngɛ peri kacuɔnrilɔ baara kúu dè mi mɛ́.

Yirile 29:9

Muɔ bé Arawɔn nɛ́ wi jaala puɔ bèle nɛ́ burudɔniyɔ màʔagɛlɛ ní gèle, bé sí pe ndɔ̀ngɔlɔ tɔ́n gèle pe nɛ̄. Bà pe bé nɛ́ gbɛ̀ri kacuɔnrilɔ baara kúu dè; tire bé puu fànʔa kaala lɛ̀lɛ ó lɛ̀lɛ. «Píra ŋáà nī wè muɔ bé pe tɛ́ngɛ kacuɔnrilɔ baara nɛ̄ dè.

Yirile 30:30

Muɔ bé kire siɛnnyiɛnɛgɔn sùnmɔ wo bè Arawɔn nɛ́ wi jaala nɛ̄ bèle bè pe wàli dɛ́ngɛ, kire ga buu peri kacuɔnrilɔ baara kúu dè mi mɛ́.

Tɔ́rilɔ 18:7

«Muɔ Arawɔn wè, muɔ nɛ́ muɔ jaala ní bèle, yeli béri kacuɔnrilɔ baara kúu dè dàa ti mìɛni dī gbùʔɔrɔdiʔɛ yafanʔa wori dè nɛ́ dàa dī baa gunbɔli fɛ̀ni kàduʔu mɛ́ gè. Mi nyɛ́nì kacuɔnrilɔ baara kɛn dè yeli mɛ́ yakɛngɛ; a siɛn wáà wiiyɛ sìʔɛrɛ nɛ̀ kpɔni saawalidɛngɛgɛ nɛ̄ gè, pe 'yɛli pe- kire siɛn kpúu wè.»

Luku 1:5

Erodi Liʔɛ fànʔa lɛ̀lɛ nī lè, Zude kùlofɔli wè, Kulocɛliɛ Gbùʔɔrɔsaʔa kacuɔnriwɔ wáà 'puu baa, pe 'puu nɛ wi yeri Zakarii. Kacuɔnriwɔ Abiya wè, wire gboli wuu wáà wi 'puu. Pe 'puu nɛ wi cuɔ yeri wè Ɛlizabɛti, Arawɔn tùlugo póri wi 'puu.

Luku 1:7

Piyè sí cé pùɔ taaʔ, bɛ̀ ki 'nyaa cesiʔi ki yé cíi Ɛlizabɛti mɛ́ wè. Á ki sí ní nɛ̀ nyaa pe siin pe cé liɛ nɛ̀ tóri.